Perro

El perro.

El Perro (del latín canis) es un animal mamífero ke pertenese a la famiya de los canis lupus, es aparentado kon el lobo, a logrado un proseso de domestikasion en la vida del ombre. Ay en este animal un grande olfato i un oyido desvelopado, la su altura es variada ay razas pichonas i razas grandes en diversas parte del planeta.

Desde tiempos antikos, ha akompanyado al umano en su kamino por todo el olam aze 9,000 anyos atras, es kosiderado el major amigo del ombre i asegun, se diz ke hue domestikado en Asia, anke ay distintas versiones de la domestikasion de perros en todo el olam, no konozese si todas las razas derivan del mismo grupo de famiya, la su taxonimia es Canis lupus familiaris.

El perro es tenido komo maskota en la kaza de los umanos i ay un espasio para avitar en kompania, ay perros de kazeria, perros de pishka, perros de ayudo, perros de lavoro, perro para kudia de animales komo ovejas, vakas, kravas i perros de defensa. Ma endagora, ay perros ke kudian personas, perros de hazina ke sirven de kompania de kriaturas, aedados o dolientes.

Anatomia

Anatomia djenerala de un perro: 1. testa, 2. osiko, 3. barbokeso, 4. ombro, 5. kodo, 6. pata anterior, 7. punto más alto de la grupa, 8. muslo, 9. korvejón, 10. patas traseras, 11. kruseta, 12. keso, 13. patas, 14. rabo

Alkunas razas de perro gozan de pelo i otras zon de poko pelo, el su osiko es de gueso huerte magzilar i dentes kaninos kon kolmiyos, grande rabo i patas huertes ke permiten korrer al animal.

Alimentasion

El perro es un animal karnivoro, kome karne kruda i karne kozinada.

Ver endemas

• Mamiferos

Atamientos eksternos

Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.