Vikipedya

de Vikipedya, la ansiklopedya líbera
Saltar a: navigación, buxcar
Vikipedya
     
Eskudo de Wikipedia

Vikipedya es una ansiklopedia libbera multilinguala, echa kon la teknolojiya "wiki". El nombre es una fuzion de los biervos wiki i ansiklopedia. La Vikipedya esta eskrita por djentes ke dezeyan ayudar, ansi la majorita de sus artikolos pueden ser editados/modifiados por kaduno i uno ke pueda uzar internet.

La Vikipedya se kreo el 15 de Jenero de 2001 komo un projekto en inglez para amijorar Nupedia, la kuala era eskrita solo por espesialistos[1]. Endagora es konduizida por la Fondasion Wikimedia sin objektivo de profitar ekonomikamente del projekto. Fue kriada por Larry Sanger i Jimmy Wales; Sanger se esvacheo de Nupedia i Vikipedya el 1 de Marso de 2002. Wales apresenta la Vikipedya komo "un esforso para kriar i partajar una ansiklopedia libbera i multilinguala de la amijor kondision posivle para kada persona del planeta en su apropiada lingua".[2]

La Vikipedya tiene mas de 22 milyones de artikolos en varias linguas, inkluyendo los kaji 5 milyones de artikolos de la version en inglez i los mas de un milyon de artikolos de las versiyones en alman, fransez i neerlandez. Egzisten versiyones de Wikipedia en 283 linguas[3], i 58 de eyas tienen mas de 50.000 artikolos. Entre eyas, bien entendido, esta la Vikipedya en Ladino, Djudeo-espanyol, Djidio o Djudezmo, en la ke kale lavorar muncho para ke seya "pushada, i no minguada". La edision en aleman egziste endemas en DVD-ROM, i esta propozada una versiyon en DVD i en livro para la Vikipedya en inglez. Desde el su empesijo, la Vikipedya tiene amijorada konstantemente su emportansia[4], i se tiene muchiguada con varios prodjektos ermanos.

Referensias[trocar | Trocar el manadero]

  1. Kaplan Andreas, Haenlein Michael (2014) Collaborative projects (social media application): About Wikipedia, the free encyclopedia. Business Horizons, 57(5), pp.617-626
  2. Jimmy Wales, "Wikipedia is an encyclopedia", 8 de Marso de 2005, <wikipedia-l@wikimedia.org>
  3. Lista entera de Wikipedias ke egzisten
  4. Ver diagramas en "Vijitas por dia", Estadistikas de la Vikipedya, 1 de Jenero de 2005

Atamientos eksternos[trocar | Trocar el manadero]


Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.