Gran Esnoga de Estokolma
La Gran Esnoga de Estokolma (lingua sueka: Stockholms stora synagoga, ivrit: בית הכנסת הגדול של שטוקהולם), se topa en la kaleja Wahrendorffsgatan, serka del parko Kungsträdgården en Norrmalm, Estokolma, i fue fraguada entre las anyadas de 1867 i 1870, d'akodro kon el desinyo echo en 1862 por el arkitekto Fredrik Wilhelm Scholander. La frágua es yamada "una parafrasa de motifs oryentalos"[1], i esta enrejistrado enel rejistro nasional de Suesia de fraguas istorikas nasionalas. Antes de eya, se fraguo una esnoga en Tyska Brunnsplan en la Sivdad vieja de Estokolma (oy se topa en 19, Själagårdsgatan), uzada entre las anyadas de 1790 i 1870, i antes ainda se meldava en una kaza en Köpmanbrinken serka de Köpmantorget en la sivdad veja entre las anyadas de 1787 i 1790.
La Judiska biblioteket, la bilioteka de la komunita, basho el kudio de Lars Raij, se topa debasho de la Gran Esnoga. Tiene una koleksion multilinguala kon ovras en sueko, alman, inglez, fransez, ivrit i otras linguas. Endemas tiene las ovras del haham Marcus Ehrenpreis (1869–1951), el kualo fue en Rabino Shefe de Suesia desde 1914 fina 1951. En la biblioteka endemas son amostradas a veses mostras de entereso de la komunita, komo el jurnal de Friedrich Kellner, kon detalyos durante los diyas del Treser Reich i el Olokosto.
Referensias
[trocar | trocar el manadero]- ↑ Nordisk familjebok 26, col. 1470
Atamientos eksternos
[trocar | trocar el manadero]- The Great Synagogue of Stockholm from Museum of the Jewish People (en lingua inglesa)
- Oja Ofisiala de la Gran Esnoga de Estokolma (en lingua inglesa)