Habiba Bouhamed Chaabouni
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Habiba Bouhamed Chaabouni (Susa, 19 de Desiembre de 1950[1]) es profesora de Djenetika en la Universita de Tunis.
Biografiya[trocar | trocar el manadero]
Habiba nasio en Susa i ambezo Medikeria de Kreaturas en la Universita de Tunis[2] i tiene un mestrado en Djenetika i Fisiolojiya de la Universita de Paris V. [3] En 1981, Chaabouni aperturo el primer servis de konsejamiento djenetiko, i diskues prinsipio una bushkida epidemiolojika enel norte de Tunesia, una rejion en la kuala las hazinuras djenetikas ke kavzan la muerte de munchas kreaturas es la mas alta del payis. La su bushkida amostro ke en esta rejion, la katrena parte de los espozamientos son echos entre primos i ke los sus padres eran eyos ermanos.
En 1993, prinsipio un servis de konsejamientos djenetikos i una klinika kon el buto de enfluensar las provas djenetikas antes del nasimiento de las kreaturas. El su lavoro izo posivle la identifikasion de muevas mutasyones djenetikas lisionadas kon diferentes hazinuras. Eya tiene publikados mas de 100 artikolos sientifikos[4] i es la otora de mas de 50 artikolos revizados por sientistos.[5]
Mientres ke azia las sus bushkidas, desenyo un programa de djenetika en la Eskola de Medikeria de la Universita de Tunis. En 2006, era onorada kon el Premio L'Oréal-UNESCO para Mujeres Sientistas.[6]
Oy endiya eya lavora komo danisheante para la Organizasion Mundiala de la Sanedad (OMS), i la Liga de Nasiones Arabikas.[4] Chaabouni endemas lavora en munchos prodjektos internasionalos lisionados kon hazinuras djenetikas eredadas. Endemas, lavora ensima de la konosensia de la Deklarasion Universala de los Diritos Djenetikos de la UNESCO, i apartiene ala Sosyete Amerikana de Djenetika Umana, la Sosyete Fransesa de Medikeria[1] i ala Sosyete Evropea de Djenetika.
O komo eya dize:
Referensias[trocar | trocar el manadero]
- ↑ a b CHAABOUNI-BOUHAMED, Habiba. Bibliothèque de l'Académie nationale de médecine (en lingua fransesa)
- ↑ Habiba Bouhamed Chaabouni. Futura Santé (en lingua fransesa)
- ↑ Habiba Chaabouni Bouhamed. Who is She in Tunisia - CREDIF
- ↑ a b Biography of Habiba Bouhamed Chaabouni. African Success (en lingua inglesa)
- ↑ Biography. Centre for Arab Genomic Studies (en lingua inglesa)
- ↑ Five remarkable women scientists receive the 2006 L’ORÉAL-UNESCO Award. UNESCO (en lingua inglesa)
- ↑ Success story: Habiba Bouhamed Chaabouni. Adept (en lingua inglesa)