Hasköy

Un artíkolo de la Vikipedya, la ansiklopedya líbera
Ir a la navegación Ir a la búsqueda

Hasköy es un sentro en el bodre del Korno de Oro apartiene al kazal de Beyoğlu en Estambol.

En el tiempo de los Otomanos aya biviyan Cudyos i Gregos. En este sentro se topa el palasyo de Aynalıkavak i el muzeo de Rahmi M. Koç.

Beyoğlu se aparta a 5 maales. Estos son Beyoğlu, Karaköy (Galata), Hasköy, Kasimpaşa i Taksim. En el bodre del Korno de Oro ay un sentro entre Kagithane i Kasimpasha dospues ke Fatih Sultan Mehmet konkisto Estambol se aresento el rey en este lugar. Komo fue apropriado para el le metyeron el nombre de Haskoy. I el maestro del rey, Akşemsettin, bivyo un tiempo en este lugar.

En el tiempo de los Otomanos Haskoy fue nombrado kon suz guertas ke ensembravan portokal, limon, agranadas, narancaz i limones grandes komo melon. Oy en diya en Haskoy ay tersana i atölyes çikas i grandes. La maz parte del puevlo de Haskoy lavoravan en la tersana nombrada Taşkızak, i en otros eços.

Haskoy tiene munços lugares istorikos. En frente del polisiya de Aynalıkavak se topa un lugar para mirar hazinos. Aparte de esto una parte de la tersana Cami alti se topa en Haskoy. El ponte del Korno de oro esta acuntando a Halıcıoğlu i Ayvansaray. La largor del ponte es 995 metros, la anchor es 31.25 metros i la altura ez 22 metros. Enriva del ponte ay 6 kaminos 3 para kada parte. En los doz lados ay kamino para el puevlo de tres metros de anchor.

En Haskoy ay un lugar yamado Hasbahçe ke era un lugar de paseyo komo Kağıthane. Kada viernez i Alhad este lugar se avriya para el puevlo. Aya se topava la orkestra del rey, viniyan cente de todaz las partes kon las komidas i se divertian. Estos divertimientos kontinuaron fina el tiempo del rey Mecid.

En la parte alta de Haskoy aviya un lugar kon yervas sin arvoles, ke era despovlado. Este lugar se yamava Ok Meydani. En las primaveras, se aziyan en este lugar konkursos de eçar fileças. En el tiempo del rey Selim I se dava pransos para los ke ganavan el konkurso. I ande kayiya la fileça se fraguava una kolona (sütun). En este lugar aviya munças kolonas endoradas kon rozas i fileças. Se alavavan la cente ke eçavan las filechas i se kontava sus talentos. Entre eyoz aviyan i reyes komo el rey Murat Gazi IV.

El otro nombre de Haskoy era Pikridon. A este nombre se rankontrava en laz eskrituryas viejaz de los Bizantinos. Haskoy fue renomada dospuez del sinken Sieklo. En este lugar biviyan la cente renomada de Bizans.