Janet Jagan

Un artíkolo de la Vikipedya, la ansiklopedya líbera
Ir a la navegación Ir a la búsqueda
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Janet Jagan.

Janet Rosenberg Jagan (Chicago, Illinois, 20 de Oktobre de 1920 - Georgetown, 28 de Marso de 2009) era una politika de Guyana, de relijion djudia, presidenta en 1997 diskues de la morte del su espozo, Cheddi Jagan, la kuala governo fina 1999. Por modre de hazinura enel korason, desho el governo.

Biografiya[trocar | trocar el manadero]

Jagan nasio en Chicago, Illinois, el 20 de Oktubre de 1920, en una famiya djudia no-relijioza de klasa media-alta. Los sus padres eran Charles i Kate Rosenberg; el su nono materno, Adolf Kronberg, nasio en Rumania, mientres ke la su nona, Rosa Appelbaum, nasio en Madjaristan. En Disiembre de 1942, mientres lavorava kudiando hazinos enel Cook County Hospital, konosio a Cheddi Jagan, un mansevo Indo-Guyanezo, el kualo ambezava para ser dientisto en la Universita Northwestern.[1] Pishin, se espozaron en Ogusto de 1943 i en Disiembre, eya se fue a bivir en Guyana kon Cheddi.

Vida en Guyana[trocar | trocar el manadero]

En 1943, diskues de espozarse, la famiya Jagan dechidio bivir en la entonses Guayana Britanika.[2] Eya, endjunto kon Cheddi, era aktivista de siedra i lavoro enel buro del su espozo, ke ya era dientisto, 10 anyadas. En 1946 fondo endjunto kon Cheddi, el partito de siedra Komisyon de Asuntos Politikos.

Karriera politika[trocar | trocar el manadero]

Janet Jagan, entro sin reushita al mondo politiko kuando, en 1946, era yamada a las eleksiones del konsejo de la sivdad de Georgetown de 1947. Ma el 1 de Djenero de 1950, kuando eya i el su espozo yegaron a ser ko-fondadores del Partito Progresista Popular (PPP), el kualo se fondio kon el Partito Lavorista de la Guayana Britanika, Janet era elekta Sekretaria Jenerala del PPP, aziendo esto desde 1950 fina 1970. Endemas, en 1950, Jagan era elekta parfa el Konsejo de la sivdad de Georgetown, yegando a ser la primera mujer del payis elekta para esta posizion.[3] Eya yego a ser elekta deputada ala Asamblea de Guyana Britanika en las eleksiones de avril de 1953, komo la representante del Esekivo. Era una de las tres mujeres elektas ese anyo; diskues de la eleksion, era elekta Presidenta de la Asamblea Lejislativa. El su partito, era un partito Marksista-Leninista, opozado al governo britaniko; diskues de la su reushita en las eleksiones, las otoridades de la kolonia dechidieron kitar el governo del PPP, deke kreyian ke los Jagan bushkavan aliansas kon payises komunistos para obtener ayudo para ograshear por la independensia del Reyno Unito. Cheddi i Janet eran metidos en prizion por sinko mezes, i diskues metidos en la su kaza prezos por dos anyadas. [4] Durante los proksimos anyos, eran viktimas de un plano organisado por la CIA para kontenerlos politikamente, por modre de atakos en los djurnales kon estoryas ke lisionavan la su famiya kon la de los espozos Rosenberg, revoltas i otros atakos para aharientar la imaje de los Jagan i afilu el governo amerikano kito la su sitizenia.[4]

En 1973, Jagan era elekta para el Parlamento i re-elekta en 1980, 1985 i 1992, yegando a ser la deputada mas eksperimentada del Parlamento, kon 46 anyadas. El su espozo Cheddi Jagan era elekto Presidente de Guyana en 1992, i Janet Jagan yego a ser la Primera Dama del payis. Eya era la ambasadora del payis en las Nasiones Unitas durante tres meses en 1993, metida en lugar de Rudy Insanally, deke este era elekto Presidente de la Asamblea Djeneral de las Nasiones Unitas .

Diskues de la muerte de Cheddi Jagan, Janet Jagan fue yamada komo primera ministra del payis,[5] endemas de primera visepresidenta el 17 de Marso de 1997. Anke aresivio munchos atakos por la kolor de la su pyel[6] i estoryas de ke una sitizena nasida en otro payis no puedia ser presidenta del payis, Jagan era elekta la kandidata presidensiala del PPP en las eleksiones de Desiembre de 1997. Diskues de ke el PPP konsigio parvenir en las eleksiones,[7] yego a ser la katrena presidenta en la istorya de Amerika del Sud (diskues de Isabel Perón de Arjentina, Lidia Gueiler de Bolivia i Rosalía Arteaga de Ekvador ) anke era la primera en ser elekta por voto demokratiko. Endemas, era la primera persona nasida en Estatos Unitos i la primera djudia en ser presidenta de un payis de Amerika del Sud.

Vida kulturala[trocar | trocar el manadero]

Janet Jagan estava dedikada al dezvelopamyento kultural de Guyana. Eya publiko las primeras poesiyas de Martin Carter en PPP Thunder, djurnal del kualo era la editora shefe, i endemas apoyo la publikasion de las primas koleksiones de Carter, lomo The Hill of Fire Glows Red. Jagan kreyia ke las kreaturas de Guyana tinian menester de livros ke amostrasen las sus propias realidades. En 1993, Peepal Tree Press publiko When Grandpa Cheddi was a Boy and Other Stories, i diskues Patricia, the Baby Manatee (1995), Anastasia the Ant-Eater (1997) i The Dog Who Loved Flowers[8]

Hazinura i morte[trocar | trocar el manadero]

El 1 de Djulio de 1999, diskues de aboltar de la Kumbre Iberomerikana-Evropea en Rio de Janeiro, era yevada pishin al Joseph's Mercy Hospital St. en la kapitala del payis, Georgetown, fatigada i adolensyada enel pecho, kon un atako enel korason[9] i se kedo enel ospital fina el 3 de Djulio. Eya, un mes diskues, viajo a Estatos Unitos para aresivir tratamyento mediko espesialisado enel Akron Municipal Hospital en Akron, Ohio.

Jagan deklaro a los djurnales el 8 de Ogusto de 1999 ke renunsiava komo presidenta, por podre de la su hazinura, deke no puedia ser una lider kon huersa. Disho ke el ministro de Finansas Bharrat Jagdeo iva ser el muvo presidente. Jagdeo djuro komo Presidente el 11 de Ogusto.

En las eleksiones internas del PPP, el diya 29 de Ogusto de este anyo, era elekta para un fotolyo enel Kongreso. Jagan aresivio el doseno mas grande numero de votos (671) en la eleksion para el Komite Sentral del partito, echa el 2 de Ogusto de 2008. ANtonses era elekta para el Komite Ejekutivo del PPP, además de ser elekta editora shefe del djurnal PPP Thunder, el 12 de Ogusto de 2008.

Janet Jagan murio el 28 de Marzo de 2009 enel Georgetown Public Hospital.[10] El su kuerpo era kemado el 31 de Marso de 2009 en Brasil.

Referensias[trocar | trocar el manadero]