Tramvay de Yerushalayim
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
El Tramvay de Yeruslahayim (הרכבת הקלה בירושלים, A-Rakevet A-Kala Birushalayim) es el tramvay ke tiene servis en Yerushalayim, prinsipiando su lavoro en la anyada de 2011.[1] El Tramvay de Yerushalayim es konosido deke pasa por enriva de Ponte de las Kuedras en la entrada oksidentala de la sivdad desde la Otopista 1
Istorya
[trocar | trocar el manadero]La prima vez ke fue diskutido el fraguamyento de una linea de tramvay en Yerushalayim fue en 1892, kon una proposta del enjeniero libanezo George Franjieh, el kualo desvelopo la linea Jerusalén-Yafo. En 1910, las otoridades otomanas publikaron un yamado a entreprisas ke buskhlavan fraguar una linea de tramvay en la sivdad.[2]
En 1918, kuando ya eskapava la Primera Gerra Mondiala i se aprontava el prinsipio del Mandato Britaniko de Palestina, la Armada Ingleza apronto una mueva linea de treno ke atava la Gara de Trenos de Yerushalayim (yamada por los inglezes komo "la Gara Primera") kon Al Bireh, en las ahueras de la sivdad de Ramala. Esta misma anyada fue removida, ama sirvio de ayudo a kriar muevas i modernas kalejas en la sivdad.
Ya en las anyadas de 1970, el trafik en la sivdad era tan negro ke la sivdad abolto a konsiderar fraguar una linea de tramvay, ama no fue aprovado fina 1996, endjuntamente kon un sistem de Otobus de transit kon prestor.[3]
El su fraguamyento prinsipio en 2002 i fue eskapado en 2010, dospues de munchos penserios i ke la entreprisa ke azia el fraguamyento desho de fonksionar.
Galeriya
[trocar | trocar el manadero]
Atamientos eksternos
[trocar | trocar el manadero]
Referensias
[trocar | trocar el manadero]- ↑ Priemus, Hugo; Wee, Bert van (29 de noviembre de 2013). International Handbook on Mega-Projects. Edward Elgar Publishing. ISBN 9781781002308. (en inglez)
- ↑ Hasson, Nir (June 7, 2011). The Electric Carriage of Mandatory Jerusalem. Haaretz (en ebreo)
- ↑ From Mule Tracks to Light Rail Transit Tracks Integrating Modern Infrastructure into an Ancient City—Jerusalem, Israel (en inglez)