Kol Israel
Kol Israel (La Boz de Israel) es el nombre de la Radio del governo yisraeliano, la kuala tiene programas nasionales i endemas internasionales.
El empesijo de sus fonksiones komo radio dependiendo del Ministerio del Interior yegó el 14 de mayo de 1948, diya de la independensia de Israel ma diskués se izo parte del Buró de Posta i Telegraf fina kuando yegó a pasar a depender del buró del Primer Ministro yisraeliano. Anke ofisialmente fue aperturada en 1948, uno de los kanales de radio de la resistans djudia era yamado Kol Israel, ma el su nombre fue trokado para uzarsen kon una mieva radio al yegar la independensia, uzando endemas las fráguas i aparatos de la antika Palestine Broadcasting Service, ke era la radio ofisiala del la autoridad britanikas en Palestina desde 1936. Ayí lavoravan empiegados del Palestine Broadcasting Service i miembros ke lavoravan en la radio de la Aganá.
Kol Yisrael es una de las primeras radios en ofreser FM. Al empesijo, las estasiones se topavan en Yerushalayim, Tel Aviv i Haifa;[1] la antika Palestine Broadcasting Service tenia las sus antenas en Ramalla, ma kedaron basho kontrolo de Djordania.
En marso de 1950 fue el empesijo de la transmision internasionala basho el nombre de Kol Zion La Gola por la Organizasiyon Zionista Mondiala endjuntamente kon la Sohnut. En 1958 fueron unidas ambas radios basho el nombre de Kol Iisrael; enel anyo 1965 pasó a estar basho el kontrolo de la Autoridad de Radio i Televizyón de Israel.
Kanales
[trocar | trocar el manadero]- La Boz de Israel (Israel Radio International): emite en lingua inglesa, fransez, farsi, ruso, lingua djudeo-espanyola, kastilyano i otras.
- Reshet Alef: programa kulturalo i jeneralista con habéres en inglez.
- Reshet Beit.
- Reshet Gimel: musika yisraeliana.
- Reshet Dalet: radio en arabo.
- REQA: destinado a los olim en Israel, se emite en 13 linguas.
- 88 FM: musika pop internasionala.
- Kol Amusika: musika klasika evropea.
- Reshet Moreshet: emisora relijioza.
Referensias
[trocar | trocar el manadero]Atamientos eksternos
[trocar | trocar el manadero]- Israel Radio International (en lingua inglesa)
- Israel Broadcasting Authority
- Cultura:Medios de comunicación. Página oficial del Ministerio de Asuntos Exteriores. (en lingua kastilyana)
- Primera Oja ofisiala de Kol Yisrael