La Djuderia (Rodes)
La Djuderia, (en alefbet ivrit לה גֿודירײה), iva ser la antika máale djudia de Rodes, en Gresia. La máale iva ser abitada por djudios sefardim.
Istoria[trocar | trocar el manadero]
Anke la presensia djudia en la adá de Rodes egziste desde mas de 2.000 anyos, los abitantes de La Djuderia no arrivaron asta dempues de la ekspulsion de Espanya en el syéklo XVI. La komunita de la adá de Rodas bivio trankila i prospera asta kuando empesaron las persekusiones fascistas en los anyos 1930, i la povlasion yego a ser de mas de 4.000 abitantes.
Jeografiya de la máale[trocar | trocar el manadero]
La Djuderia esta ubikada en la parte oryental de la sivdad antika de Rodas, serka de un mueye uzado por los kruzeros. Esta basikamente sentrada a lo lungo de la kaleja Dossiadou, donde se anokontra la Esnoga Kal Kadosh Shalom, la unika esnoga ke keda en la adá de las sesh ke egzistieron, endemas del Muzeyo de la Komunita Djudia de Rodes. Otras fraguas i lares emportantes de la máale son la Plasa de los Djudios Martires, ke da onor a los djudios de Rodes ke ivan ser amortados en la Shoá; esta ubikada serka del sentro de la máale; endemas, se ankontran la eskola de la Alliance Israélite Universelle, el antiko lar de la Esnoga Gran Kal i munshas plakas enderedor de la máale en djudeoespanyol i en italiano. Huéra de La Djuderia esta el Betahayim Djudio de Rodes, elkualo fue aperturado en el syéklo XVI i es uno de los amijor preservados de Evropa.