Lalla Salma

Un artíkolo de la Vikipedya, la ansiklopedya líbera
Ir a la navegación Ir a la búsqueda
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Lalla Salma en los Payises Bashos en 2013.

La princhipesa Lalla Salma, nasida Salma Bennani (en arabo : الأميرة للا سلمى; en lingua bereber: ⵍⴰⵍⵍⴰ ⵙⵍⵎⴰ), es la espoza del rey Mohamed VI de Maroko i la madre del princhipe eredero Moulay Hassan i la princhipesa Lalla Khadija. Es la primera espoza de un rey o sultan de Marroko kon titolo propio i ke tiene sido apresentada al puevlo del payis i los medios de komunikasion. De fakto, kuando Mohamed VI era echo Rey de Marroko, arremato el harem del palasio. [1]

Biografiya[trocar | trocar el manadero]

El su nombre, Salma, es un biervo arabo ke sinyifika "shalom" o trankilitad. Lalla Salma nasio el 10 de Mayo de 1978 en Fez. El su padre, Haj Abdelhamid Bennani, era profesor en la Eskola Normal Prinsipala de Fez. La su madre, Naïma Bensouda, murio enel anyo 1981, kuando eya era de edad de 3 anyos. Endjunto kon la su ermana Meryem, kresio kon su nona materna, Haja Fatma Abdellaoui Maâne. Ambezo en un eskola privada en Rabat i diskues ene lise Hassan II, ande era avlava kon la su prima, Saira. En 1995, eskapo el lise, kon la espesialitad de sensias matematikas. Endemas de la su ermana Meryem, tiene un ermano mediko i tres ermanas mas, diskues del segundo espozamiento del su padre.

Diskues de ambezar dos anyos en las eskolas preparatorias Math-Sup i Math-Spé del Lycée Moulay Youssef, izo parte de la Eskola Superiora de Informatika i Analisis de Sistemas (ENSIAS) de Rabat, ande eya, tres anyos mas tadre, aresivio el titolo de Injenieriya del Estado en Injenierya Informatika. Diskues de eskapas la universita, lavoro en Kasablanka, para el grupo ONA, la entreprisa de "holding" mas grande del payis, basho kontrolo de la famiya del Rey.

Lalla Salma se espozo kon Mohamed VI de Marroko el 21 de Marso de 2002, enel Palasio Real de Rabat. Desde este momento, es yamada S.A.R la Princhipesa Lalla Salma.

Es la Prezidenta de la "Fondasion Lalla Salma de lutte contre le cancer"[2] i es ambasadora de buena voluntad de la OMS. Lalla Salma tiene viajado i apresentado al su espozo el Rey Mohamed VI en evenementos en Tailandia, Japon, Luksemburgo, los Payises Bashos i Fransia.

Ijos[trocar | trocar el manadero]

El 8 de Mayo de 2003, pario el eredero del reyno alaui, el princhipe Moulay Hassan, i el 28 de Fevrero de 2007 a una ija, la princhipesa Lalla Khadija.


Referensias[trocar | trocar el manadero]

Atamientos eksternos[trocar | trocar el manadero]

Commons Klika akí para ver las imajes de Commons ensima de Lalla Salma.