Leyla Alaton

Un artíkolo de la Vikipedya, la ansiklopedya líbera
Ir a la navegación Ir a la búsqueda
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Leyla Alaton (n. 1961 en Estambol) es una mujer de bisnes de la Turkiya i koleksionadora de arte, ke apartiene ala direktiva del grup Alarko de entreprisas.[1] Eya apartiene ala direktiva de Alarko desde 2008,[2] i endemas apartiene ala Djunta de Governo de Alvimedica Medical Devices.[3]

Biografiya[trocar | trocar el manadero]

Leyla nasio en Estambol. Eya es la ija de İshak Alaton,[4] uno de los fondadores de Alarko Holding, uno de los grups de entreprisas mas grandes de la Turkiya, amostrado en la Borsa de Estambol. El su padre murio el 11 de Septiembre de 2016.[5]

Alaton ambezo en la Eskola Şişli Terakki, Lisé Fransez Sainte-Pulchérie i Lisé Fransez Notre Dame de Sion en Estambol.[6] Endemas, ambezo Bisnes i Negosios en la Universidad Fairleigh Dickinson, eskapando un titolo de maestrado Sensias Sosyalas en la Universita de New York.[1]

El empesijo de la karriera de Alaton era vendendo sinturas[7] kuando bivia en los Estados Unidos. Es una de las fondadoras de Kadiger, la Asosiasion Turkana de Mujeres de Entreprisa.[8] Es konosida por avlar en konferensas ensima de los diritos de las mujeres i la emportansia de las mujeres en la Turkiya de oy endiya, ansi komo enkorajar las sosyetes de entereso sosyal.[3][9]

En 1993, eya era yamada una de las Shefas del Avenir enel Davos World Economic Forum.[1][6]. En 2014, aresivio la kondekorasion komo Chevalier (kavayero) de la Légion d'honneur franseza.[10]

Arte[trocar | trocar el manadero]

Alaton es konosida en la Turkiya endemas por la su grande koleksion de arte moderno,[6] de artistos de la Turkiya ansina komo de otros payises. Eya apartiene enel Konsejo Konsultativo de Arte Moderno de Estambol i del Konsejo de Shefes del New Museum en Mueva York.[11]

Kondekorasiones[trocar | trocar el manadero]

Referensias[trocar | trocar el manadero]

  1. 1,0 1,1 1,2 Leyla ALATON. Board of Directors. Alarko Holding. (en lingua inglesa)
  2. Leyla Alaton. Bloomberg
  3. 3,0 3,1 Leyla Alaton | Cartier Women's Initiative Awards
  4. Istanbul Journal; The Sephardim Give Thanks for 500 Good Years. New York Times
  5. Prominent Turkish businessman Isak Alaton dead at 89. Anadolu
  6. 6,0 6,1 6,2 Leyla Alaton. Indeks
  7. The success stories behind Turkey's rising female entrepreneurs. Sabah
  8. Leyla Alaton | Sisterhood in Turkey
  9. My City, My Istanbul: An Interview with Leyla Alaton
  10. 10,0 10,1 Leyla Alaton’a Fransa’dan ‘Légion d’Honneur’ (Onur Nişanı) (en lingua turka)
  11. Leyla Alaton. Women's Forum for the Economy and Society