Lingua arábiga

Pajina de una impresion en arabo de la afamada koleksiyon de kuentos de fantasia Las Mil i Una Nochadas la kual relata las leyendas de Aladin i Ali Baba, entre otros.

El arabo o arapo es una lingua semitika i serkanamente relasionada kon las otras linguas de la famiya komo ivrit, maltez i arameo. El arabo se orijina en Arabia, i era la lingua nativa de Muhamad, el insipiante del Islam; es el idioma tradisional de adorasion i estudio muselman. Se difundiyo mondialmente tras la ekspansion de la relijion.

Uzo de la lingua arabiga en el Midio Oryente i Afrika

Aktualmente, el arabo es la lingua ofisiala de 25 payises, i dempues del mandarin el idioma mas avlado en el mundo o, de akuerdo kon otras estimasiones, el katreno, dempues del inglez i el kastilyano.