Linoy Ashram

Un artíkolo de la Vikipedya, la ansiklopedya líbera
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Linoy Ashram en 2018.

Linoy Ashram (en ivrit:לינוי אשרם; nasida el 13 de May de 1999) es una djimnastista ritmika de Israel. Ella aresivio la medalya de oro en djimnastika ritmika en los Djuegos Olimpikos de Enverano de 2020. Es la primera mujer israeliana en areseivir una medalya de oro en los djuegos olimpikos i la primera djimnastista ritmika israeliana en aresivir una medalya olimpika.

Biografiya[trocar | trocar el manadero]

Ashram nasio en Rishon LeZion, Israel, de padres israelianos. El su padre, Oren, es soldado en la Huersas de Defensa de Israel de famiya yemeni i la su madre, Hedva, maestra de eskola de famiya grega.[1] Tiene un ermano i una ermanika. En Novembre de 2017, de edad de 18 anyos, Ashram era alstada komo soldada en las Huersas de Defensa de Israel.[2] ande sirvio fina 2019, kon el buto de ambezar Edukasion i Sosyete enel Kolej Akademiko Ono en Kiryat Ono, Israel.

Kariera[trocar | trocar el manadero]

Junior[trocar | trocar el manadero]

Ashram prinsipio la su kariera en 2011. En 2014, Ashram partisipo en la Miss Valentine Cup 2014 en Tartu, Estonia, diskues en la kateggoria junior enel Gran Premio de Mosku 2014, ande eskapo enel nueveno lugar, kon el kualo aresivio una plasa para los Djuegos Olimpikos de la Manseves [3]. Ashram partisipo en la Kupa del Mundo en Pesaro i en Tashkent, ande aresivio la medalya de plata en labut i en chember. Enla Kupa del Mundo en Minsk, aresivio la medalya de plata kon el Ekip de Israel i kedo de katrena en kada uno de los evenementos. En Djunio de este anyo, Ashram partisipo enel Shampionato Evropeo de Djimnastika para Mansevos i klasifiko en las katro finalas, aresiviendo la medalya de bronse en labut i en kodrela, kedando de katrena en topuz i sinkena en aniyo.[4]


Ashram diskues partisipio en la Kupa del Mundo en Sofiya, ande eskapo de katrena en kada evenemento. En los Djuegos Olimpikos de la Manseves de 2014 en Nanking, Kina, eskapo enel sinkeno lugar djeneral diskues de Ana Luiza Filiorianu de Rumania. En novembre, Ashram aresivio medalya de oro en la final del JGP 2014 en Innsbruck, Ostria, adelantre de Nicoleta Dulgheru de Moldavia.

Senior[trocar | trocar el manadero]

2015[trocar | trocar el manadero]

En 2015, Ashram prinsipio la su kariera komo dimnastika senior enel Gran Premio de Mosku de 2015, eskapando enel lugar katreno. En May de 2015 partisipo en el Gran Premio de Holon, eskapando enel lugar 11. En Ogusto, partisipo en la Kupa MTK de Budapesht, eskapando de sinkena en la lista djenerala i yegando ala finala de tres evenementos. Aresivio medalya de bronze en la Kupa Yoldyz en Kazan, Rusia. Del 9 al 13 de Sietembre, Ashram, endjunto kon las israelianas Neta Rivkin i Victoria Veinberg Filanovsky, partisipo enel Shampionato Mundial de 2015 en Stuttgart, eskapando el ekip israeliano enel katreno lugar. En Oktobre de este anyo, Ashram kompitio en la finala del Gran Premio de Brno, ande aresivio medalya de plata i 70.000 puntos; klasifiko para todas las finalas de los evenementos, aresiviendo plata en aniyo, topuz i por modre deke la rusa Margarita Mamun se aretiro de los evenementos d'alkavo, aresivio medalya de oro en labut i de plata en kodrela, tras de la uzbeka Anastasiya Serdyukova.[5] Ansina Ashram yego a ser la shampiona mas manseva del Gran Premio desde Yanina Batyrchina. En Novembre de 2015, Ashram aresivio medalya de oro en la klasifikasion djenerala en la Happy Cup 2015 en Asker, Norvegia, por delantre de Nicoleta Dulgheru de Moldavia.

2016[trocar | trocar el manadero]

Ashram prinspio la anyada enel Grand Premio de Mosku de 2016, eskapando enel lugar 16 i yegando ala finala en aniyo, topuz i kodrela. [6]. En Marso, Ashram partisipo enel MTM Tournament en Liubliana, Eslovenia, ande aresivio la medalya de bronze en all-around kon 71.350 puntos[7] ala final, medalya de bronse en aniyo i katreno lugar en kodrela. Enel Thiais Grand Prix en Paris, Ashram eskapo enel ocheno lugar en la klasifikasion djenerala. En Abril, Ashram partisipo en la Kupa Mundiala de Pesaro, ande eskapo nuevena en all-around. Enel Shampionato Israeliano de Djimnastika Ritmika de 2016, aresivio la medalya de plata en la klasifikasion djenerala, tras de Viktoria Veinberg Filanovsky. En May, partisipo en la Kupa Mundiala de Tashkent, ande aresivio la medalya de bronse en all-around (71,800) i klasifikando para todas las finalas de los evenementos, aresiviendo bronse en topuz endjuntamente kon Anastasiya Serdyukova, katrena en aniyo i labut, i seshena en kodrela. En la Kupa Mundiala de Sofiya, eskapo de sietena en all-around. Enel Shampionato de Evropa de 2016, eskapo enel ocheno lugar en all-around,[8] en la prima vez ke Israel yevava un ekip al Shampionato de Evropa. En Sietembre de este anyo, Ashram eskapo el Gran Premio de Eilat enel katreno lugar, diskues de la rusa Arina Averina, i aresiviendo medalya de bronse en labut.

2017[trocar | trocar el manadero]

Enel Gran Premio de Mosku de 2017, Ashram kedo enel sesheno lugar en all-around i aresivio medalya de bronse en laput. En la Kupa del Mundo de Tashkent de 2017, kedo enel lugar ocheno i aresivio medaya de bronse en aniyo. En May de este anyo, en la Kupa del Mundo en Sofiya, aresivio medalya de bronse en all-around kon un total de 70.300 puntos; klasifiko para todas las finalas i aresivio medalya de plata en aniyo, bronse en laput i kedo de katrena en kodrela. Del 19 al 21 de May, Ashram endjunto kon Viktoria Veinberg Filanovsky partisipo en el Shampionato Evropeo de Djimnastika de 2017, aresiviendo medalya de bronse en laput i klasifikando en todas las finalas. En los Djuegos Makabeos de 2017, aresivio las 5 medalyas de oro: all-around, topuz, aniyo, laput i kodrela.[9] En los Djuegos del Mundo de 2017 echos en Breslavia, Polonia, del 20 al 30 de djulio, Ashram klasifiko para todas las finalas de los evenementos, aresiviendo medalya de plata en laput por enriva de Arina Averina, medalya de bronse en aniyo tras de la rusa Dina Averina, ochena en topuz i seshena en kodrela. Del 11 al 13 de Ogusto, Ashram partisipo en la Kupa Mundiala de Kazan 2017 i kedo de katrena en all-around por embasho de Katsiaryna Halkina; aresiviendo endemas medalyas de bronse en aniyo, topuz, laput i kodrela. Enel Shampionato Mundial de 2017 en Pesaro, Italia, aresivio medalya de bronse en kodrel; enel all-around, Ashram izo istorya al ser la prima israeliana en aresivir una medalya all-around kuando aresivio medalya de bronse en la klasifikasion djenerala. Antes de eya, solo Neta Rivkin tenia aresivido una medalya en Shampionatos Mundiales, ma en un evenemento, medalya de bronse en aniyo. Enel anyo 2017, era yamada la esportista mas emportante del anyo en Israel, premio ke aresivio endjunto kon el djimnastisto Artem Dolgopyat.[2]

2018[trocar | trocar el manadero]

En Marso de 2018, Ashram aresivio una medalya de bronse en all-around, aresivio la su prima medalya de oro en la Kupa del Mundo en kodrela i kedo enel katreno lugar en topuz. Del 13 al 15 de Avril, Ashram aresivio la medalya de bronse en la Kupa del Mundo de Pesaro de 2018, ganando la medalya de oro en labut, plata en topuz i sinkeno lugar en aniyo i kodrela. En la Kupa del Mundo de Tashkent, aresivio medalya de plata en all-around, por embasho de Aleksandra Soldatova, demas de medalya de plata en aniyo, topuz, kodrela i medalya de bronse en labut. Era la ganadora all-around de la Kupa Mundiala de 2018 por modre de los sus puntos en Sofiya, Pesaro y Tashkent.[10] En May de este anyo, Ashram aresivio la su prima medalya de oro en all-around en la Kupa del Mundo de Guadalajara, kon 72.800 puntos i por enriva de las rusas Aleksandra Soldatova i Arina Averina; endemas aresivio medalya de oro en topuz, plata en aniyo i kodrela i kedo de seshena en labut.

2019[trocar | trocar el manadero]

Ashram no partisipo enel Shampionato de Djimnastika Artistika de Evropa de 2019 por modre de una hazinura. En Djunio, partisipo en los Djuegos Evropeos en Minsk, aresiviendo medalyas de oro en topuz i labut, i de plata en kodrfela i en all-around.[11] Ma la su mas grande reushita era enel Shampionato Mundial de Djimnastika de 2019. Por modre del su eshuerso, el ekip israeliano aresivio la prima medalya de plata por ekipos; aresivio endemas medalya de bronse en topuz i en all-around i medalya de plata en aniyo, labut i kodrela.

2020[trocar | trocar el manadero]

Ashram aresivio medalya de oro en los Shampionatos Evropeos de Djimnastika echos en Kyiv el 29 de Sietembre, por enriva de la bielorusa Alina Harnasko, kon un total de de 100.9. Esta ultima reushita izo de Ashram una esperansa israeliana de medalya en los Djuegos Olimpikos de Enverano de 2020, los kualos eran pasados a 2021 por modre de la hazinura de COVID-19.

2021[trocar | trocar el manadero]

La su treinadora oy endiya es la shampiona israeliana Ayelet Zussman.[12] El 7 de Ogusto de 2021, Ashram partisipio en nombre de Israel en los Djuegos Olimpikos de Enverano de 2020 i aresivio la tresera medalya olimpika de oro de Israel i la primera medalya de oro aresivida por una esportista israeliana i la primera medalia aresivida en djimnastika ritmika.[13]

Referensias[trocar | trocar el manadero]

  1. הישראלית ששברה את מסך הברזל. Globes
  2. a b Faces of Gymnastics: Military might is powering fast-moving Ashram’s route to the top
  3. Qualification Youth Olympic Games. Individual
  4. Israeli gymnasts complete impressive Euros. Jerusalem Post
  5. Výsledky finále GRAND PRIX Brno 16. - 18. 10. 2015
  6. Also Rhythmic Gymnastics Grand Prix starts into Olympic Season
  7. Margarita Mamun wins MTM Tournament in Ljubljana 2016
  8. Israel exceeds expectations at their first ever European Championships
  9. Dorozhon wins javelin gold, secures spot in World Championships. Jerusalem Post
  10. Ashram, Italian Group win overall Rhythmic World Cup Series
  11. Linoy Ashram wins two gold medals in 2019 European Games. Jerusalem Post
  12. "ראיון השבוע" עם מאמנת ההתעמלות האמנותית איילת זוסמן
  13. Rhythmic Gymnastics - Final - Rotation 1 Results

Atamientos ekternos[trocar | trocar el manadero]

Commons Klika akí para ver las imajes de Commons ensima de Linoy Ashram.