Mohandas Gandhi

Un artíkolo de la Vikipedya, la ansiklopedya líbera
Mohandas Ghandi

Mohandas Karamchand Gandhi fue un avokato, pensador i politiko indio, nasido en Porbandar el 2 de Oktubre de 1869 i amortado en Mueva Delhi el 30 de Jenero de 1948. En gudjarati se eskrive મોહનદાસ કરમચંદ ગાંધી i se pronuncia asigun el alefbet fonetiko internasional moːɦən̪d̪aːs kərəmʨən̪d̪ ɡaːn̪d̪ʱiː.

En todo el mundo es konosido komo Mahatma Gandhi (en lingua sanskrita i lingua indiana, el biervo mahātmā sinyifika ‘alma grande’), el kualo es el nombre ke le dio una vez el poeta Rabindranath Tagore.[1] En India también se le konosia komo Bapu (En gudjarati: બાપુ bāpu: ‘padre’). Desde la anyada de 1918 Mohandas luchava enel movimento nasionalista indio. Dezvelopó muevas formas de lucha sin violensia i en los sus programas se amostraba en kontro de la violensia komo arma para gerreyar kon los britanikos. Mohandas deshava todo a lo ke dizía la konsiensya, i endemas, izo un eshuérso para ritornar a las antikas tradisiones indias. El i Leon Tolstoi se eskrivian letras, lo kualo krio influensia en el su konsepto de la resistansya sin violensya.

Mohandas fue echo prizionero por los inglezes varias vezes, ma afilu esto lo izo un eroe nasyonal. Enel anyo 1931, en la Konferénsya de Londra demandó la independensia de la India. Siempre estuvo a la dirita del Partito del Kongreso, lo kualo krio konfliktos kon su elevo Nehru, el kualo konformava parte de la siedra. Enel anyo 1942, Londra izo arivar komo intermediario a Richard Stafford Cripps para negosiar kon los nasyonalistas, ma kuando no se ankontró una solusion, eyos izieron sus posiziones más radikales. Gandhi i la su mujer Kasturba fueron imprizionados; eya murió en la prizión, ma él deshó de kumer por 21 diyas.

Su enfluensia moral ensima de el dezvelopamyento de las konversasyones ke preparavan la independensia de la India fue muy grande, ma la separazion de Pakistan lo deskorajó. Dempues de la independensia, Gandhi aprovó de riformar la sosyeté india, aprovando integrar las kastas más bashas (los shudra o ‘esklavos’, los parias o ‘intokavles’ i los mlecha o ‘barbaros’), ansina komo dezvelopar las rejiones i los kampos. Nunka amostró su akódro kom los konfliktos relijiozos que sigieron dempues de la independensia de la India, defendiendo a los musulmanos en las rejiones ande bivían los indues, lo kualo izo ke lo amortasse Nathuram Godse, un fanático induizta, el 30 de Jenero de 1948, kuando el tinía 78 anyos. La su siníza fue echada al rio Ganges.


Referensias[trocar | trocar el manadero]

  1. Sabiasachi BHATTACHARIA: The Mahatma and the Poet. Nueva Delhi (India): National Book Trust, 1997.