Mona Eltahawy

Un artíkolo de la Vikipedya, la ansiklopedya líbera
Ir a la navegación Ir a la búsqueda
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Mona Eltahawy avlando enel Personal Democracy Forum 2011 enel Skirball Center for the Performing Arts de la Universita de Mueva York.

Mona Eltahawy (arabi: منى الطحاوي, nasida en Port Said el 1 de Ogusto de 1967) es una djurnalista, eskritora i aktivista feminista de Ayifto,[1] ke bive en El Kairo i Mueva York.

Biografiya[trocar | trocar el manadero]

Se izo sitizena amerikana en 2011, diskues de ke era estuprada i atakada en la Plasa Tahrir mientres ke reportava los haberes de la Revolusion de Ayifto de 2011.[2] Tiene eskritos munchos artikolos para djurnales i revistas del mundo ensima de Ayifto i el Mundo Islamiko, espesialmente ensima de la manzia de diritos para mujeres i otros fechos politikos i sosyalos. Los sus artikolos se topan en djurnales komo Washington Post, The New York Times, Christian Science Monitor i Miami Herald.

Es konvidada en munchos programas de radio y televizyon, endemas de konferensas ensima de diritos relijiozos, la reforma del Mundo Islamiko, feminizmo i las lisiones entre kristyanos i musulmanos. Tiene avlado en munchas konferensas ensima de los diritos de las mujeres enel mundo arabi i es knosida por estar opozada ala brit mila de mujeres. El su primer livro ensima de la misodjinia enel mundo arabi Rizas i kuzlukzarus - Deke el Medio Oryente kale azer la revolusion seksuala era publikado en May de 2015.[3] Enel su livro, avla de la «meskla perikoloza de kultura i relijion» i espesialmente la interpretasion estrikta de la Sharia arivada desde Saudia.[4]

Bibliografiya[trocar | trocar el manadero]

  • Headscarves and Hymens: Why the Middle East Needs a Sexual Revolution (2015)[5][6]

Premios i onores aresividos[trocar | trocar el manadero]

  • Premio Samir Kassir al djurnalismo libbero de 2009.[7]
  • Premio de la Fondasion Anna Lindh de 2010.
  • Ha sido clasificada 258.º entre las 500 personas del mundo árabe más influyentes en el mundo, por la revista CEO Middle East en 2012.[8]
  • Era yamada komo una de las 100 mujeres kon mas enfluensia enel Mundo Arabi, por la revista CEO Middle East (30.º en Marso de 2013 i 62.º en Marso de 2015), por modre del su aktivismo kultural i sosyal.[9][10]

Ver endemas[trocar | trocar el manadero]

Referensias[trocar | trocar el manadero]

Atamientos eksternos[trocar | trocar el manadero]