Mosad

Un artíkolo de la Vikipedya, la ansiklopedya líbera
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

El Mossad (forma akurtada de AMossad leModi'in v'leTafkidim Meyuhadim, en ivrit המוסד למודיעין ולתפקידים מיוחדים, "Instituto de Intelijensia i Operasiones Espesialas") es uno de los buros de intelijensia de Israel, el kualo tiene komo buto enrejistrar la informasion de intelijensia, aksionar eskondido, espionaje i kontro-terrorizmo enel mundo, ahuiera de los limitos del payis; estas aksiones en Israel, Sisdjordania i la Banda de Gaza son echas por el Shabak. Shukur a las sus aksiones i la reushita en eyas, el Mossad es konsiderado uno de los buros de intelijensia mas emportantes del 'olam.[1]

El Mossad fue konformado en Avril de 1951, desde el Instituto Sentral de Koordinasion i el Instituto Sentral de Intelijensia i Seguritad. Es un servis ke depende direktamente del primer ministro de Israel i no tiene levelos militares, anke munchos de sus empiegados lavoraron enel Tsahal, i munchos ainda son ofisyales. La sede del Mossad se topa al nord de Tel Aviv i tiene 8 departamentos.

Referensias[trocar | trocar el manadero]

  1. Artículo Harold C. Hutchison September 28, 2005

Atamientos eksternos[trocar | trocar el manadero]