Puertorikenyos
Puertorikenyos (en kasteyano, puertorriqueños; tambyen konosidos kolokialamente komo borikuas) son la djente de Puerto Riko, los abitantes i sivdadinos del Estado Livre Asociado de Puerto Riko i sus desendyentes.
Rezumen[trocar | trocar el manadero]
La kultura komun de la majorita de los puertorikenyos se konsidera una kultura oksidental derivada en gran mezura de las tradisyones de Espanya, i mas espesifikamente Andaluziya i las Izlas Kanaryas. Puerto Riko tambyen tyene aresivido enmigrasyon de otras partes de Espanya, talas komo Katalunya, ansina komo de otros paizes evropeos, talos komo Fransya, Irlanda, Italya i Alemania. La kultura afrikana tambyen tyene enfluido a Puerto Riko, dado ke munches puertorikenyos desyenden parsyalamente de afrikanos, malgrado los afropuertorikenyos de orijenes afrikanas puras son solamente una minorita sinyifikativa. Tambyen estan prezente en los puertorikenyos oy diya rastros (en deredor de 10-15%) de los nativos taínos avorijenes ke abitaron la izla kuando ayegaron los kolonizadores evropeos en 1493. Estudyos resyentes en la djenetika povlasyonal tyenen konkluido ke el azervo djenetiko puertorikenyo es en promedyo predominantemente evropeo, kon un substrato afrikano subsaharano, guanche norteafrikano, i amerikano indijena sinyifikativo. El substrato guanche orijino en el puevlo avorijen de las Islas Kanaryas, mientras ke el amerikano indijena orijino en los abitantes taínos prekolumbinos de Puerto Riko.[1]
La povlasyon mundyal de puertorikenyos i sus desendyentes se estima ke abarka entre 8 i 10 miyones de personas. La majorita de eyas moran en las izlas de Puerto Riko i en el kontinente de los Estates Unidos. Aryentro los Estates Unidos, los puertorikenyos estan prezentes en todos los estados de la union, i los estados kon las majores povlasyones de puertorikenyos, komparadas kon la povlasyon nasyonal de puertorikenyos en los Estados Unidos en djeneral, son los estados de Mueva York, Florida, Mueva Djersi, i Pensilvania. Tambyen ay grandes povlasyones en Massachusetts, Connecticut, California, Illinois i Texas.
Para el 2009, las kalkulasyones del American Community Survey dan un total de 3,859,026 puertorikenyos klasifikados komo puertorikenyos "nativos." Tambyen determinan ke un total de 3,644,515 (91.9% de la povlasyon) nasyeron en Puerto Riko i 201,310 (5.1%) nasyeron en los Estates Unidos. La povlasyon total ke nasyo afuera Puerto Riko abarka 322,773 (8.1%). De los 108,262 ke nasyeron afuera los Estados Unidos (2.7% de los puertorikenyos), el 92.9% nasyo en la Amerika Latina, el 3.8% en Evropa, el 2.7% en Asya, el 0.2% en la Amerika Septentriyonal i el 0.1% en Afrika i Oseyaniya kada uno.
Orijenes[trocar | trocar el manadero]
.jpg)
Los abitantes orijinales de Puerto Riko fueron los taíno, los kualos yamavan la izla Borikén. Andjak, ansina komo en otras partes de las Amerikas, la povlasyon indijena pishin menguo duspues de la ayegada de los kolonizadores espanyoles. Endemas de lamisejenasyon, el impakto negativo en los numeros de personas amerindyas, espesyalamente en Puerto Riko, fue kaji enteramente el rezultado de hazinuras del Viejo Mundo kontra las kualas los amerindios no teniyan defensas naturales/korporales, enkluyendo el sarampyon, la varisela, las paperas, la enfluensa, e inkluzo el kataro komun. De fakto, se estimo ke la majorita de todos los abitantes amerindyos del Muevo Mundo se muryeron achakes el kontakto i la kontaminasyon kon akeyas hazinuras del Viejo Mundo, mientres ke las muertes achakes la gera entre si mezmos i kon los evropeos endemas los redusho.[ay menester de una sita]
Miles de kolonizadores espanyoles tambyen enmigraron a Puerto Riko de las Izlas Kanaryas durante los diziochen i dizimueven sieklos, de tal modo ke enmigrantes kanaryos fundaron viyas i puevlos puertorikenyos enteros, i sus desendyentes posteryoramente formariyan una majorita de la povlasyon de la izla. [ay menester de una sita]
En 1791, los esklavos en Santo-Domingo (Ayti), se sublevaron kontra sus musyus fransezes. Munchos de los fransezes fuyeron a Puerto Riko a traverso lo ke es oy diya la Repuvlika Dominikana i se asentaron en la kosta oksidental de la izla, espesyalamente en Mayagüez. Algunos puertorikenyos son de erensya britanika, mas notavlemente djente eskoza i djente ingleza ke vino a morar ayi en los dizisyeten i diziochen sieklos. [ay menester de una sita]