Río Juchitán

Un artíkolo de la Vikipedya, la ansiklopedya líbera

Río Juchitán o Baño en el Río o Baño de Tehuantepec es un mural de Diego Rivera, el ultimo ke izo en la su vida, echo kon mosaiko de estil venesyano. Se topa desde la anyada de 2010 enel lobby del Muzeyo Soumaya. Es un mural de 26,87 metros katrados, i es el uniko de Rivera ke amostra imajes a los dos kantos komo una istorya.

Diego Rivera lo krio en katro partes para la guerta del direktor de sinema Santiago Reachi en Cuernavaca entre 1953 i 1956.[1]. Kuando la kaza de Reachi fue vendida a Manuel Suárez y Suárez, el mural fue yevado al Hotel de México, ande kedo guadrado fina 2007, kuando fue amostrado enel Sentro Kulturalo Comos de la kapitala de Morelos, el Museo del Niño en Cuernavaca i finalmente enel Muzeyo Soumaya de Plasa Carso, ande se topa desde 2011.

DLa ovra[trocar | trocar el manadero]

La rejion del Istmo de Tehuantepec era una rejion presyada de Rivera. En esta ovra amostro una imej de la vida kotidiana de esta rejion.[2] A uno de los kantos, un padre da ayudo al su ijo para krusar el rio, tras de una mujer kon el torso desnudo ke lava sus kaveyos enel rio. Embasho de eya esta un ninyo. La imej diskues amostra a una madre banyando al su ijiko, otra mujer lavando los vistidos i un ninyo nadando enel rio. Al kanto de diestra, entre arvolikos i papiyones, otra mujer deskansa mirando.

Enel otro kanto, la misma imej es amostrada diskues del tiempo. El ninyo i el su padre ya krusaron el rio, i es amostrado desde otra perspektiva.

Referensias[trocar | trocar el manadero]

  1. Exhiben al público un mural de Diego Rivera después de 20 años oculto. Laura González, El Mundo. (en lingua kastilyana)
  2. Exhiben Mural de Diego Rivera tras más de 20 años oculto. El Universal. (en lingua kastilyana)

Atamientos eksternos[trocar | trocar el manadero]

Commons Klika akí para ver las imajes de Commons ensima de Río Juchitán.