Reem Akra
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Reem Akra (arabi: ريم عكرة) es una desenyadora de modas nasida en Beirut, Libanon, konosida por los sus vistidos de espozamiento i la su koleksion de vistidos de konfeksiyon Prêt-à-porter.[1]
Biografiya[trocar | trocar el manadero]
Famiya i edukasion[trocar | trocar el manadero]
Reem Akra ambezo enel Sentro Mediko de la Universita Amerikana de Beirut, ande los sus padres lavoravan. La su madre, Nadia, lavorava enel departamento de milizina de famiya i el su padre, Aftim, era un konosido akademiko, profesor, eshper en sanedad publika i koleksionisto de ambar.[2][3] Eya kresio kon los sus ermanos Michael, Max i Sari, en Beirut.[4][5]
Kuando ainda era manseva, izo parte del klub de modas de la Universita Amerikana de Beirut, en la kuala eskapo de ambezar bisnes. Organizo una amostra de modas en Djunio de 1982, enel kualo yegaron unas 2.000 personas.[6] En 1986, aresivio el su titolo magna cum laude del Fashion Institute of Technology en la sivdad de Mueva York i aresivio el premio del Departamento de Desen de Modas ese anyo.[7] Diskues de eskapar su Masters enel FIT, ambezo en la eskola de desen École Supérieure des Arts et Techniques de la Mode en Paris.[7]
Acra desho Beirut en 1983, biviendo en la Sivdad de Mueva York, por modre de la Gerra Sivil en Libanon.[8]
Diskues de ambezar enel ESMOD en Paris, lavoro kon entreprisas de moda en Hong Kong i Taiwan. De edad de 25 anyos, tenia pensado un prodjekto de $30 milyones, ma dechidio syete anyadas mas tadre kriar su entreprisa de modas en Mueva York.[6]
Acra lavoro por tres anyadas komo desenyadora de kazas i buros luksozos antes de prinsipiar la su propia entreprisa de modas.[9]
Desenyadora de modas[trocar | trocar el manadero]
Acra prinsipio la su entreprisa en 1997 komo una kaza de desenes de novias, diskues de desenyar un vistido para el espozamiento de una amiga en tres semanas, diskues de apuestar kon la su amiga ke si eya eskapava el vistido, la amiga se iva kazar, ke era echa en aris enel Hôtel de Crillon.[1] Akra izo una fotografiya del vistido i lo amostro a los djurnales i revistas; el The New York Times publiko la foto.[5][9] El su primer show de modas era apresentado en 1999.[6]
Diskues de esto, merko US$20,000 en telas uzando la karta de kredito, io desenes ke amostro en Saks Fifth Avenue i Kleinfeld, i aresivio una enkomendansa de 30 vistidos de novia. Diskues lavoro kon Max Kane, el kualo tenia una faktoriya en la kaleja 39 en Manhattan, en Hell's Kitchen. Akra rengrasia el suporte de Kane enel empesijo de la su kariera. Diskues de lavorar kon Kane, Akra dechidio aperturar el su propio atelye.[9] Dechidio desenyar vistidos de nochada en 2003[7] i vistidos de konfeksiyon Prêt-à-porter en 2008. Los sus desenes son amostrados en mas de 150 butikas enel mundo.[10] El su atelye se topa en la kaleja West 35th en Manhattan.[11]
Selebritades ke tienen vistido un desen de Reem Akra[trocar | trocar el manadero]
Munchas kantaderas, modelos i akrisas de Hollywood tienen vistido un desen de Akra, komo por enshemplo Christina Applegate,[8] Halle Berry,[12] Beyoncé,[10] Jill Biden,[5] Julie Bowen,[13] Jane Fonda,[7] Selena Gomez,[10] Anna Gunn,[14] Katherine Heigl,[4] Angelina Jolie,[12] Eva Longoria,[8] Jennifer Lopez,[12] Madonna,[1] Olivia Munn,[15] Nicole Richie,[5] Kristen Stewart,[4] Tika Sumpter,[16] Taylor Swift,[5] Olivia Wilde,[1] Reese Witherspoon,[17] Robin Wright,[18] Catherine Zeta-Jones,[17] i la primera dama de los Estados Unidos, Melania Trump[19]
Endemas, otrunas aktrisas i kantaderas konosidas tienen uzado vestidos de espozamyento de Akra, komo LeAnn Rimes,[20] Jenna Dewan,[21] i Marcia Cross.[22]
En Ogusto de 2007, una mueva kukla Barbie era apresentada, kon un vistido de Reem Akra, espesialmente para koleksionistos.[23][24]
En Novembre de 2010, eya aperturo una butika en Beirut, ande amostrava los sus vistidos de nochada i de espozamyento, endemas de sus vistidos de konfeksiyon Prêt-à-porter. [8][25] En 2014, Akra desenyo i fabriko los uniformes de los empiegados del Sentro Mediko de la Universita Amerikana de Beirut, ande lavoraron los sus padres.[2]
Onores[trocar | trocar el manadero]
Reem Akra tiene aresivido varios onores i premios:
- Building Bridges (Oktobre de 2014) de la organizasion Bridges of Understanding[26]
- Apartiene al Konsejo de Desenyadores de Modas de Amerika[27]
- Apartiene al Konsejo de Desen i Modas de Dubai[28][29]
Vida privada[trocar | trocar el manadero]
Kazas[trocar | trocar el manadero]
Akra tiene katro kazas, una en Beirut, una en la viya de Saifi,[4] una en Mueva York i una en Nashville.
Djuegos Mondialos a Kavayo[trocar | trocar el manadero]
Reem Akra suporta evenementos de la Kupa Mondiala de la Fédération Équestre Internationale desde 2010.[30][31] [32][33]
Acra tiene desenyado vistidos para las esportistas a kavayo Adelinde Cornelissen[34] i Charlotte Dujardin.[35], las kualas tienen aresivido el onor Premio Reem Akra ala Esportista de la FEI del anyo
Referensias[trocar | trocar el manadero]
- ↑ a b c d Reem Acra Designs Keep Ending Up on Red Carpets. The New York Times (en lingua inglesa)
- ↑ a b Reem Acra Designs Uniforms for the American University of Beirut Medical Center. Women's Wear Daily (en lingua inglesa)
- ↑ The Amber of Lebanon: an Ecological Museum of Fossils. Universita Amerikaa de Beirut. (en lingua inglesa)
- ↑ a b c d Reem Acra's Eye for Beirut's Beauty. The Wall Street Journal (en lingua inglesa)
- ↑ a b c d e At Home With Reem Acra (PHOTOS). Huffington Post (en lingua inglesa)
- ↑ a b c Underneath the Dress: Reem Acra. Now Magazine (en lingua inglesa)
- ↑ a b c d The Gold Standard: Reem Acra, Fashion Design ’86, is having her moment. Hue Magazine, State University of New York (en lingua inglesa)
- ↑ a b c d Reem Acra returns home to Beirut with first store. The Washington Post (en lingua inglesa)
- ↑ a b c An Interview with Reem Acra, Designer. Leaders Magazine (en lingua inglesa)
- ↑ a b c Reem Acra: the secret of my success. The National (en lingua inglesa)
- ↑ Celebrity wedding dress designer sues over showroom fire. New York Post (en lingua inglesa)
- ↑ a b c Reem Acra Designer Profile. New York Magazine (en lingua inglesa)
- ↑ Who Wore Reem Acra Better? Olivia Wilde or Julie Bowen. Red Carpet Fashion Awards (en lingua inglesa)
- ↑ Anna Gunn: From 'Breaking Bad' to Breakthrough Star. More Magazine(en lingua inglesa)
- ↑ Olivia Munn Heats Up Allure. Black Jesus Amen Fashion (en lingua inglesa)
- ↑ A Gossip Girl Goes Mainstream. Gotham Magazine (en lingua inglesa)
- ↑ a b Hot Couture. The MainGate Magazine. Universita Amerikana de Beirut (en lingua inglesa)
- ↑ Robin Wright In Reem Acra – 2014 Golden Globe Awards. Red Carpet Fashion Awards (en lingua inglesa)
- ↑ Melania Trump wears dress by Lebanese immigrant designer. Al Arabiya. (en lingua inglesa)
- ↑ LeAnn Rimes's Wedding Dress: All the Details!. People (en lingua inglesa)
- ↑ Channing Tatum and Jenna Dewan Get Married!. US Weekly (en lingua inglesa)
- ↑ The Best Dressed Celebrity Brides of All Time. InStyle (en lingua inglesa)
- ↑ Barbie Collector Reem Acra® Bride Barbie® Doll (en lingua inglesa)
- ↑ Reem Acra - Barbie's 50th Anniversary Runway Show. In Style (en lingua inglesa)
- ↑ Where to Shop Top Lebanese Designers in Beirut. Four Seasons Magazine (en lingua inglesa)
- ↑ Reem Acra to Be Honored at Bridges of Understanding Dinner. Women's Wear Daily(en lingua inglesa)
- ↑ CFDA Member - Reem Acra. Council of Fashion Designers of America (en lingua inglesa)
- ↑ DUBAI DESIGN AND FASHION COUNCIL ANNOUNCED: a wealth of design and fashion experience. Style (en lingua inglesa)
- ↑ Lebanese fashion, media leaders to spearhead Dubai council. The Daily Star (en lingua inglesa)
- ↑ Reem Acra FEI World Cup Dressage Title Sponsorship Extended to 2016. Eurodressage bvba (en lingua inglesa)
- ↑ WELCOME TO REEM ACRA & FEI. FEI (en lingua inglesa)
- ↑ Reem Acra’s inspiring connection with equestrian sports. CPP Luxury (en lingua inglesa)
- ↑ Reem Acra "very proud" of her association with FEI’s Best Athlete Award. FEI Awards (en lingua inglesa)
- ↑ Adelinde Cornelissen, FEI Athlete of the Year 2011. Eurodressage (en lingua inglesa)
- ↑ Charlotte Dujardin named FEI's best athlete. Horse & Country (en lingua inglesa)