Rita (kantadera)

Un artíkolo de la Vikipedya, la ansiklopedya líbera
Rita, enel anyo 2009

Rita Yahan-Farouz (en ivrit ריטה יהאן-פרוז, en farsi ریتا جهان‌فروز), konosida komo Rita, es una kantadera i aktrisa yisraeliana. Nasió en Teheran, Iran enel anyo 1962 ma izo su aliya enel anyo 1970[1].

En los anyos 1988 i 1989 Rita fue eskojida la kantadera yisraeliana del anyo. Enel anyo 1990 apresento a Israel enel Festival del Kante de Evrovizyón kon la kansion Shara Barehovot (Kantando en las kalejas). Endemas, tiene alkunos diskos d'oro i de platino por Tahanot Bazmán i Ahavá Gdolá. Komo aktrisa, es konosida por las ovras My Fair Lady o Chicago, en la kuala enel anyo 2004 se apresentó komo Roxie Hart en la versiyon en ivrit produzida por Ehud Manor, la kuala yegó a 55.000 entradas vendidas en 40 apresentasiones [2].

Estil[trocar | trocar el manadero]

Anke Rita no tiene solo kantikas tristes, alkunas de eyas son muncho mas yenas de simhá ke otras. Kaji todas sus ovras son echas en ivrit, ma tiene alkunas kantikas en lingua inglesa, lingua italiana i lingua persa, la lingua ofisiala de Iran. Un enshemplo es el klásiko Gol-e Sangam (en farsi گل سنگم - Só la flor de la pedra).[3]

Diskografiya[trocar | trocar el manadero]

  • Rita (1986)
  • Breaking Those Walls (1987)
  • Yemei ha'Tom (1988)
  • Ahava Gdola (1994)
  • Tahanot Bazman (1996)
  • Tiftah Halon (1999)
  • Hamtzan (2003)
  • Remazim (2008)
  • Asemahot sheli (2011) (en lingua persa)

Referensias[trocar | trocar el manadero]

Atamientos eksternos[trocar | trocar el manadero]


Commons Wikimedia Commons alberga kontenido multimedia sovre Rita (kantadera)