Roald Amundsen
Roald Engelbregt Gravning Amundsen (Borge, Norvejia (16 de Djulio de 1872 - † enel Artik, 18 de Djunio de 1928) era un eksplorador norvejio de las rejiones polares. Dirjio el viaje a la Antartika de 1910-1912, enel kualo por prima vez el ombre yegó al Polo Sud.
Amundsen nasió en una famiya de duenyos de naves i kapitanos en Borge, serka de Fredrikstad. El su padre era Jens Amundsen. Komo era el katreno ijo de la famiya, la su madre demandó ke se aleshase de industria marina i demandó ke ambezase Medisina, una promesa ke Amundsen komplio fina la muerte de la su madre, kuando el era de edad de 21 anyadas. Amundsen siempre dezeyó eksplorar el mundo a traverso de la mar, inspirado por el primer viaje verso Gronlandia echo por Fridtjof Nansen en 1888.
