Safa Al Hashem

Un artíkolo de la Vikipedya, la ansiklopedya líbera
Ir a la navegación Ir a la búsqueda
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Safa al Hashem.

Safa Al Hashem (arabi: صفاء الهاشم', nasida en 1964), es una politika liberala de Kuveit ke apartiene al parlamento de este payis. Eya es la unika mujer de Kuveit elekta al Parlamento de modo konsekutivo,[1] diskues de ke las mujeres del payis aresivieran otruna vez el dirito de votar i de ser elektas en 2005.[2]

Edukasion[trocar | trocar el manadero]

Al Hashem ambezo Literatura ingleza en la Universita de Kuveit i eskapo el su MBA de la Pennsylvania State University. Tiene endemas un diploma espesial de la Harvard Business School. In 2011, aresivio un doktorat Honoris causa de la Universita Amerikana de Teknolojiya de Libanon.[3]

Kariera[trocar | trocar el manadero]

Antes de azer kariera politika, Al Hashem lavoro para el governo del su payis enel Ministerio de Edukasion Superiora. Diskues lavoro en otras entreprisas lisionadas kon PIC, PWC i el grup KIPCO. Diskues de esto aperturo la su propia entreprisa, Advantage Consulting,[4] danisheando endjuntamente kon KIPCO i Gulf One Investment Bank de Bahrein.[5]

Politika[trocar | trocar el manadero]

Al Hashem era elekta la prima vez por el Treser Distrito en 2012 i reushito. Diskues de ke el Parlamento de Kuveit era serrado, dechidio partisipar en las muevas eleksiones i otruna vez reushito. En la Asamblea de 2012, era la raportadora del Komite de Mashlahatos Ekonomikos, endemas de apartener al Komite de Mashlahatos del Emirato.[5] En 2016, era elekta por tresera vez ala Asamblea Nasionala, aresiviendo el sinkeno lugar enel Treser Distrito. [4]

Al Hashem es konosida por los sus komentarios en kontro de los sitizenos de otros payises ke biven en Kuveit,[6] demandando ke los sitizenos de otros payises no aresivan lesensia para konduzir arabas i kale ke den taksas para kaminar en las kalejas.[7]

En Avril de 2017, kavzo polemika en la sosyete kuveiti deke en una reunion de un komite de la Asamblea Nasionala, el diputado Mohammed Hayef disho ke no puedia asentarse serka de eya, deke el Islam tiene defendido ke un ombre este asentado serka de una mujer parfumada i ke endemas, una mujer musulmana kale kedarse en kaza.[8]

Eleksiones
Anyada Votos aresividos
2012 2,622[9]
2013 2,036[10]
2016 3,273[11]

Onores aresividos[trocar | trocar el manadero]

  • Mujer de Entreprisa del Anyo 2009.[12]
  • Mujer CEO del Anyo 2007[13]

Referensias[trocar | trocar el manadero]