San Pedro Garza García
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
| |||||||||||||||||||||||||||||
San Pedro Garza García es una sivdad i belediye del Estado de Muevo Leon. Ay una povlasion de 122 659 avitantes i es uno de los belediyes de Meksiko kon un indise de desvelopamiento umano alto. San Pedro Garza García es una urbanizasion kontinuada o unida kon los belediyes de Monterrey i Santa Katarina, endemas topa kon la Serralada Madre Orientala.
San Pedro Garza es una sivdad puedora de grande orgolio para el paiz por alto desvelopamiento ekonomiko i umano, solo eda abasho del belediye de Benito Juárez dela Sivdad de Méksiko. Ay 12 kilimetros entre Monterrey i el antiko kazal o rancho de San Pedro de los Nogales, de ande nasio el belediye.
Etimolojia
[trocar | trocar el manadero]El nombre de la sivdad San Pedro Garza García tiene un orijen en lingua kastilyana en onra a San Pedro Apostolo, la alkunya Garza García es por la alkunya del governador Genaro Garza García, kien otorga en 1882 la kategoria de kazal a sivdad.[1]
Istoria
[trocar | trocar el manadero]El orijin del belediye fue por las primeras kazas afinkadas en el yamado Valle de San Pedro de los Nogales, en el sieklo XVI, kuando Diego de Montemayor fundó el 20 de noviembre de 1596 la Hazienda de San Pedro de los Nogales (ke endaora es el sentro urbano de la sivdad) dandola al su hijo Diego “ El mozo” i a varios povladores más para la eksplotasión de los sus recursos agríkolas. Dempués, en el Kalejon de Capellanía, se fragua la primera kapiya del kazal, “Nuestra Señora de Guadalupe” (endagora afamada komo Capilla de Doña Mónica Rodríguez), ke es la primera kapiya levantada en todo el estado, i tal vez en la rejion, fraguada en 1661, siendo aktualmente el edifisio más antiko, i ke ayinda konservase integra en Muevo Leon.[2] En el siklo XIX se fragua otra kapiya de mayor tamanyo al sud ke oy endia es la Plaza Prinsipala del belediye.[3]
Jeografia
[trocar | trocar el manadero]San Pedro Garza García es un belediye urbano ke topa al norte kon el belediye de Monterrey, al sud kon el belediye de Santa Catarina, al este kon Monterrey; y al oeste topa kon el belediye de Santa Catarina. El territorio del belediye konta kon 69 km2 y la sivdad esta a una altitud de 800 metros por ensima del nivel de la mar.
Orografia
[trocar | trocar el manadero]
Es en el belediye de San Pedro Garza García, ande se topa el Sierra Madre Oriental (Serralada Madre Orientala), la mayor altitud del belediye, aki topa el serro yamado Serro del Chipinque o la M, una area naturala ke topa kon la urbanizasion i ande ay muncha favna i flora endemika de la region; endemas por esas altas muntanyas, Monterrey tambien es konosida o afamada komo la Sivdad de las Muntanyas, por la orografia desta zona metropolitana.
Idrografia
[trocar | trocar el manadero]El Rio Santa Katarina atraviesa el belediye, apartajando a San Pedro de Monterrey, ansina mismo, abashan otros rios i arroyos de la serralada y se unen kon el Rio Santa Katarina.
Governo i administrasion
[trocar | trocar el manadero]San Pedro Garza García es governado por un alkalde, dos sindikos, ocho rejidores por mayoria i katren rejidores designados por representasion proporsionala. Kada governo tiene un periodo de tres anyos i se asigna de forma demukratika en votasiones a traves sivdadanos adeados a 18 anyos arriba.
| Alkalde | Periodo |
|---|---|
 Gerardo Garza Sada |
2000-2003 |
 Alejandro Alberto C. Páez y Aragón |
2003-2006 |
 Fernando Garza García |
2006-2009 |
| Mauricio Fernández Garza |
2009-2012 |
| Roberto Ugo Ruiz Cortes |
2012-2015 |
| Mauricio Hernández Garza |
2015-2018 |
Ekonomia
[trocar | trocar el manadero]
El su IDH (Índice de Desvelopamiento Umano) fue elejido komo el sigundo belediye mas desvelopado del paiz, dempues del belediye de Benito Juárez en la Sivdad de Meksiko.[4] Ayinda ansi, dentro del belediye ay 10 kolonias irregulares sin kalejas ordenadas i alkunos males populares komo Tampiquito.
El beldiye konta kon industrias de grande emportansia para el paiz en kemika, makiladora, seramika, kal y yeso, endemas es la sede grandes ofisinas administrativas i puerporasiones ke se afinkaron en San Pedro.
Akodros
[trocar | trocar el manadero]San Pedro Garza García tiene ermanamientos kon:
Referensias
[trocar | trocar el manadero]- ↑ San Pedro Garza García INAFED, 6 de djulio de 2017.
- ↑ https://web.archive.org/web/20160304090941/http://www.elporvenir.com.mx/notas.asp?nota_id=87676
- ↑ https://web.archive.org/web/20160304131805/http://www.sanpedro.gob.mx/CIE/Historia.asp
- ↑ https://web.archive.org/web/20140602175356/http://www.undp.org.mx/DesarrolloHumano/eventos/images/CuadernilloIDHMM.pdf
Atamientos eksternos
[trocar | trocar el manadero]
| Muevo Leon | Monterrey | 
| |
|---|---|---|
|