Meksiko

Un artíkolo de la Vikipedya, la ansiklopedya líbera
Saltar a: navigación, buxcar
       
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Estados Unidos Mexicanos
Estados Unidos Meksikanos
איסטאדוס אונידוס מיקסיקנוס
Flag of Mexico.svg Coat of arms of Mexico.svg
Bandyera Eskudo

Situasión de Meksiko

Kapitala: Sivdad de Meksiko
Mayor sivdad: Sivdad de Meksiko
Linguas ofisialas: Kastilyano i 62 linguas orijinalas
Forma de governo: Repuvlika federala
Moneda: Peso meksikano
Shefe de estado: Enrique Peña Nieto
Shefe de governo: Enrique Peña Nieto
Ekstension: 1 972 550 km2
·% agua: 2.5%
·Frontieras: 3.152 km al nord con EE. UU.,
al sudeste 956 km kon Guatemala
i 193 km kon Belize km
Povlasion: 130 526 945
·Densidad: 67.9 ab/km2
PIB: USD 1 294,69 milyardas
Kodigo ISO: MX / MEX
Prefikso telefonika: +52
Dominasion de internet: .mx

Meksiko (מיקסיקו),[1] o los Estados Unidos Meksikanos es un paiz de Amerika del Norte. Al norte zon los Estados Unidos, al sud topa kon la Repuvlika de Guatemala i el Belize, tiene una superfisia total de 1,964,375 km² de territorio i es apartajado en 32 entidades federalas yamadas estados. La kapital es la Sivdad de Meksiko; endemas es la sivdad mas grande del paiz, enjuntamente kon la su zona metropolitana, siendo una delas aglomerasiones mas grandes del kontinente Amerikano i del olam.[2][3] Endemas el paiz es atopado entre el Oseano Pasifiko i el Oseano Atlantiko (a la beira del Golfo de Meksiko i dela Mar Karibeana); por la su posision jeografika, el paiz topa adentro de un area estratejika para la ekonomia. [4]

El paiz es una repuvlika federala, demokratika i representativa ande ay tres puederes de governo, el pueder ledjislativo ke apresenta la Kamara de Diputados i Senadores o Kongreso de la Union, el pueder djudisialo ke apresenta la Suprema Korte de Djustisia i el su shefe de estado ke es el prezidente del exekutivo.[5] La Konstitusion Politika de los Estados Unidos Meksikanos, zon las leyes de esta nasion soberana, ke apresenta la demokrasia del paiz basho las ordenansas de diritos i obligasiones para el nifus nasionalo i ajeno ke mora en el paiz.

En Meksiko ay una povlasion kontada de 119 530 753 moradores (senso del anyo 2015),[6] asegun las leyes del paiz, zon meksikanos los hijos nasidos en otros paizes de sivdadanos meksikanos morantes en paizes ajenos. La mayoria delos meksikanos avlan kastilyano, es endemas, el paiz de mayor povlasion de avla kastilyana en el mundo,[7] tambien egzisten meksikanos ke avlan 63 linguas indijenas o nativas amerikanas, komo el nahuatl, maya, mixteko, zapoteko, otomi entre otras.[8]

Es una delas nasiones kon una grande rikesa kulturala i es puededora de una erensia istorika i artistika muncho antika ke la UNESCO ha deklarado Erensia Kulturala dela Umanitad.[9] Es un paiz kon muncha kultura orijinala i una fuerte infuensia iberika, por lo kualo es konsiderado enel mundo komo un paiz multikulturalo, multilingualo i multietniko, endemas de aver una grande biodiversidad en flora i favna, a kavza de klimas distintos en el territorio nasionalo.[10]

En Meksiko ay una ekonomia ekstremada, asegun los sus nivelos de vida zon komparados a paizes komo Almania i Burundi adentro de un mismo territorio, las desigualdades entre meksikanos zon bastante evidentes.[11] Meksiko konta kon rikesas naturales i minerales komo petroleo, lo kualo es parte emportante del manadero dela su ekonomia, ansina tambien el desvelopamiento del turizmo por un klima bueno kon galanas i ermozas plajas i una rikesa istorika, kulturala i artistika.[12]

Etimolojia[trocar | trocar el manadero]

Codex Mendoza, y el orijen del nombre Meksiko.

En djudeoespanyol ay dos nombres de uzo para el nombre del paiz, la etimolojia es ladinada komo Meksiko[13] o Meshiko, kuyo orijin es dela lingua nahuatl, la suya intepretasion del biervo Mexihco, el kualo sinyifika Lugar del dio Mexihtli, una representasion de Huitzilopochtli.[14] Otra version dize ke la sinyifikasion es Lugar en el ombeliko dela luna, asegun se dize ke proviene de metztli (luna), xictli (ombeliko) i -co, de lugar.[15] Alkunas personas han bushkado dentro de sus embezos etimolojikos, las imejes de antikos eskritos yamados codex ande aparese un agila ensima de un chumbero en medio de una chika izla del desparesido Lago de Texcoco, komo apresentasion dela fundasion de la Sivdad de Meksiko-Tenochtitlan por los aztekos.

Endemas se kreyia asegun ke durante la kolonia espanyola el dio Mexitli era el una transliterasion del ebreo Meshias. Asegun Fransisco Javier Clavijero, kien intepreto la etimolojia de Meksiko kon orijIn kombinado del nahuatl i del ebreo, del biervo ebreo de Mashiah i del biervo nahuatl de ko komo lugar, signifikando Tierra del Mashiah. Endagora se tiene deformada la su palavra orijinala del Meksiko i no ay siknifikasion ofisiala en alkuna ledjilasion o en alkuna institusion.

En kastilyano se dize México i Méjico, el su nombre ofisialo es Estados Unidos Mexicanos, otro nombre komun es Repuvlika Meksikana. La avreviasion del paiz es MX o MEX, se uza en lo mas muncho para kodigos. Algunos avlantes de djudeo-espanyol dela Turkia dizen, Meksika en vez de Meksiko, ande la influensia dela su lingua es mayor. La eskriturasion ebrea del nombre del paiz es (מיקסיקו), una transliterasion al lashon rashi dela lingua djudeo-espanyola ke avlaron los sefardis en la peninsola Iberika.

Istoria[trocar | trocar el manadero]

Preyistoria[trocar | trocar el manadero]

El Gueso Sakro, hue topado en Tequixquiac, se konsidera una obra de arte preyistoriko.

El territorio meksikano fue deshkubierto i morado por los grupos de kazadores i arrekojedores de plantas, alkavo de mas de 30.000 anyos. Restos deshkubiertos en el Vale de Meksiko han sido datados kon karbon radioaktivo en 21.000 aK. Ay aki munchos objetos echos por los ombres de la preistorya, una evidensia delos primeros avitantes del Kontinente Amerikano, eyos kazavan grandes bestyas o animales dela mega-favna komo mamutos, yamas, bizones, entre otros.

El adan de la preyistorya en Meksiko izieron erramentas antikas i krearon arte preyistoriko komo el afamado Gueso sakro de Tequixquiac, pieza de gueso de un koksis ande se tayo la kara de un animal kon forma de porko o koyot, una pieza ke no tyene utilidad i ke solo es ekspresion dela persona ke tayo este objeto.[16]

El ombre aborijinalo pudo sobrevivid en klimas sekos i kalurozos, ansina tupidos de sharas, muntanyas i desyertos, komenzo a kultivar la tierra i alimentarse de la arrekojida de frutos, afinkados i atados a la tierra, ansi nasio el kultivo del mais, una planta ke fue domestikada para la kumida umana de munchos puevlos aborijinalos del Meksiko antiko.[aklaro nesesario]

Kulturas prekolombinas[trocar | trocar el manadero]

Kastiyo de Chichen Itzá.

Los primeros ombres orijinarios se finkaron sovre las rivieras del rio Papaloapan hazia la Lagona de Términos, eran yamados los olmekas, kosiderados komo la kultura madre de Mesoamerika.[17] Mesoamerika fue la tirra onde se desveloparon grandes sivilisayones komo la kultura maya, la zapoteka, la teotihuakana, la mixteka, la michoakana i la azteka en diferentes peryodos kronolojikos.[18]

La kultura maya es otra grande sivilizasyon, ya ke konsolidaron un systema de eskritura i los sus konosimientos astronomikos i matematikos fueron muy grandes, entre los sus aportos esta el invento del numero zero.

La tripla aliansa fue el empesijo de un imperio muncho poderoso yamado imperio azteko, los tenochcos o aztekos fueron una de las kulturas mas desvelopadas de Mesoamerika, la su kapitala hue la sivdad de Meksiko-Tenochtitlan i el su poder fue ejersido por el tlalocan o parlamento i el tlahtoani o maksimo governante o shefe.

La konkista espanyola i la Mueva Espanya[trocar | trocar el manadero]

Hernando Cortés, konkistador de Meksiko-Tenochtitlan.

Deskues de las sus ekzpedisiones de Francisco Hernández de Córdoba (1517) i Juan de Grijalva (1518), Hernán Cortés i la su jente arrivaron a la isola de Cozumel i alkanzo las rivieras de aktual Tabasko, onde hue agerrido por los mayas en Centla. En esa rejion fundo la Villa de Santa María de la Victoria i resevio komo presente a una mujer noble yamada Malintzin, ke funjio komo atesorada interprete de los ekstranieros kon los nativos.[19]

Una vez ke la sivdad de Tenochtitlan hue sometida deskues de un grande amortamiento, Hernán Cortés asumio el su governo komo kapitano jeneralo de la Mueva Espanya. Munchos sefaradim fueron arrojados a la diaspora, algunos deyos ayegaron konversos al kristianismo katoliko kon los konkistadores, fundaron chikos kazales i sivdades mineras para salir i bivir fuera dela Peninsola Iberika.[20] Denantes los espanyoles komenzaron kampanyas de evanjelizasion para okupar las grandes tierras de la Mueva Espanya, hue difisil en munchos territorios por la su ostilidad de los aborijinalos, la lutas kon puevlos nativos i el klima hueron dos faktores emportanes para la kolonizasion de las muevas tierras.

La baza de la ekonomia de la Mueva Espanya fue la mineria. El deskobrimiento de oro i plata permitio ke okupara una posision emportante dentro del reyno de Espanya.[21] La mineria, el principal buto, permitio el desvelopamiento de la agrikultura i la ganaderia; ansi mismo, komo el komersio i la transportasion por la mar i la tierra, se konstruyeron kaminos reales i las muevas rutas maritimas.[22]

Independensia de Meksiko[trocar | trocar el manadero]

Miguel Hidalgo i Costilla, komenzador de la independensia del Meksiko.

El movimento independentista se manifesto en el anyo de 1810, el paroko Miguel Hidalgo fue uno de los prinsipalos lideros, todos eyos jueron parte de la konspirasion de Keretaro kon el korrejidor de la sivdad i alkunos soldados reyalistos. La lucha duro munchos anyos, dio kontinuidad el paroko Jose Maria Morelos i Pavon, posteriormente kontinuo la luta Vicente Guerrero i otros insurjentes ke akavarono la gerra de independensia.

Agustin de Iturbide hue proklamado primero emperador del Meksiko, en 1821 enla Katedrala Metropolitana dela Sivdad de Meksiko. Ansi pues, la djente de Meksiko kijo una republika i proklamaron al djeneralo Guadalupe Victoria komo el primero prezidente de Meksiko.

Deskues, los konservadores impusieron un segundo imperio, la korona meksikana hue dada a Maximiliano de Absburgo i a la su mujer, Karlota Amalia de Beljika. Eyos ayegaron a la sivdad de Verakruz, para deskues afinkarse en el Kastiyo de Chapultepec, en la Sivdad de Meksiko. La estavilidad del paiz no era buena, la pobreza era muncha i los problemas polítikos tenyian al paiz en konfliktos konstantes.

Gerra de reforma[trocar | trocar el manadero]

Benito Juárez García, primero prezidente meksikano de orijin indijeno.

La gerra prinsipió kon la amortamiento del emperador de Meksiko, Maximiliano de Habsburgo, akto ke hue ajustiziado ensima del monte de las Kampanas, en la sivdad de Santiago de Querétaro.

Una de las prinsipalas personas en la Gerra de reforma, hue Benito Juarez Garcia, un letrado indijena ke ayego a la prezidensia del paiz, a baza de una politika onde se kriaron leyes reformadoras para el govierno meksikano I el direto. La luta se dio en kaji todo el paiz.

Porfitiato[trocar | trocar el manadero]

El Porfiriato es el governo diktatorio de Porfirio Diaz, fue un periodo longo de governo de kaji trinta anyos, durante este periodo, el desvelopamiento del paiz fue bueno afilu las diferensias ekonomikas akresentaron entre puededores i proves.

Una de las grandes ovras del Porfiriato hue la introduksion de industria i una grande red de trenos desde la mar al interior del paiz.

Sieklo XX[trocar | trocar el manadero]

Grupo de revolusionarios en Chihuahua.

La revolusion Meksikana hue un movimiento armado ke enkavezaron los lideros revolusyonarios komo Francisco Villa, Emiliano Zapata i Fransisco I. Madero.

En el año de 1968 se akontesio el amortamiento de Tlatelolco, kuando el governo atako a los estudiosos rapazes de las universidades publikas ke pidian manifiesto, dias antes de ke komenzaran los djuegos olimpikos.

Sieklo XXI[trocar | trocar el manadero]

La gerra kontra el narkotrafiko fue uno de los grandes akontesimientos ke impaktaron en el paiz, fue deklarada durante el governo de Felipe Calderón.

Entre los akontesimientos mas emportantes, es una aktividad sismika manifestada en ultimos momentos, en el mes de septoembre de 2017, dos grandes sismos izieron destruksion en munchos kazales i sivdades del paiz.

Jeografia[trocar | trocar el manadero]

territorio meksikano komparte frontieras terrestres kon Estados Unidos al nord i kon Guatemala i Belize al sud. Komparte frontieras maritimas kon Kuba i Honduras por la Mar Karibe. El paiz es divisado en 32 entidades federalas o estados, la kapitala es la Sivdad de Meksiko, la orbe mas povlada del paiz i provablemente del kontinente.[23]

Indemas, Meksiko se enkuentra entre las sus koordinadas 32° i 14° norte i 86° i 118° oeste;[24] jeografikamente se konforma por una grande masa kontinentala de la plaka norteamerikana, al oeste se topa la Peninsola de Basha Kalifornia i aleste se topa la Peninsola de Yukatan, al zentro es el Altoplano Centralo una planada serkada por katenas montanyosas asima de 2000 metros de altitud, tiene otras posesiones minores no kontinentales komo las Izlas Revillagigedo, las izlas Marias, la izla Guadalupe, la izla Tuburón, la izla Cedros, la izla Cozumel I el banko Chinchorro.

Orografia[trocar | trocar el manadero]

Meksiko es un paiz muncho aksidentado, las serraladas komo Serralada Madre Orientala, Serralada Madre Oksidentala, Serralada Madre del Sud es apartajada en tres katenas montanyosas, ansina la Serralada de San Pedro Martir i la Serralada Juárez al norte en la vora del belediye de Tecate.[25] La mayorita altitud es el Piko de Orizaba montanya ke se topa entre los estados de Puebla i Verakruz, i la minora altitud es la depresion de Laguna Salada en Basha Kalifornia.

Idrografia[trocar | trocar el manadero]

El belediye de Ensenada es rodeado por dos mares, per las aguas del Oseano Pasifiko i las aguas dela Mar de Cortés, la bahia de Todos Santos és onde se topa el Porto de Ensenada i del lugar yamado La Bufadora, mas abasho topa la bahia Colonet. En la mar de Cortés es la bahia de Los Ángeles.

Uno de los rios mas emportantes, es el Rio Kolorado, ke desemboka en la Mar de Cortés, onde ay un delta ke aze la korriente del rio, en lindero kon el estado de Sonora. Los korpos de agua zon la Laguna Handson en la Serralada Juárez i Laguna Agua Amarga en el Vaye de los Sirios.

Klima[trocar | trocar el manadero]

El klima es diverso, en alkunos lugares la temperatura es alta i kalorosa, en otros lugares la temperatura es basha kon inyeve en el inverno. En Meksiko ay Shara Tropikal al sud i sudeste del paiz.

Biodiversidad[trocar | trocar el manadero]

El paiz konta kon una biodiversidad grande, la flora i la favna de Meksiko es entre las mas diversas del olam, ay munchas espesies animales komo pasharos, reptiles, mamiferos, insektos i peshes (pishkados), eyos todos de diferentes famiyas. Alkunas plantas del paiz zon endemikas, lo que signifika ke solo hay ayi, i muchiguan dentro de las sus frontieras.[26]

Governo i administrasion[trocar | trocar el manadero]

Los Estados Unidos Meksikanos es una repuvlika federal i representativa, el su major shefe de estado es el prezidente de la repuvlika, kien representa el poder exekutivo de la nasion, ma tambien konta kon la otoridad de la Kamara Ledjilastiva, Kamara del senado i la suprema korte djutisia.

Organizasion territoriala[trocar | trocar el manadero]

Politikamente, Meksiko es partajado en 32 entidades federalas, la su kapital politika es la Sivdad de Meksiko, sede onde kedan todos los poderes de governo. Kada estado o entidad federala tiene soberania propia, leyes propias i simbolos propios, pero todos estos, sertamente estan sujetos a la Kostitusion Politika de los Estados Unidos Meksikanos.

Kada estado esta sub-dividido en belediyes, el su representante de governo es el alkakde i el su korpo admnistrativo del ajuntamiento, los belediyes tienen una kavesera o kapitala del belediye komo sede del governo lokal. Las sus leyes lokalas zon representadas por el Bando Municipal de Policía y Buen Gobierno, onde se diktan las reglas de urbanidad i komportamiento sivdadano.

Estado Abreviasion Kapitala Anyo de kriasion Area (km2) Povlasion Belediyes
Aguascalientes MX-AGS Aguascalientes 1857 5 623 1 184 996 11
Basha Kalifornia MX-BC Mexicali 1952 71 546 3 155 070 5
Basha Kalifornia Sud MX-BCS La Paz 1974 73 943 637 026 5
Campeche MX-CAM San Francisco de Campeche 1863 57 727 822 441 11
Chiapas MX-CHP Tuxtla Gutiérrez 1824 73 681 4 796 580 115
Chihuahua MX-CHI Chihuahua 1824 247 487 3 406 465 73
Coahuila MX-COA Saltillo 1824 151 571 3 055 395 42
Colima MX-COL Colima 1856 5 627 650 555 10
Durango MX-DGO Victoria de Durango 1824 123 367 1 632 934 45
Guanajuato MX-GTO Guanajuato 1823 30 621 5 486 372 11
Guerrero MX-GRO Chilpancingo de Bravo 1849 63 794 3 388 768 11
Hidalgo MX-HGO Pachuca de Soto 1869 20 856 2 665 018 84
Jalisco MX-JAL Guadalajara 1823 78 630 7 350 682 125
Meksiko MX-MEX Toluca de Lerdo 1823 22 333 15 175 862 125
Michoacán MX-MIC Morelia 1823 58 667 4 351 037 120
Morelos MX-MOR Cuernavaca 1869 4 892 1 777 227 33
Nayarit MX-NAY Tepic 1917 27 862 1 084 979 35
Muevo Leon MX-NL Monterrey 1824 64 203 4 653 458 11
Oaxaca MX-OAX Oaxaca de Juárez 1823 93 343 3 801 962 450
Puebla MX-PUE Puebla de Saragosa 1823 34 251 5 779 829 225
Querétaro MX-QRO Santiago de Querétaro 1823 11 658 1 827 937 11
Quintana Roo MX-ROO Chetumal 1974 42 535 1 325 578 11
San Luis Potosí MX-SLP San Luis Potosí 1823 61 165 2 585 518 11
Sinaloa MX-SIN Culiacán Rosales 1830 57 331 2 767 761 25
Sonora MX-SON Hermosillo 1824 184 946 2 662 480 80
Tabasco MX-TAB Villahermosa 1824 24 747 2 238 603 11
Tamaulipas MX-TAM Sivdad Victoria 1824 80 148 3 268 554 40
Tlaxcala MX-TLX Tlaxcala de Xicohténcatl 1856 4 016 1 169 936 43
Veracruz MX-VER Xalapa de Enriquez 1823 71 856 7 643 194 250
Yukatan MX-YUC Mérida 1823 39 671 1 955 577 110
Zacatecas MX-ZAC Zacatecas 1823 75 416 1 490 668 43
Sivdad de Meksiko MX-CDMX 1824 1 479 8 851 080 12

Huersas armadas[trocar | trocar el manadero]

Ekonomia[trocar | trocar el manadero]


Ikono de referensias

Este artikolo o seksion nesesita referensias ke apareskan en una puvlikasion soportada.
Puedesh, akresentar o enkomendar al autor prinsipalo en la su hoja de diskusion. Mientres tanto, no kites este avizo.

Plataforma de petroleo enla sonda de Kampeche.

Meksiko es una de las prinsipalas ekonomias de Amerika, al nivel mundial es un territorio bien ubikado, lo ke desvelopa la industria petrolera, el komersio i el turismo komo prinsipalas fuentes de kapital. La su moneda es el peso meksikano, endemas el dolar amerikano es una prinsipala divisa ke se uza para el komersio i la eksportasion al eksterior del paiz para merkar.

Una de las prinsipalas aktividades del paiz es la ekstraksion de oleo, el kual esta en venda komo petroleo krudo para ser refinado. El lavoro tiene la Ley Federal del Lavoro para desvelopamiento i ixekusion de las aktividades laborales de los trabajadores.

El turismo es parte importante de la ekonimia del paiz, Meksiko es el paiz mas vistado de Amerika Latina i uno de los diez mas vistados del mundo. Los sus atraktivos son las playas, la rikeza kulturala de la antikas sivilizasiones, los parkes nasionalos, el arte kolonialo de las sus sivdades espayolas, el komersio i la serkanyia kon los Estados Unidos. La Riviera Maya es el prinsipalo foko de atraksion de turistas nasionales i ekstranieros, endemas la Sivdad de Meksiko es una de las kapitalas amerikanas mas visitadas del kontinente, ansi komo la sivdad de Tijuana, la sivdad fronteriza ma kruzada del mundo.

Monterrey es una de las sivdades ma industriosas del paiz, las fundidoras de metalo, la favrikasion de semento i las institusiones bankarias son la majora aktividad empresariala de la rejion.

Meksiko es el mayor produktor frutos y zarzavates komo el aguakat, el limon, i uno de los grandes produktores de maiz.

Infraestruktura[trocar | trocar el manadero]

Komunikasion i transporte[trocar | trocar el manadero]

Meksiko kuenta kon una vasta rede de estradas kue kovren un elevado porsentaje del territorio nasionalo, mesmamente es aprovechado por la una grande kantidad de linyas de autobusos kue konektan todo el paiz. Meksiko tiene un sistema de ayroportos internasionalos ke konektan kuasi toda la Amerika, i paizes de Evropa i Asya, los sus ayroportos mais importantes son el Ayroporto Internasional Benito Juarez de la Sivdad de Meksiko i el Ayroporto Internasional de Cancún.

Las redes de trenos sirven para transporte de merkadurias i la industria, es chiko el uzo de transporte kolektivo o de personas, anke agora mesmo, esta amuchiguando el uzo de trenes de sekanias komo el de Sivdad de Méksiko-Toluca o el Tren suburbano azia Cuautitlán, sen olvidar los trenes metropolitanos o metros de la Sivdad de Meksiko, Guadalajara i Monterrey.

Meksiko es uno de los paizes mas komunikados kon el mundo, ay una grande kobertura de telekomunisiones komo el telefone mobil.

Demografia[trocar | trocar el manadero]

Ay una povlasion por arriva de 120 milyones de personas, la mayor parte bive enel Vaye de Meksiko, partikularmente en Sivdad de Meksiko i Estado de Meksiko, aldredor de El Bajío enel oeste del paiz i en las sivdades kon la frontiera estadounidense. El 70% dela povlasion mora en sentros urbanos, el 30% mora en zonas ruralas.

Las kinsenas prinsipalas sivdades meksikanas por nifus (2010) zon las sigientes:

Sivdad de Meksiko
Sivdad de Meksiko
Guadalajara
Guadalajara
Monterrey
Monterrey

  Sivdad Estado Povlasion

Puebla
Puebla de Zaragoza
Toluca
Toluca de Lerdo
Stoccarda
Tijuana

1 Sivdad de Meksiko Sivdad de Meksiko 3,543 676
2 Guadalajara Jalisco 1,724,309
3 Monterrey Muevo Leon 1,388,308
4 Puebla de Zaragoza Puebla 1,013,665
5 Toluca de Lerdo Estado de Meksiko 676,533
6 Tijuana Basha Kalifornia 591,015
7 Leon Guanajuato 589,649
8 Sivdad Juárez Chihuahua 571,403
9 Torreón Coahuila 565,900
10 Santiago de Querétaro Querétaro 544,043
11 San Luis Potosí San Luis Potosí 525,105
12 Mérida Yukatan 520,838
13 Mexicali Basha Kalifornia 509,485
14 Aguascalientes Aguascalientes 495,121
15 Cuernavaca Morelos 487,470

En Meksiko ay un grande nifus de mansebos o djente djovena, la tasa povlasional muchigua azia arriva kon la tasa de natalidad i una basha tasa de mortalidad; endagora el nifus edado es mas basho ke la povlasion manseba i madura, el nivel de vida del paiz es 72 anyos en ombres i de 78 anyos en mujeres, ma los estadistikos dizen ke va a muchiguad en una vintena de anyos por el aumento del nivel de vida i por las politikas aplikadas para reduzid la tasa de nasimientos.


Meksiko
Stamp Mexico 1899 5c.jpg


Muchiguamiento natural: 0,1 %
·anyos: 2000-2005
natural: {{{}}}
Fekundidad: 1,3
Natalidad: 8,3 ‰
Mortalidad: 10,1 ‰
Mortalidad Infantil: 3,9 ‰
Esperansa de Vida: (2010)
·Ombres: 72
·Mujeres: 78
Matrimonios 4,7 ‰
Divorsios 2,4 ‰
N° Famiyias: 39.178.000
Komp.Famiya 2,1
Povlasion urbana 60 %
Imigrantes: 707.352
Ekstranieros: 7.289.149
Estadounidenzos Flag of the United States.svg 964.000
Espanyoles Flag of Spain.svg 140.800
Guatemalanos Flag of Guatemala.svg 26.600
Kolombianos Flag of Colombia.svg 18.800
Arjentinos Flag of Argentina.svg 8.000
Salvadoranos Flag of El Salvador.svg 7.900
Kubanos Flag of Cuba.svg 6.800
Grupos Etnikos Mestizos 70%
Aborijinalos 12%
Krioyos 10%
Pretos 8%
Linguas kastelyano i 62 linguas indijenas.
Relijiones: Katolikos Labarum.svg 86,1%
Protestantismo Latin Cross.svg 8%
Djudios Israeli blue Star of David.png 0,1%
Musulmanos IslamSymbol.svg 1%
otras 22,9%

Etnografia[trocar | trocar el manadero]

José Vasconcelos yamo a Meksiko, el kresol de todas las razas, una grande diversidad etnika ay enel paiz, el mestizaje es la mayor komponente raziala de la sosiedad meksikana, endemas ay las otras razas komo los puevlos aborjinalos o puevlos orijinalos desta tierra, los primeros ombres ke avitaron lo ke oy konosemos komo Meksiko; los negros afrikanos ayegaron a la Mueva Espanya en kalidad de esklavos, estos hueron liberadados de la esklavitud kon la independensia de Meksiko i endagora konforman tambien parte de la diversidad eknika.

La inmigrasion de Evropa i Asia komenzo kon la yegada de los kolonizadores, dempues de la independensia de Espanya, muevas olas migratorias ayegaron a Meksiko durante el Porfiriato, endemas kon la Primera i Segonda Gerra Mondiala, yegaron otros inmigrantes evropeos i asiatikos. La gerra sivil espanyola hue otro akontesimiento ke atrajo muevos inmigrantes espanyoles a la Repuvlika Meksikana.

Linguas[trocar | trocar el manadero]

Los idiomas ofisialos de Meksiko son el kastilyano i 62 lenguas indijenas. Meksiko es uno de los paizes amerikanos kon major diversidad linguistika del mundo, endemas solo komparado kon el Brasil, Peru i los Estados Unidos. Las linguas nativas de Méksiko mas avladas zon las linguas nahuas, las linguas mayas, las linguas zapotekas, las linguas mixtekas, las linguas otomis, las linguas mazatekas i las linguas mazahuas. Las linguas kon menos avlantes i en alto riezgo de desapareser zon el ayapaneco, el kiliwa, el solteco i el cucapá.

Las suas linguas ajenas mas avladas zon el inglez, por sirkania kon los Estados Unidos i el franzes, por relasiones diplomatikas kon la Evropa; otras linguas evropeas avladas en Meshiko son la lingua chipilenya, una variedad de la lingua venetika de Italia, el basho alman, lingua jermanika avlada por los menonitas, endemas se avla tambien el katalan, el basko, el alman, el italiano i el portugez.

Relijion[trocar | trocar el manadero]

La mayorita del paiz son kosiderados kristyanos, el 86% de la povlasion se konsidera praktikante katoliko; la kilisia katolika esta ligada a la kultura de los meksikanos, ay una huerte devosiyon a la Virjin de Guadalupe i el su sanktuario keda en la Sivdad de Meksiko, en un lugar afamado komo la Viya de Guadalupe; es la relijion ke provino de Espanya i la ke ma konversos tuvo de otros kultos anteriores, komo la de otros kultos aborijinalos (relijion azteka, relijion maya, relijion purepecha, entre otras mas) i el kulto kryptodjudio o el kulto islamiko ke tamien tuvo konversos katolikos ke yamaron muevos kristyanos. Endagora konta kon un Arzobispado Primado, arkidiosesis, diosesis, parrokias y munchas kapiyas para praktikar el kulto katoliko.

Hay otros kultos kristyanos; agora mesmo, las sus eglesias evangelikas i pentekostalas, el mormonismo ke yamada ansina komo, Eglesia de Jesukristo de los santos de los ultimos dyas, los Testemunyos de Jeova i el luteranismo alman por la su diaspora.

El paiz kuenta con una povlasion djudia de 60.000 (en la su mayorida askenazis), de la kuala 6,000 son sefaradim; endemas, Meksiko tiene una povlasion de orijen sefaradi ke emigro a la Mueva Espanya i ke fue aksorvida i akobijada por el katolisismo en tiempo de la kolonya espanyola, mayormente hueron portugezos, gayegos, andaluzos, katalanos, estremenyos, kastilyanos, leonezos i aragonezos.

Los ateos zon otro grupo sin relijion i ke es akresiente entre los djovenos meksikanos i los akademikos de las institusiones edukativas del paiz. Tambien otras relijiones komo el budezmo, el shintoismo, el induismo i el islam komienzan a tener kreyentes meksikanos, prensipalmente djovenos.

Edukasion[trocar | trocar el manadero]

UNAM, una de las universidades mas emportantes de la lingua kastelyana.

La edukasion en Meksiko ha tenido emportansia, endenantes, desde tiempos prekolombinos, los puevlos orijinalos dyeron seriedad al sistema edukasionalo desde la chikez del ninyo o ninya, a la vita adulta. La konosensia dela vida se da de padres a ijos i esos zon los valores dela edukasion de los pueblos orijinarios del paiz kuando se komienza a embezar los siklos dela vida umana.

La edukasion en Meshiko inisia a la edad de la chikez, los mansebos komienzan la su primera eskola en el jardin de kriaturas o pre-eskolar, deskues komienza la edukasion primaria, sekondaria y nivelo medio alto komo el bachiyerato o preparatoria a la Universidad.

Meksiko konta con una grande oferta de institusiones importantes de nivel superior, la Universidad Nasionala Otonoma de Meksiko, es la eskola de edukasion superior de mayora emportansia en el mundo de avla espanyola, asegun varios estudios internasionales.[27] Otras emportantes institusiones son Insittuto Politekniko Nasionalo, el Instituto Teknolojiko de Estudios Superiores de Monterrey, la Universidad Metropolitana, la Universidad de Guadajara, la Universidad Otonoma de Muevo Leon, entre otras mas.

Sensia i teknolojia[trocar | trocar el manadero]

Meksiko a sido ganyador de tres galardones Novel en sensia i teknolojia; Mario Molina fue ganayador en el anyo el galardon novel de Kemika.

Kultura[trocar | trocar el manadero]

La Charreada, erensia kulturala krioya.
Diada de la Virjin de Guadalupe, en Sivdad de Meksiko.
Artesana otomi, en Tequisquiapan.

Meksiko es una delas nasiones mas puededoras en patrimonio kulturalo, la tierra fue povlada endenantes, desde miles de anyos atras, los primeros ombres aborijinalos desharon objetos preyistorikos dela presensia umana enel territorio nasionalo. Las sivilizasiones prekolombinas i el periodo kolonial espanyol desharon una rika erensia kulturala en arkitektura, muzika, pintura, danza, teatro, literatura, eskultura i kuzina. Komo nasion independiente, el buto fe kriar muevas manisfestasiones artistikas komo el filmo i el teatro por modre de uns sosiedad kulta de puedores meksikanos del seiklo XIX. En anyos aktuales, durante el seiklo XX i seiklo XXI, Meksiko es una nasion de emportantes manifestasiones kulturalas komo el filmo, el muralismo, el djunalismo, el muevo teatro, la literatura i la mueva danza.

Fiestas de Espanya
Data Ladino Kastilyano
1 de Jenero Anyo Muevo Año Nuevo
6 de Jenero Epifania Epifanía
5 de Fevrero Dia de la Konstitusion Día de la Constitución
24 de Fevrero Diada dela Banyera Día de la Bandera
18 de Marso Ekspropiasion Petrolera Expropiación Petrolera
21 de Marso Natal de Benito Juárez Natalicio de Benito Juárez
Marso o Avril Semanada Santa Semana Santa
1 de Mayo Dia del Lavoro Día del Trabajo
5 de Mayo Bataya de Puebla Batalla de Puebla
10 de Mayo Diada de las madres Día de las madres
15 de Setiembre Fiesta Nasionala de Meksiko Fiesta Nacional de México
16 de Setiembre Independensia de Meksiko Independencia de México
1 de Noviembre Diada de Muertos Día de Muertos
20 de Noviembre Revolusion Meksikana Día de la Revolución Mexicana
12 de Diziembre Virjin de Guadalupe Virgen de Guadalupe
25 de Diziembre La Navidad La Navidad

Arkitektura[trocar | trocar el manadero]

El desenyo arkitektoniko es presente ansina en los edifizios prekolombinos de las kulturas afinkadas en el territorio del aktualo Meksiko. Una kompleja egzpresion de formas aparesen en el arte de edifikasiones komo piramides, plazas, templos o kazas.

La mueva arkitektura es representada en los muevos edifisios, komo kulas korporativos, parkos, avenidas, kales, komersios, kazerios o unidades avitasionales.

Kuzina[trocar | trocar el manadero]

La kuzina meksikana hue deklarada komo Erensia dela Umanitad enel anyo 2010, forma parte de una rika mistura de alimentos orijinarios de la tierra kon alimentos venidos de la Evropa i Asia.

El maiz es parte emportante de la komida de los meksikanos, es erensia delos puevlos orijinarios, alimento sagrado delos indijenas i emportante alimento dela nutrision basika i kotidiana de los avitantes del paiz. Del maiz, ay munchos alimentos tradisionalos komo el tamal, el atole, las tortiyas de maiz, las garnachas ke zon, ansina, platos kotidianos de los meksikanos.[28] Otros zarzavates de la kuzina meksikana es la kalavaza, el frejol, el tomat, el aguakat, el chumbero, el amaranto, el chayot, el chile, endemas.

Una de los aportes sefardis en la kuzina meksikana es la tortiya de trigo, ya ke sustituyo a la tortiya de maiz de los puevlos indíjenos, en el Norte de Meksiko ay munchos platos hechos kon tortiya de trigo, komo los burritos. otros aportes de kuzina djudeo-espanyola en Meksiko zon los bunyuelos, la kajeta, los mazapanes, las tortas de pishkado, la ropa vecha, los panbashos, el kavritiko i provablemente la barbakoa de borrego tambien seya un aporte sefardi.

Muzika[trocar | trocar el manadero]

El arte muzikal es desvelopado ansina, desde tiempos prekolombinos, los puevlos aborijinalos krearon una kultura muzikala de munchas sonoridades. El payiz kunta kon el su konservatorio de muzika enla Sivdad de Meksiko ande se puede tanyer diversos instrumentos. En Meksiko ay el Konservatorio Nasionalo de Muzika, ayi ande se tenye los instrumentos komo gitarra, piano, kontrabasho, violin, tambor o timbal.

Pintura[trocar | trocar el manadero]

Murales de Bonampak (Chiapas).

El arte plastiko en la pintura, komienza desde timepos antikos, las kuevas hueron espasios onde los primeros ombres pintaron grandes murals ensima de las piedras, por eshemplo; las kuevas de San Fransisko en Basha Kalifornia.

Los mayas hueron grandes artistos de la pintura mural, en Bonampak, Yakxilan ay una ekspresion rika en kolorido.

Meksiko es tierra de munchos muralistos pintadores komo Diego Rivera, David Alfaro Siqueiros i Frida Kahlo.[29]

Erensia kulturala[trocar | trocar el manadero]

Diada de Muertos, 2 de noviemvre.

En la erensia kulturala ay dos tipos kategorias, la erensia freguada i la erensia inmemorial komo el tradision i las kostumbres antikas de los puevlos ke afinkaron en el Meksiko; el paiz es uno de los mas grandes poseyedores dela erensia kulturala de la umanitad.

En la erensia fraguada o memorial zos akeyas fraguas de las antikas sivdades prekolombinas, las iglezias, kazas, kapiyas i fraguas administrativas del periodo kolonial espanyol, ansina las fraguas del sieklo XIX i sieklo XX ke zon parte de un estilo arkitektoniko emportante en el disenyo.

En la erensia inmemoriala, es la kuzina tradisionala de los puevlos indijenas, misturada kon la erensia iberika i asiyatika; ansina la diada de Muertos, una festividad ko orijin indijena ke rekuerda kaji toda la povlasion, pensipalmente en el sentro y sud del paiz. Endemas ay komo tradision kulturala i relijioza es la Semanada Santa, las Posadas i natal; i el dia de la virjin de Guadalupe el 12 de diziemvre de kada anyo.

Espor[trocar | trocar el manadero]

Ulama, espor orijinario de Meksiko, djogado en Sinaloa.

Los esportes se djogan ansina desde tiempos prekolobinos por los aborijinalos de estas tierras, el tlachco arkitektonikamente es un kampo esportivo para djogo de pilota, ay evidensia deyo adentro de zonas arkeolojikas en diversas sivdades prekolombinas.[30]

Uno de los djogos nativos es el ulama, espor ke usa una pilota de piel, es djogado en el estado de Sinaloa.

La charreria se konsidera el espor nasionalo de los meksikanos.[31] Este espor comenzo de las sus fayenas de los jinetos en las haziendas ganaderas de la vita rurala, Los Yanos de Apan i Calpulalpan son konsiderados komo la kuna de la charerria. El su orijen data de la epoka koloniala espanyola.

EL futbol es uno de los esportes mas djogados enel paiz, ay ekipos de primera division i ekipos de segunda division enlas grandes ligaduras.

Los djogos olimpikos fueron selevrados enel anyo de 1968, la Sivdad de Meksiko hue sede del evento esportivo.

Ver endemas[trocar | trocar el manadero]

Bibliografia[trocar | trocar el manadero]

  • Clavijero, Francisco Javier (1844). Historia antigua de México y de su conquista, Biblioteca digital de la Universidad Autónoma de Nuevo León: Imprenta de Lara. Consulta 29 de mayo de 2016.

Referensias[trocar | trocar el manadero]

  1. Ladina, Lengua y cultura. Tadradas kulturales i folklorikas, 24 de agosto de 2016.
  2. [1]
  3. Metropolis de América del Norte Metropolitan Policiy Program, Brookings, 2 de agosto de 2017.
  4. Denise Dresde El Universal, jurnal meksikano; 22 de ochobre de 2017.
  5. Konstitusion Politika de los Estados Unidos Meshikanos Ultima Reforma, 10 de fevrero de 2014.
  6. INEGI 2015 Resultados de encuesta 2015, 29 de septiembre de 2017.
  7. Don Quijote
  8. Linguas indijenas nasionalas INALI. 22 de ochobre de 2017.
  9. UNESCO
  10. Meksiko paiz megadiverso La Jornada. 2 de agosto de 2017.
  11. En Metlatónoc, el belediye más prove del paiz. (en lingua kastilyana) Crónica. 29 de diziembre de 2016.
  12. Plajas virjines de Meksiko Forbes. 5 de noviemvre de 2017.
  13. Sefaradimuestro.. (en lingua djudeo-espanyola)
  14. Orijen del nombre Mexihtli.. Revista Vida Diplomática. (en lingua kastilyana)
  15. [2]
  16. INAH Deskripsion de un gueso tayado, de llama fosil.
  17. La kultura Olmeka. Historia Universal. (en lingua kastilyana)
  18. Mesoamérca, concepto y realidad de un espacio cultural, Rovida Morgado, Rossend, Universidad Complutense de Madrid, 2008.
  19. Istoria de Meksiko, El Virreynato.
  20. Presencia portuguesa en México Colonial Miguel León-Portilla, 2006.
  21. Ekonmia de la Mueva Espanya UNAM. 2 de jenero de 2016.
  22. La ekonomia de Mueva Espanya
  23. INEGI
  24. INEGI Koordinadas jeografikas de Meshiko.
  25. Descubre Baja California
  26. México, país megadiverso. SRE, (en lingua kastilyana)
  27. UNAM, de las 3 mejores univesidades de Iberoamérica La Jornada.
  28. Turismo Cultural Pueblo del maiz, cocina ancestral de México, 2005. Sivdad de Meksiko.
  29. Garuyo Pintadores meksikanos afamados. 14 de Noviemvre de 2016.
  30. El deporte en la vida de los mexicanos.
  31. Charreria, representación simbólica de los mexicano. México Desconocido.

Atamientos eksternos[trocar | trocar el manadero]

Commons Klika akí para ver las imajes de Commons ensima de Méxiko.
Wikipedia
Vikipedya en español es una versión de Vikipedya en un idioma ke se havla en este paez. Puedes visitarla y contribuir.
Wikipedia
Vikipedya en náhuatl es una versión de Vikipedya en un idioma ke se havla en este paez. Puedes visitarla y contribuir.



 
Paizes de Amerika
Cartography of the Americas.svg

Antigua i Barbuda | Arjentina | Ayti | Bahamas | Barbados | Belize | Bolivia | Brasil | Chile | Djamaika | Dominika | Ekvador | El Salvador | Estados Unidos | Granada | Guatemala | Guyana | Honduras | Kanada | Kolombia | Kosta Rika | Kuba | Meksiko | Nikaragua | Panama | Paraguay | Peru | Repuvlika Dominikana | Santa Lusia | San Kitts i Nevis | San Vicente i las Granadinas | Surinam | Trinidad i Tobago | Uruguay | Venezuela

Dependensias: Anguilla | Aruba | Bermudas | Clipperton | Izlas Virjenes Amerikanas | Izlas Virjenes Britanikas | Isolas Kaiman | Izlas Malvinas | Groenlandia | Guadalupe | Karibe Neerlandez: Bonaire | Saba | St. Eustatius | Kurasao | Martinika | Montserrat | Guyana Franseza | Saint-Martin | Sint Maarten | Puerto Riko | Turks i Kaikos


Estados Unidos Meksikanos | Sivdad de Meksiko Bandiera de Meksiko
Estados Aguascalientes | Basha Kalifornia | Basha Kalifornia Sud | Campeche | Chiapas | Chihuahua | Coahuila | Colima | Durango | Guanajuato | Guerrero | Hidalgo | Jalisco | Meksiko | Michoacán | Morelos | Nayarit | Muevo Leon | Oaxaca | Puebla | Querétaro | Quintana Roo | San Luis Potosí | Sinaloa | Sonora | Tabasco | Tamaulipas | Tlaxcala | Veracruz | Yukatan | Zacatecas | Sivdad de Meksiko