Sebahat Tuncel

Un artíkolo de la Vikipedya, la ansiklopedya líbera
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Sebahat Tuncel avlando en una protesta en kontro del governo turkano.

Sebahat Tuncel (Sorani: سەباحەت تونجەل, nasida el 5 de Djulio de 1975) es una politika kyurdi de la Turkiya, aktivista por los diritos de las mujeres, enfirmyera i diputada enel parlamento de la Turkiya.[1]

Biografiya[trocar | trocar el manadero]

Eya nasio en Yazıhan i ambezo kartografiya en la Universita de Mersin, antes de prinsipiar la su kariera politika en la Division de Mujeres del Partido de la Demokrasiya del Puevlo (HADEP) en 1998.

Kariera politika[trocar | trocar el manadero]

Eya era la vize-prezidenta i endemas entre Ogusto de 2007 i Djunio de 2015 diputada al parlamento por Estambol del Partido de la Sosyete Demokratika (DTP), un partido del kualo eya es una de las fondadoras. Oy endiya, es la vize-prezidenta onoraria del Partido Demokratiko del Puevlo (HDP) i la vize-prezidenta del Partido Demokratiko de las Rejiones.

Endemas, lavoro kon organizasiones internasionalas komo UNDP i Amnistiya Internasionala.[2] Era yevada a un djuisio por apartener al PKK en 2006, akuzada de vijitar kampos de treinamento del PKK enel norte de Irak, i diskues era metida en la prizion. Dechidio ser kandidata en las eleksiones al parlamento de la Turkiya en 2007 desde la prizion, i diskues de aresivir un fotolyo por Estabol kon 93.000 votos,[3] era echa libbera en Djulio de 2007.[4] Eya es la mujer mas djoven en lavorar komo diputada enel parlamento turkano, i la primera persona enel payis ke era elejida al parlamento estando ainda en la prizion.

En 2016, era emprizionada[5] otruna vez, por orden de un djuzgo, por modre de bushkidas ensima de aktivitades terroristas de politikos kyurdis. Era emprizionada en la prizion de maksima seguritad de Kandira sin dinguna prova.[6]

Referensias[trocar | trocar el manadero]