Talit

de Vikipedya, la ansiklopedya líbera
Saltar a: navigación, buxcar
Un djudio kon el su talit.

El talit (en ivrit טלית) es un aksesorio relijiozo djudio en forma de shal uzado por los ombres para meldar. El su orijin viene del pasuk de la Tora enel kualo El Dio avló a Moshe Rabenu diziendo:

«Avla a los ijos de Yisrael i deziles ke se agan flekos en los kantones de los sus vistidos i ke pongan una kuadra de thelet en el fleko del kanton. Estes flekos van servir para ke kuando los vean, se akódren de todos los preseptos del Dio i los praktiken.» (Bamidbar 15: 38-40).

La ropa de katro eskinas era la vestimenta uzada en los antikos tyémpos i ainda lo es entre los beduinos. Los flekos, ke asigún la mistvá debían unirse a eyas, se trokaron a ser un perpetuo arikodro para el duenyo del vistido de ke tinía ke mantenerse dientro de los límites de la desenzia, la moral i la étika i nunka le permita ulvidárse de la ley de El Dio. Los mantos de katro kantones ya no son de uzo diario ma afilú uno en espesial se uza para meldar. El talit puede ser lungo i amplio permitiendo a la persona ke se envuelva en él o taparse la kavesa si dezeya apartarse totalmente del mundo mientras se komunika kon El Dio. Puede ser simplemente un «shal de arrogamiento» chiko i estrecho.

Se uza sólo durante el diya, ke es el momento en ke es posible verlo en la luz naturala del sol. El paitan, afilú lo uza también por la noche en alkunas komunitas ashkenazis. Kuando el djudio se kubre kon él, kudia siempre ke la parte de arriba kede fuera déke el talit es un manto ke no debe uzarse al reverso. Para el djudio, esta prenda es el vistido visible de la responsabilidad.

Atamientos eksternos[trocar | editar código]