Vichada

Un artíkolo de la Vikipedya, la ansiklopedya líbera
Saltar a: navigación, buxcar
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Departamento de Vichada
דיפארטאמינטו די בֿיצֿאדה
Departamento de Vichada
Flag of Vichada.svg Escudo del Vichada.svg
Bandyera Eskudo

Situasión de Vichada

Paiz: Flag of Colombia.svg Kolombia
Entidad: Departamento
Kapitala: Puerto Carreño
Mayor sivdad:
Linguas ofisialas: Kastilyano.
Forma de governo: Governo departamental
Shefe de governo:
Ekstension: 100 242 km2
Povlasion:
·Densidad:
Djentilisio:
Uzo orario: UTC−5
Kodigo ISO: CO-VID
Hoja web: http://www.gobvichada.gov.co/


Vichada es uno de los 32 departamentos de Kolombia. Se topa en la rejion oryentala de Kolombia, arientro del kualo se topa el Parke nasyonal El Tuparro. Endemas es el sigundo departamento mas grande de Kolombia, dempues de Amazonas. La Asamblea Nasionala Konstituyente del anyo 1991, el 4 de Djulio de ese anyo, krio el departamento espesial del Vichada, i yegó a tener sus fonksiones komo departamento independiente, desde la anyada de 1995.[1]

Puerto Carreño es la kapitala del departamento kolombiano de Vichada, es la sivdad mas povlada i es un emportante puerto a la beira del rio al oryente del paiz. Vichada es el treser departamento menos povlado del paiz, kon una densidad basha. El komersio i la industria maderera son los prensipalos lavoros ekonomikos.

Etimolojia[trocar | trocar el manadero]

El nombre del departamento es en onra al Rio Vichada, uno de los abashamientos de agua azia el Rio Amazonas.

Istoria[trocar | trocar el manadero]

En el momento dela yegada de los konkistadores espanyoles, en el Vichada se topavan varios grupos aborijinalos de los kualos algunos ay en la aktualidad; entre eyos el de los guahibos del grupo linguistiko Guahibo, los curripacos i piapocos, del grupo linguistiko Arawak, i los cuivas, desanos, puinaves i sálivas. Para pueder sobrevivid, estos indijenos han soportado todo tipo de aharvamientos, los ke los han hecho desplazarse azia sharas menos afortunadas para la supervivensia.[2]

Desde la époka de la kolonia i asta mediados del sieklo XIX el oy territorio del Vichada pertenesió al vilayet de Bogotá; durante la Gran Colombia (1819-1830), formó parte del departamento de Boyacá; entre 1831 i 1857 konstituyó enjunto kon el Meta, el Territorio de San Martín; en 1857, pasó a azer parte del Estado Soberano de Cundinamarca; en 1867 pasó a ser administrado directa mente por el governo nacionalo basho el nombre de Territorio de San Martín; el Vichada kobro vida komo entidad independiente en 1913, anyo por el kualo mediante dekreto 523 se krió la comisaría del Vichada, segregada de la jurisdiksión de la Intendencia del Meta.[3]

Kuando se krió el Vichada, su kapitala se estableció en la población de San José de Maipures. Político-administrativamente, la Comisaría Especial estava konformada por el belediye de Maipures i los korrejimientos de San José del Vichada i Empira. El 12 de djunio de 1924 mediante el dekreto 1021, se troka la kapital a Egua, (oy Puerto Nariño) en las bokas del río Vichada i se kria el belediye del Orinoco. El 5 de djunio de 1974 el Gobierno Nacional troka de forma definitiva la capital al belediye de Puerto Carreño, sentro administrativo del Vichada fondado en 1922 por el Jeneral Buenaventura Bustos, primer Komisario del Vichada. Finalmente el 4 de Djulio de 1991 la Asamblea Nacional Constituyente elevó el Vichada a la kategoría de departamento espesial, yegando a tener sus plenas fakultades komo departamento a partir de 1995.[4]

Jeografia[trocar | trocar el manadero]

Mapa fisiko del Vichada.

El territorio del departamento del Vichada kolinda al norte kon la Repuvlika de Venezuela, al sud topa kon el departamento del Guainía, al oeste kon el Meta, al noroeste kon los departamentos de Casanare i Arauca (departamento), i al este kon la Repuvlika del Venezuela. El departamento es partajado en belediyes, la kapitala es la sivdad de Puerto Carreño.

El departamento topa en dos rejiones naturalas diferentes, una es la Orinoquia, tierra de planadas i grandes rios; ansina komo la Amazonia, tierra de sharas tropikalas i tambien grandes rios ke abashan azia la Kuenka del Rio Orinoco.

Orografia[trocar | trocar el manadero]

Las sayas delas montanyas ke ay aki en Vichada, son de la Kordiyera Oryietala de los Andes kolombianos, kolinas i planada de abashan azia la kuenka del Rio Orinoco.

Klima[trocar | trocar el manadero]

En el departamento de Vichada ay dos kimas, el noreste es de klima poko seko ke se yama la Orinokia, ande ay muchiguamiento de riadas; la mayor parte del territorio departamental es shara tropikal kon luvias en verano ke se afama komo Amazonia.

Governo i administrasion[trocar | trocar el manadero]

Organizasion territoriala[trocar | trocar el manadero]

Belediye Area (km2) Povlasion
Cumaribo
La Primavera
Puerto Carreño
Santa Rosalía

Ekonomia[trocar | trocar el manadero]

La pishka del rio Orinoco.

La ekonomia del departamento es en torno a aktividades agropekuarias, prensipal mente forestalas i ganaderas de muncha basha eskala produktiva, ansina komo la ganaderia ekstensiva (se destaca la vacuna) i a las aktividades extractivas. El Parke nasyonal naturalo El Tuparro, el sentro Gaviotas i el projekto Marandúa, endemas de ser grandes atraktivos, konstituyen planes para amijorar la kalidad de vida del departamento.[5] Debido a su aislamiento JeográfiKo, egzisten plantasiones ilegalas de oja de koka, materia prima para la elavorasión de alkaloides komo la kokaina, kuyo komersio i distribusión es penalizado por el estado kolombiano, lo ke ha permitido ke los grupos al marjen de la ley bushkan tomar el kontrolo de este negosio, ke les ha valido enfrentarse a la Fuersa Públika de Kolombia.

Se han topado emportantes yasimientos de coltan en el subsuelo de este departamento, pero no los sufisientes komo para djustifiKar la eksplotasión a gran eskala; no obstante, los grupos armados ilegales i los aventureros informales buskan aprovetar las milyonarias ganansias ke desha la merka de este mineral al egzterior eksplotándolo de manera ilegal, por lo ke el governo kolombiano ha deklarado estas reservas "de interés estratéjiko", prohibiendo su eksplotasión ayinda de manera legala.[6]

Demografia[trocar | trocar el manadero]

Asegun los numeros apresentados por el DANE del censo 2005, la komposisión etnográfika de la sivdad es:[7]

Ver endemas[trocar | trocar el manadero]

Referensias[trocar | trocar el manadero]

  1. Departamento de Vichada
  2. «Reseña histórica del Vichada». Llanera.com. Consultado el 18 de abril de 2012.
  3. «Departamento del Vichada». TodaColombia.com. Consultado el 18 de abril de 2012.
  4. «Historia del departamento». Gobernación del Vichada. Consultado el 18 de abril de 2012.
  5. Error en la cita: Etiqueta <ref> inválida; no se ha definido el contenido de las referencias llamadas Llanera
  6. http://www.portafolio.co/economia/no-habra-titulos-mineros-coltan
  7. «PERFIL Vichada».

Atamientos eksternos[trocar | trocar el manadero]

Commons Klika akí para ver las imajes de Commons ensima de Vichada.