Vikipedya:¿Cómo meldar y escrivir?
Escriturias del Judeo-Español
[trocar el manadero]Los que havlaron el Judeo-Español kaji siempre usaron la escrituria de Rashí para imprimir livros, jòrnales y revistas y usaron la escrituria de Sòletreo que se llamava escrituria de mano (ou escrivir en Español) cuando se escrivía en un papel, un tefter o una letra. Este modo era a lo manko fin a los años 1950s. Esta ortoggrafía Rashí/Sòletreo se hazía con letras ebreas, escritas de la derecha a la cierda. Esta era la escrituria principala de los judiós.
En mismo tiempo, una parte de los judiós que moravan en Grecia, Bulgaria y otros lugares ande se havlava el Arabo, ya avían empeçado a escrivir con las ortoggrafías Grega, Sirílika y Araba.
La primera vez que los judiós ekspulsados de la España, conòcieron la Escrituria Latina era cuando La "Alliance Israélite Universelle" avrió su escolas y empeçó a ambezar el Francés. Medio sieklo passó y munchos ya empeçaron a escrivir el Judió con la ortoggrafía Francesa. Empecijos de los años 1900s, munchos países declararon sus independencia y también se crió muevas ortografías, las cualas también los Judiós akseptaron. Y con la primera y segunda gerra mundial, munchos judiós mudaron de país y a la fin fin empeçarón a escrivir a la manera de la mueva país que se fueron
Por todas estas razones, yay un embrolio grande en la escrituria/ortoggrafía del Judeo-Español oy en día. Mas ou manko yay 20 maneras de escrivir.
Escriturias del Judeo-Español que se usa en la Vikipedya
[trocar el manadero]En la Vikipedya Judeo-Española, se puede usar las ocho escriturias las mas importantes. Dos de ellos Rashí y Sòletreo no se usa por agora, por cavsas téknikas. Y por mancura de usadores sólo 3 de ellos se emplean por agora. La lista de estas escriturias (por ordden) está abaxo (las escriturias usadas son en grexo):
- La Ortoggrafía Francesa
- La Ortoggrafía Turca
- La Mueva Ortoggrafía Unida
- La Ortoggrafía Merubá' (Ebrea)
- La Ortoggrafía de Aki Yerushalayim
- La Ortoggrafía Rashí
- La Ortoggrafía Sòletreo
- La Ortoggrafía Española (se usa muncho en Jhaketilla)
Gías a las escriturias
[trocar el manadero]- Los que queren escrivir en Aki Yerushalayim, que miren aquí.
- Los que queren escrivir en Merubba', que miren aquí.
Aki Yerushalayim (AY) y la Mueva Ortoggrafía Unida (MOU) son escriturias desvelopadas muy muevos. Empeçaron a desvelopar a AY en el empecijo de los años 1990s y la MOU en empecijo de los años 2000s. Ma la mas grande diferencia de la MOU a todas otras ortoggrafías latinas es que la MOU tiene mas hondura en su ortoggrafía. La MOU es una ortoggrafía multidialektal que respekta y a las morfemas y a las fonemas.
Debaxo puedex topar una esplicación con detalles de la Mueva Ortoggrafía Unida en munchas linguas: