Yapto Soerjosoemarno
KRT. Yapto Soelistyo Soerjosoemarno, S.H, amijor konosido komo Yapto Soerjosoemarno, es un politiko de Indonesya, nasido el 16 de Disiembre de 1949, in Surakarta, Djava Sentrala. El su padre, Ir. KPN. Soetarjo Soerjosoemarno, es myémbro de la noblesa de la isola de Djava. Soerjosoemarno es endemas topografo i ambezó la su karriera en los Payises Bashos. La su madre, Dolly Zegerius, es una djugadora djudia-olandeza de bridge ke se izo sitizena indonesyana. Yapto Soerjosoemarno es konosido en Indonesya por ser el presidénte del partito politiko indonesio Partito Patriota[1] i lider de la mansevés del movimento Pancasila, Pemuda Pancasila. Endemás es avokato i tiene un buró en la sivdad de Djakarta, Indonesya. El Partito Patriota es konosido enel payis por la su fidelitad a la famiya del antiko presidénte Suharto.
Famiya
[trocar | trocar el manadero]Yapto se kazó kon la sinyora Retno Suciati i tiene tres ijos:
- Golda Nayawitri B.D.K, kazada kon Adityo Rizal Soeharsono;
- Sahid Abishalom B.N.N.S [2], i
- Jedidiah Shenazar K.S.
Golda tiene tres ijos kon Adityo Rizal Soeharsono: Azriel Haryo, Gefanya Pringgita i Ghalia Trisulistiani. La famiya Soerjosoemarno es konosida por sus talentos artistikos: La ermana de Yapto, Marini Burhan es una aktrisa konosida de la TV i el teatro de Indonesia, i la su suvrina Shelomita Sulistiany, ija de Marini, es kantadera.
El 12 de Marso del anyo 2011, Yapto resivió una bomba ariéntro de un livro kon titolo Apakah Masih Ada Pancasila (El Pancasila ainda egsizte?), [3] ma no akontesió nada malo.
Referensias
[trocar | trocar el manadero]- ↑ ELECTIONS COMMISSION TOLD TO RESPOND TO POLITICAL PARTIES' COMPLAINTS. Ajensia de Habér Antara. 11 de Avril de 2004
- ↑ Seven people questioned over Sunday's gang murders. Djurnal The Jakarta Post. 28 de Marso de 2000
- ↑ Bomb for Yapto disguised as book on Pancasila. Djurnal The Jakarta Post