Yasemin Adar

Un artíkolo de la Vikipedya, la ansiklopedya líbera
Ir a la navegación Ir a la búsqueda
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Yasemin Adar.

Yasemin Adar (nasida el 6 de Desiembre de 1991) es una pelivana de la Turkiya, shampiyona aktuala de Evropa i del Mundo en la kateggoriya de 75 Kg para mujeres de pelivanura libbera.

Biografiya[trocar | trocar el manadero]

Yasemin Adar es ija de Naim Adar, masadji, i de la su espoza, Ayşegül en Balıkesir, Turkiya el 6 de Desiembre de 1991. Eya tiene una ermana yamada Yıldız. La su madre murio en 2013. Diskues de eskapar el lise Gaziosmanpaşa, ambezo edukasion fisika i espor en la Universita de Balıkesir. Lavora oy endiya komo maestra en Niğde.[1][2]

Kariera esportiva[trocar | trocar el manadero]

Adar era dishkovrida por el shampiyon pelivan de la Turkiya, Aslan Seyhanlı kuando eya azia lansamiento de topuz enel lise i la universita.[1][2] Diskues de ke el avlo kon eya, eya troko el su espor ala pelivanura, aziendo parte del ekip Trakya Birlik SK.[3][4]

Adar izo parte enel Shampionato Mondial de Pelivanura de 2012 en la kateggoriya de estil libbero de -72 kg, en Strathcona County, Alberta, Kanada, ma no reushito.[5] Diskues, izo parte en Tbilisi del Shampionato Evropeo de Pelivanura de 2013 en la kateggoriya de 72 Kg libbero para mujeres, ama sin reushitar.[6]

En los Djuegos de la Mar Mediterranea de 2013 de Mersin, Turkey, reushito i aresivio la medalya de oro en la kateggoriya de -72 Kg.[1][2][7] Diskues, eskapo enel sinkeno lugar en los Shampionatos Mondialos de Pelivanura de 2013 en Budapest, Madjaristan diskues de pedrer kontro la kineza Zhang Fengliu en la semifinal, i kontro la amerikana Adeline Gray.[3][8]

Enel Shampionato Mondial de 2014 echo en Tashkent, Uzbekistan, eskapo la ronda de 16 i diskues pedrio.[9], i en los Djuegos Evropeos de 2015 de Baku, Azerbaidjan, pedrio kontro la rusa Ekaterina Bukina i la moldaviana Svetlana Saenko, eskapando enel sinkeno lugar. [10] Enel Shampionato Mondial de 2015 en Las Vegas, pedrio en la katrena ronda kontro la kolombiana Andrea Olaya.[11]

Adar yego a ser la primera mujer turkana en aresivir una medalya de oro en un Shampionato Evropeo de Pelivanura enel Shampionato de 2016 en Riga, en la kateggoriya de -75 Kg,[2][4][12][13] ganando otruna vez este shampionato enel anyo 2017 en Novi Sad.[14]

Esta anyada, yego a ser la primera mujer turkana en aresivir una medalya de oro en un Shampionato Mondial de Pelivanura, en Paris. Unos momentos diskues de aresivir la medalya, el su enamorado Erdem Yiğit le propozo espozarse, enel sentro de la estera ande reushito el shampionato. Eya acheto. [15]

Referensias[trocar | trocar el manadero]

  1. 1,0 1,1 1,2 Yasemin Adar’dan Tarihi Madalya. Balıkesit Spor. (en lingua turka)
  2. 2,0 2,1 2,2 2,3 Balıkesir'in gururu oldu. Doğan News Agency (en lingua turka)
  3. 3,0 3,1 Branş değiştirdi dünya beşincisi oldu. Hürriyet (en lingua turka)
  4. 4,0 4,1 Altın Madalyalı İşk Kadın Güreşçi. Spor Extra (en lingua turka)
  5. Championnat du Monde Senior. FILA. (en lingua fransesa)
  6. Avrupa Güreş Şampiyonası'nda bayanlar 63 kiloda Buse Tosun çeyrek finale yükseldi. Son Dakika (en lingua turka)
  7. oyunlar rekoru kırıldı birden. Hürriyet (en lingua turka)
  8. Yasemin Adar dünya beşincisi oldu. Eurosport. (en lingua turka)
  9. Yasemin Adar veda etti. Spor X (en lingua turka)
  10. Avrupa Oyunları: Güreşte 3 sporcumuz repesaj maçına çıkacak. EuroSport (en lingua turka)
  11. Kadınlar serbest güreşte 4 sporcumuz da yenildi. Cihan News Agency (en lingua turka)
  12. Güreşte 2 Avrupa Şampiyonluğu birden. Hürriyet (en lingua turka)
  13. Turkish wrestlers Adar and Demirtaş win gold medals at European Wrestling Championship. Daily Sabah (en lingua inglesa)
  14. Turkish woman wrestler wins gold in European championship. Daily Sabah (en lingua inglesa)
  15. Turkey's Yasemin Adar wins gold in World Wrestling Championships in Paris. Daily Sabah (en lingua inglesa)