Yediot Ahronot
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
| |||||||||||||||||||||
Yediot Ahronot (en ebreo, ידיעות אחרונות: "haberes d'alkavo") es el mayor djurnal en ebreo puvlikado en Israel. Desde la anyada de los 70 es el djurnal kon la mas grande sirkulasiyon en el payis.
El djurnal fue fondado en 1939 por Nachum Komarov i poko tiempo dospues fue merkado por Yehuda Mozes. El su primer editor en shefe fue Noah Mozes, el ijo de Yehuda Mozes.
En 1948, un gran grupo de djurnalistas y myémbros de personal liderados por Azriel Carlebach, el kualo era editor en ese momento, desharon el djurnal kon el buto de konformar otro, yamado Yediot Ma'ariv, oy en diya konosido como Ma'ariv. Carlebach fue trokado por Herzl Rosenblum. Esto prinsipio una gerra por la sirkulasiyon i prestijio entre los djurnales enemigos. Oy en diya, el djurnal es dirijido por el ijo de Noah Mozes, Arnon Mozes. Por munchos anyos fue editado por el ijo de Herzl Rosenblum, Moshe Vardi, el kualo fue trokado en 2005 por Rafi Ginat.
El djurnal konforma parte del Yedioth Ahronoth Group, el kualo endemas tiene partisipasiyon en varias entreprisas israelianas, komo la oja web de haberes Ynet, el djurnal ekonomiko Calcalist; HOT, la entreprisa de televizyón por kable; "Yediot Tikshoret", un grupo de djurnales ebdomadarios lokales; "Vesti", un djurnal eskrito en ruso; Laisha, una gazeta para mujeres; i otras entreprisas no relasionadas con la komunikasiyon de masas. Shilo De-Beer fue promovido a editor en Abril del anyo 2007.