Aydin

de Vikipedya, la ansiklopedya líbera
Saltar a: navigación, buxcar
Aydın
איידין

Bandeira de Aydınאיידין Escudo de Aydınאיידין
Latrans-Turkey location Aydın.svg
Paez Turkiya
Pozision 37°46' N 29°05' E
• Altura 7 msnm
Superfisie 627 km²
Povlasion 191.037 ab. (2011)
• Densidad 304,68 ab./km²
Djentilisio Aydino /-a
Alkalde Özlem Çerçioğlu (CHP)
Pajina web http://www.aydin-bld.gov.tr


Aydın (en grego: Αϊδίνιο, Aidino), antika Tralles, es la sivdad kapitala de la provinsia de Aydın de Turkiya. Aydın se topa en la valey basha del rio Büyük Menderes fiska la mar Ejea, una rejion konosida desde epokas antikas por la rikeza i produktivitad de su tierra. Oy, el amijor konosido de sus produktos es el figo. Endemas, en la sivdad se topan algunas entreprisas. El klima es kalurozo el enverano i el resto de la anyada suave.

Etimolojiya[trocar | editar código]

Yamada en la epoka antika Tralles i, diskues, Güzelhisar, el nombre uzado oy endiya para la sivdad proviene del beylik turko de Aydınoğlu, el kualo kontrolo la rejion enel syeklo XIV.

Templo de Apolo en Aydin.

Vida djudia en Aydın[trocar | editar código]

Al empesijo del syeklo XX la komunita era de unas 3.000 personas, kon tres esnogas, un espotal, una yeshiva, un Talmud Tora i endemas buros de sedaka. Enel anyo 1894 fue aperturada una eskola para mansevos de la Aliansa Yisraeliana Universala i enel anyo 1904, una para donzeyas. La komunita lavorava enel komersio kon otras sivdades del antiko Imperio Otomano. Ma la invasion grega de Turkiya oksidentala izo ke la komunita dechidiese salir de la sivdad, espesialmente a Izmir, Rodes i unas 200 famiyas verso Amerila del Sud. Para la Primera Gerra Mondiala, ya kaji no bivian djudios en la sivdad.[1]

Referensias[trocar | editar código]

  1. Aydin. Jewish Virtual Library. (en lingua inglesa)