Eilat

de Vikipedya, la ansiklopedya líbera
Saltar a: navigación, buxcar
Eilat
אילת

Bandeira de Eilatאילת Escudo de Eilatאילת
Paez Israel
Pozision 29°55' N 34°95′ E
• Altura 4 msnm
Superfisie 80 km²
Fundación 1959
Povlasion 55,000 ab. (2006)
• Densidad 698 ab./km²
Djentilisio Eilatí
Alkalde Meir Yitzhak-Halevi
Pajina web http://www.eilat.muni.il
Una plaj de Eilat

Eilat (en ebreo אילת), sivdad de Asia oksidental, ubikada en el Serkano Oryente y pertenesiente a Yisrael. Es la sivdad mas al sur del paez, en el Distrito Sur, ubikada en la chika kosta ke Israel tiene sobre la Mar Kolorado. La su povlasion es de unos 55.000 abitantes. El su nombre esta derivado de la antiga sivdad de Elath, ke suele edentifikarse oy endia kon la sivdad vezina de Aqaba, en Djordania.

El dezierto del Negev, kon forma de triangulo invertido, tiene a Eilat en su vertise meridional, sobre la kosta del Golfo de Aqaba (la entrante oryental de la Mar Kolorado) y serka de las sivdades de Taba (Ejipto) i Aqaba (Djordania).

El ekstremo kalor del Negev, uno de los mas djermos desiertos del planeta, keda suavizado por la ubikasion kostera de Eilat: las aguas de la Mar Kolorado abediguan a suavisar las altas temperaturas, gosando la sivdad de un klima semitropikal ke la a echo una de las mas importantes atraksiones turistikas de Yisrael, endemas de la egzistensiya de formasiones koralinas i una rika vida submarina, muy apresiadas por los submarinistas, i las ekspediciones de aventura al interior del Negev.

Eilat es una sivdad muy resiente, cuyo orijen data de los deseyos de los djudios por asentar su dominio en el dezierto del Negev, otorgado por la partision de las Nasiones Unidas a Yisrael. Andjak, el pasado de esta sona kostera pode remontarse hasta el reynado de Salomon haMelej, ken en el syeklo X aperturo el porto de Esyon-Geber en la kosta del Mar Kolorado para merkar kon los paezes de Ofir y Saba, tal como dize la Tora.

Ubikasion de Eilat en Yisrael

Dempues de la gerra de independensia de Yisrael del anyo 1948, Eilat se konvirtio en un importante posto no solo estratejiko, sino tambien komersial, para el muevo paez. Egipto, asyendo kaso omiso de las leyes internasionales, serro el traverse del Kanal de Suez a las naves de bandeira israeli, ansina komo el Estrecho de Tiran, ubikado a la entrada del Golfo de Eilat, impidendo ansina la navegasion de las naves israelies asya el Mar Kolorado. Este blokeo impidio a Yisrael a la ora de akseder a los merkados del Este de Africa i el su akseso a las fontes de petroleo del Sudeste de Asia, por lo que las sus naves devian dar la bolta a Afrika para akseder a estos rekursos. Dempues de la gerra del Sinai del anyo 1956, Yisrael konsigio romper el blokado egipsio. Ansina, Eilat fue konsolidandose con el paso de los anyos komo un sentro turistico de primer orden. Endemas munshos bolos kontratados yegan al Aeroporto Internasional Ovda de sivdades en Evropa, sovre todo de Amsterdam i Londres, endemas de los bolos regulares ke vienen de Tel Aviv, Haifa i Londres

Ciudades ermanas[trocar | editar código]

Eilat tiene kayes yamadas Durban i Los Angeles, en onor a las sus sivdades ermanas


Commons-logo.svg
Klika akí para ver las imajes de Commons ensima de Eilat.


Ikono de esbozo

Este artikolo es endagora, solo un esbozo. Ampliandolo ayudaras a amijorar Wikipedia.
Puedes ayudarte kon las wikipedias en otras linguas.