Iglesia Ortodoksa

de Vikipedya, la ansiklopedya líbera
Saltar a: navigación, buxcar
Iglesia Katólika Ortodoksa
Krus ortodoxa
Fondador 12 Apostoles i unifikada por el Primér Konsesho Ekuméniko en Nizea presidido por el Emperador Konstantino I
Deidad Yeshu, Santa Trinidad
Lider Asigún la iglesia, anke el Patriarka de Konstantinopla es yamado primus inter pares
Tipo Kristianismo
Nombre i número de fiyeles Kristyanos ortodoxos,
Unos 300 milyones[1][2]
Livro sagrado Biblia
Lingua relijioza Grégo, Eslavoniko, linguas nasionalas
Sede Asigún el patriarkado
Lugares Santos Flag of Israel.svg Yerushalayim
Flag of Israel.svg Nazaret
Flag of Greece.svg Monte Athos
Flag of Palestine.svg Beit Lehem
Flag of Egypt.svg Har Sinai
Flag of Turkey.svg Estambol
Payises kon mayor povlasion Flag of Russia.svg Rusia[3]
Flag of Ukraine.svg Ukraina
Flag of Romania.svg Rumania
Flag of Serbia.svg Serbia
Templos Kilisias, Basilikas
Lideres relijiozos Patriarkas, Arsobispos, Obispos
Relijiones relasionadas Kristianismo

La Iglesia Ortodoksa es una komunita kristiana, la kuala, asigun la su tradisiyon, egziste desde Yesukristo i a los sus doze apostoles, a traverso de una suksesiyon apostolika. Es la tresera de las tres grandes iglesias o komunitas kristyanas, dempués de la Iglesia Katolika ilas iglesias protestantes. Egizsten má de 300 milyones de kristyanos ortodoksos en todo el mundo.[4][5]

La Iglesia ortodoksa se konsidera la eredera de tudas las komunitas kristyanas de la mitad oryental de la Mar Mediterraneo (esto yeva a alkunas tensiones con iglesias oryentales unitas a Roma). La su doktrina teolójika se establesió en una serie de konsilios, de los kualos los má emportantes son los primeros Syete Konsilios, yamados "ekuménikos", los kualos tuvieron lugar entre los syéklos IV i VIII. Dempues de varios desenkontros i konfliktos, la Iglesia Ortodoksa i la Iglesia Katolika se separaron en el yamado "Sisma de Oryente i Oksidente", el 16 de Djulio de 1054. El kristyanismo ortodokso se difundió por Evropa Orientala shukur al prestijio del Emperio Bizantino i a la lavor de munchos grupos misioneros.

Oy endiya, el kristyanismo ortodokso es la relijion dominante en Byelorrusia, Bulgaria, Kipre, Jeorjia, Gresia, Montenegro, Moldavia, Masedonia, Rusia, Rumania, Serbia i Ukraina. Egzisten komunidas grandes en Kazajistan (44% de la povlasiyon), Letonia (35%), Bosnia i Hersegovina (31%), Estonia (25%), Albania (20%), Kirgistán (20%), Libanon (10%)[6], Uzbekistán (9%), Turkmenistán (9%), Kroasia (4,4%), Lituania (4.1%)[7] i Sisdjordania. Debido a la emigrasiyon, egzistoen también komunidas emportantes en Almania, Arjentina,[8][9] Ostralya,[10] Kanada, Espanya,[11] Estatos Unitos d'Amerika, Fransia,[12] Reyno Unito i en Italia.

Distribusiyon de la ortodoksia en el mundo por payises. La kolor má oskuro apresenta kualo es la relijion má emportante del payis. Si es mas klaro, es de una menoriya emportante


La Iglesia ortodoksa está en realidad konformada por 15 iglesias otoséfalas, las kualas rikonosen la avtoridad eklesiástika de akódro kon el patriarkado al kualo perteneskan; por egzempio, Patriarkado de Antiokiya, de Konstantinopla, de Aleksandriya, etc.

Referensias[trocar | editar código]

  1. Adherents.com
  2. about.com
  3. La cantidad de ortodoxos en el mundo (en lingua kastilyana)
  4. Adherents.com
  5. about.com
  6. La cantidad de católicos ortodoxos en el mundo
  7. CIA - The World Fact Book
  8. Iglesias de Argentina
  9. Iglesia Ortodoxa en Argentina, www.pravoslavie.ru
  10. Iglesia Ortodoxa en Australia, www.pravoslavie.ru
  11. Europa ortodoxa: España, www.pravoslavie.ru
  12. Europa ortodoxa: Francia, www.pravoslavie.ru