Justinianus

de Vikipedya, la ansiklopedya líbera
Saltar a: navigación, buxcar
Justinianus I.

Justinianus I el Mogdon (En lingua latina: Flavius Petrus Sabbatius Iustinianus; en grego: Ιουστινιανός) (Tauresium, 11 de Mayo de 483 – Konstantinopolis, 14 de Noviembre de 565) era emperador de los romanos desde el 1 de Agosto de 527 fina la su muerte, i el último en avlar latin komo lingua madre.

Konosido por su reforma i agrupamiento de leyes i por el gran kresimiento militar en Oksidente basho el su pueder, espesialmente por modre de las aksiones de Belisarius. Todo esto azia parte de un gran prodjekto de restorasion del Imperio romano (Renovatio imperii romanorum), por el kualo es mentado «el ultimo emperador romano». Shukur a estas aksiones, el imperio aresivio un milyon mas de solidos al anyo. La Iglesia Ortodoksa fiesta el su diya el 14 de Noviembre.

Munchos istoriadores i akademikos lo yaman tanto komo un jenio, komo un governante malvado i selozo. Kitando la su personalitad, izo grandes ovras komo la Kilisia de Santa Sofiya o el koddiche romano, la baza de la ley romana oy endiya.