Repuvlika de Kina
De Wikipedia
|
Taiwan o la Repuvlika de Kina (en kinezo 中華民國) es un paez de Asia Oryental konformado por varias adás, no sólu la adá de Taiwan, sino endemas las adás de Kinmen (Kemoy) i Matsu, las Islas Pishkadores i otras adás menores.
[editar] Istorya
Desde la su proklamasyon komo provensiya Kina enel anyo 1887, los sistemas administrativos an estado ligados a este paez Asiatiko. Dempues se ser kolonia Japoneza,la sosyetá iva sigir basho el governo del Partito kinezo Kuomintang. Enel anyo 1947, la rebeliyon en kontro del KMT iva ser reprimida i dos anyos dempues el partito iva estableserse de manera definitva en la adá. Desde ayí, el partito deklaró el território komo baza provisional de la Repuvlika de Kina. Dempues de este momento, la adá se iva trokar a ser un punto estratejiko para los intereses de Estatos Unitos, paez ke le iva dar el su respaldo ekonomiko i militar durante la Gerra Friya. El KMT iva instalar un governo ke pretendiya representar a todas las provensiyas khinesas, anke kon pokos diritos umanos. Entre los anyos 1953 i 1985, Taiwan iva eksperimentar un dezvelopamiento endustrial notable shukur a la intervensiyon de teknokratas del Banko Mundial i de Estatos Unitos. Este kresimiento ekonomiko iva konvertir a la adá en el sigundo paez eksportador de plastikos, kímikos, tekstiles i elektronikos de konsumo, afilu kon kondisiones de lavoro no muy buenas para los empiegados de las fabrikas. Este iva influir en el surjimiento de movimentos sosiales ke kuestionavan la politika komun a Taipei i Peking para integrar Una sóla Kina. Enel anyo 1979,l los Estatos Unitos ivan akabar relasiones diplomatikas kon Taiwan dempues de ke la Repuvlika Popular Kina entrasse en las Nasiones Unitas i Taiwan empesara a perder rekonosimiento mundial, huersada a sigir partisipando en kompensensias esportivas internasionalas basho el nombre Taipei Kineza i sin poder usar la su bandeira, ya ke de akódro kon la politika de Peking, sólu egziste una sola Kina. Enel anyo 1986, se iva fondar el Partito Demokratiko Progresista, primér partito de oposisyon al governo del Kuomintang i desde el anyo 1994, a kresido munsho la luta por la independensia del paez como Repúvlika de Taiwan. Sin embargo, el paez a sabido sigir kresiendo ekonomika i teknolojikamente a pesar de las sus gerras politikas internas i el debate entre el Status Quo, propuesto por el Kuomintang la independensia komo Repuvlika de Taiwan, propuesta por el PDP o la integrasion kon la Repuvlika Popular Kina, ke propone el governo de Peking kon un sistema paresido al Un paez, dos sistemas aplikado para Hong Kong i Macau.
[editar] El dezvelopamiento endustrial i teknolojiko de Taiwan
Taiwan fue el primér paez yamado Tigre Asiatiko déke el su dezvelopamiento industrial a sido pishín i sin parada desde los anyos 60 i 70, sigindo el eksemplo de Japon. Dempues de empiesar produsiendo produktos baratos, oy endia egzisten munshas markas konosidas taiwanesas de alta teknolojiya komo Acer, AOpen, Asus, BenQ, D-Link, Genius, Realtek i VIA Technologies, las kualas dezvelopan konosimiento kon sólu teknikos taiwaneses. El paez iva kriar el primer parko teknolojiko, un area destinada espesialmente al dezvelopamiento i la investigasyon, en Hsinchu, enel anyo 1980 i ke oyen dia tiene 380 entreprisas de alta teknolojiya. Endemas, una de las kompanyias má grandes de naves de karga del mundo, Evergreen es taiwanesa, la ke a la su vez forma parte del mismo grupo ke la aerolinea EVA Air.
Este artikolo es endagora, solo un esbozo. Ampliandolo ayudaras a amijorar Wikipedia.
Puedes ayudarte kon las wikipedias en otras linguas.
