Tao Te King

de Vikipedya, la ansiklopedya líbera
Saltar a: navigación, buxcar
Este artikolo uza la grafiya de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Parte de un manuskrito kinezo, tinta ensima de seda, syeklo II aEK, dinastiya Han, topado en la tresera tumba de Mawangdui, Chansha, provinsia de Hunan, Repuvlika Popular Kina. Muzeyo de la provinsia de Hunan.

El Tao Te King (Kinezo tradisional: 道德經; kinezo simplifikado: 道德经 ;pinyin: Dào Dé Jing, Wade-Giles: Tao Te Ching) es un teksto de filosofiya klasika kineza eskrito por Lao Tse. El su nombre tiene su orijin en los biervos uzados para sus dos partes: 道 tao "el kamino", la primera del kapitolo 1, i 德 te "virtud", o "pueder", la primera del kapitolo 38, ajustando 經 king, "livro klasiko".

Asigun la tradision, fue eskrito alderedor del syeklo VI AEK por Lao Tse, un enrejistrador lavorante para la dinastiya Zhou. Este livro es una de las bazas del taoizmo filosofiko i endemas desho enfluensia ensima de otras eskolas de penserios, komo el legalizmo i el neo-konfusianizmo. Tiene un rol emportante en la relijion kineza tradisionala, ma endemas kon el budizmo, el kualo kuando yego ala Kina fue metido kon biervos i konseptos taoistos. La visyon del mundo kinezo esta yena de la filosofiya taoista i por modre de esto, munchos artistas, pintadores, eskritores i afilu kudiadores de gan uzaron esta ovra komo baza.

El Tao ke puede yamarse no es el Tao eterno.
El nombre ke puede yamarse no es el nombre introkavle.
La no egzistensia es el prinsipio del syelo i de la tierra.
La egzistensia es la madre de todo lo ke egziste.
Lao Tse, Tao Te King

Ver endemas[trocar | editar código]