Zionismo revisiyonista

de Vikipedya, la ansiklopedya líbera
Saltar a: navigación, buxcar
El Mandato Britaniko de Palestina kontinía lo oy konosido komo Israel, la Franja Oksidentala del Yarden, la Franja de Gaza i Djordania. La parte al oksidente del Yarden empiesó a ser administrada komo "Palestina". Los djudios revisiyonistas demandavan todo el Mandato komo el Estado djudio. En konsekuensa de esto, asta munchos anyos dempues de la independensia de Israel no akseptavan la egzistensia de Djordania. Afilu para la anyada de 1970, la egzistensia de Djordania deshó de estar en dubio.

A la ala dirita tradisionala del zionismo se le konose komo zionismo revisiyonista. Esta ala fue fondada por Ze'ev Djabotinsky dempues de una separasion en la Organizasion Zionista Mondiala kuando los zionistas más aktivos se alesharon de los órganos ofisiales del zionismo, en la anyada de 1920 kon el buto de konformar una organizasion propia, la kual iva sigir los prinsipios de Theodor Herzl, deke asigun eyos, las organizasiones ofisialas del zionismo (giadas antonses por Haim Weizmann) no azían aksiones menesterozas para la kriasión pishín del Estado djudío en Palestina (en parte por modo de su politika de negosiasiyon kon el Imperio Britaniko) i demandavan una "revisiyon" del zionismo "praktiko" de David Ben Gurion i Haim Weizmann; por esto, el zionismo revisiyonista dezvelopó grupos aktivos kon el buto de kriar el Estado Djudio en la Tyérra de Israel. Un aspekto ke los azía diferentes kon el zionismo de siédra, los revisiyonistas no vidían korrekto mesklar el zionismo kon otras ideolojiyas politikas, ma unir sus eshuérsos en la independensia del Estado djudio, sin azer vida aktiva en la politika internasionala. Para esto, Djabotinsky krió una organizasion djovenil-edukativa en 1923 (Betar), una organizasion polítika enel anyo 1925 (Organizasiyon Zionista Revisiyonista) i un movimento armado enel anyo 1931, Irgun[1].

El zionismo revisiyonista tiene un gran orgolyo nasional del pueblo djudio, bazado en la kreyensia de ke los djudíos tienen el dirito de kriar su propio Estado en todo Eretz Israel, el kualo estaría konformado por lo ke se tinía konosido komo el Mandato Britaniko de Palestina i lo ke oy se konose komo Djordania, pararebivir los antikos diyas de gloria ebrea en la epoka de David Améleh. Endemas, este movimento esta opozado a entregar territorios basho kontrolo yisraeli i propoza azer aktivitás sosyalas para tener reushitá en sus objektivos. Oy endiya alkunos partitos politikos i organizasiones yisraelis se azen yamar los portadores de la ideolojiya orijinala de Ze'ev Djabotinsky, komo el Likud

Referensias[trocar | editar código]

  1. Ze'ev (Vladimir) Jabotinsky. Jewish Virtual Library


Ikono de esbozo

Este artikolo es endagora, solo un esbozo. Ampliandolo ayudaras a amijorar Wikipedia.
Puedes ayudarte kon las wikipedias en otras linguas.