Akademia de la Lingua Ebrea

Un artíkolo de la Vikipedya, la ansiklopedya líbera
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

La Akademia de la Lingua Ebrea (en ivrit, הַאֲקָדֶמְיָה לַלָּשׁוֹן הַעִבְרִית, Ha'akademia Lalashón Ha'ivrit), es la institusion kriada por una ley de la Knesset del anyo 1953 komo la institusion superior para la lingua ebrea, define estandares i normas para la gramatika, la ortografiya, las reglas de transliterasion i la puntuasion diakritica ebreas, bazadas en el dezvelopamiento istoriko de la lingua ebreo. Endemas, la Akademia es responsable de la kriasion de muevos biervos en ebreo para mantener la lingua al ritmo de la sosyete de oy endiya ke troka pishin.

La frágua de la Akademia.

La Akademia esta konformada por 23 partisipantes, entre eyos linguistos, profesores en estudios djudaikos i de Tora, ansina komo katedratikos de otras dissiplinas, poetas, eskritores i tresladadores, entre otros.

Las dechisiones de la Akademia en kuánto a linguistika, leksiko e idiomatika, son obligatorias de sigir para todas las institusiones de Yisrael, inkluyendo la Autoridad de Radiodifusion de Yisrael.

Fonksiones[trocar | trocar el manadero]

Komo esta definido en su akta fondasionala, las fonksiones de la Akademia son:

  1. Investigar i kompilar el leksiko de la lingua ebrea, d'akodro kon los sus diversos estratos i kapas istorikas.
  2. Estudiar la istoria i la estruktura del idioma.
  3. Dirijir i enkauzar el dezvelopamiento del ivrit d'akodro kon la su natura, los sus menesteres i el su potensial, en todos los ambitos de la vida kotidiana i akademika.

Mas informasion[trocar | trocar el manadero]

Atamientos eksternos[trocar | trocar el manadero]

Commons Klika akí para ver las imajes de Commons ensima de Akademia de la Lingua Ebrea.