Alefbet arameo
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
El alefbet arameo o alefbet arami es la evolusyon del alefbet fenisio en la kuala se eskrive la lingua aramea. Anke en el empesijo los arameos uzavan el alefbet fenisio, dospues ke la lingua prinsipio a ser avlada komo la lingua franka de la rejion, el alefbet prinsipio a desveloparse, espesialmente en su forma kursiva o alefbet siriako.
En avlando arameo komo la lingua franka del Medio Oryente desde el syeklo VIII AK, el alefbet prinspio a ser uzado para eskrivir en otras linguas semitikas de la rejion, komo por enshemplo ebreo i nabateo; el desveloppamiento de versiyones kursivas del alefbet arameo krio los alefbetes siriako, palmirense i mandeo. Estos sistemes de eskritura formaron la baza de los alefbetes arabo, sogdiano, orkhon i mongol, ansi komo las formas en estil imperial kriaron los alefbetes pahlavi i manikeo. Endemas, la majorita de akademikos konsideran el alefbet arameo komo el orijin del brahmi, el kualo es el padre de los alefbetes indianos.
Orijin
[trocar | trocar el manadero]Los primos eskritos en lingua aramea fueron eskritos uzando el alefbet fenisio.[1] Dospues, el alefbet se desvelopo en la forma aktuala, kon el arameo yegando a ser la lingua franka de todo el Medio Oryente, kon el su alefbet komplementando al empesijo el alefbet kuneiforme ashuri i a la fin trokando kompletamente a este komo sistem de eskritura dominante.
Letras del alefbet arameo
[trocar | trocar el manadero]| Letra | Nombre |
|---|---|
| 𐡀 | Ālaf |
| 𐡁 | Bēth |
| 𐡂 | Gāmal |
| 𐡃 | Dālat |
| 𐡄 | Hē |
| 𐡅 | Vav |
| 𐡆 | Zayin |
| 𐡇 | Ḥēt |
| 𐡈 | Ṭēth |
| 𐡉 | Yod |
| 𐡊 | Kāf |
| 𐡋 | Lāmad |
| 𐡌 | Mim |
| 𐡍 | Nun |
| 𐡎 | Semkat |
| 𐡏 | ʿAyin |
| 𐡐 | Pē |
| 𐡑 | Tsādhē |
| 𐡒 | Qof |
| 𐡓 | Rēsh |
| 𐡔 | Shin |
| 𐡕 | Tav |
Ver endemas
[trocar | trocar el manadero]Referensias
[trocar | trocar el manadero]- ↑ Inland Syria and the East-of-Jordan Region in the First Millennium BCE before the Assyrian Intrusions, Mark W. Chavalas, The Age of Solomon: Scholarship at the Turn of the Millennium, ed. Lowell K. Handy, (Brill, 1997), 169.
Este artikolo es endagora, muy chiko. Muchiguando su kontenido vas ayudar a amijorar la Vikipedya.
Puedes kitar ayudo kon las vikipedyas en otras linguas.