Ana Pauker

Un artíkolo de la Vikipedya, la ansiklopedya líbera
Ir a la navegación Ir a la búsqueda
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Anna Pauker.

Ana Pauker (nasida komo Hanna Rabinsohn; Codăești, 13 de Fevrero de 1893 – Bukureshti, 14 de Djunio de 1960) era una politika de Rumania, la kuala yego a ser la ministra de relasyones eksteryoras del payis ala fin de los ayos 1940 fina el empesijo de los anyos 1950. Era la shefa no-ofisyala del Partito Komunista de Rumania diskues de la Sigunda Gerra Mondiala.

Biografiya[trocar | trocar el manadero]

Pauker nasio en una famiya djudia prove de Codăești, en la rejion de Moldova. Kuando era manseva, ambezo para ser maestra de eskola i lise. Mientres ke el su ermano bohor era sionista, eya dechidio por el komunismo, ajustandose al grup pro-bolchevike ke tomo el kontrolo del Partito Sosyalista de Rumania enel kongreso del 12 de mayo de 1921, i se unio al Komintern basho el nombre de Partito Sosyal-Komunista. Eya i el su espozo, Marcel Pauker, eran myembros emportantes del partito. En 1922, eran metidos en la prizion por las sus aktivitas politikas, i diskues de salir en libertad, yegaron a bivir en Suisa.

Mas adelantre, Pauker bivio en Fransia, ande dava lisiones enel Komintern i dio ayudo enel movimento komunista de otros payises de los Balkanes. Abolto a Rumania i otruna vez era metida en la prizion, en 1935, esta vez aresiviendo 15 anyadas. En Mayo de 1941, era echada del payis, i trokada kon la Union Sovyetika por Ion Codreanu, miembro del Sfatul Ţării (Parlamento de Besarabia ke voto para se unir kon Rumania en Marso de 1918) ma esto la kito el su payis djusto antes ke Ion Antonescu tomara el pueder en Rumania i mandara los djudios verso Auschwitz.[1]

Diskues de la Gerra[trocar | trocar el manadero]

En Mosku, eya se troko en la shefa de los komunistos rumanos enel egzilio. Kuando la Armada Kolorada yego a Rumania en 1944, Ana Pauker abolto al su payis, aziendo parte del governo post-gerra, el kualo tenia majorita de komunistos. En Noviembre de 1947, el no-komunista Ministro de Relasyones Eksteryoras Gheorghe Tătărescu era kitado del pueder i trokado por Pauker, la kuala era agora la prima mujer enel olam moderno en tener este lavoro. Ma lo emportante no era el kontrolo del Partito Komunista, del kuala era la shefa i antonses azia de eya la shefa vedradera de la Rumania post-gerra. En 1948, Time la amostro en la su primera oja, kon el titolo "The most powerful woman alive" ("La mujer mas puederoza oy"). Era konosida komo una stalinista kompleta[2] i komo la shefa d ela ideolojiya de Mosku en Rumania.

Ma afilu, una vez ke eya yego al governo, buskho kitarse un poko del Kremlin. Era opozada al fraguamiento del kanal Dunai-Mar Preta, anke Stalin tenia propozado el prodjekto personalmente; endemas, era opozada ala kampanya sovyetika en kontro de Tito, ansina komo azer djuzgo a Lucreţiu Pătrăşcanu. Dio ayudo ala aliya de unos 100 mil djudios de Rumania entre la primavera de 1950 i la de 1952, kuando los otros payises sovyetikos tenian serradas sus portas a los djudios por modre de la kampanya anti-zionsista de Stalin.

Pauker i sus aliados eran purgados en Mayo de 1952, enhuersando el pueder de Gheorghiu-Dej enel payis i el partito. De eya era avlado ke era "kosmopolitana", el biervo ke uzava Stalin para los djudios de la Union Sovyetika i el Blok del Este. Era metida en prizion en Fevrero de 1953, ma diskues de la muerte de Stalin en Marso de esa anyada, era trokada la prizion por kedar metida en kaza. Desde la su kaza lavorava komo traduktora de franzez i alman para la kaza editoryala Editura Politică.

Muerte[trocar | trocar el manadero]

Pauker murio en 1960, de un atako al korason. Eya i Marcel Pauker tenian 3 ijos: Tanio, Vlad i Tatiana. Eya tambien tenia una ija, Masha, kon el komunisto cheko (tambien djudio) Eugen Fried. Endemas, adopto un ijo, Alexandru.[3]

Referensias[trocar | trocar el manadero]

  1. Robert Levy, Ana Pauker: The Rise and Fall of a Jewish Communist, University of California Press, 2001, ISBN 0-520-22395-0, pp. 64-66
  2. 273. Ana Pauker: Dilemmas of a Reluctant Stalinist
  3. Adrian Cioroianu, Pe umerii lui Marx. O introducere în istoria comunismului românesc, Editura Curtea Veche, Bucharest, 2005. ISBN 973-669-175-6