Arabi Andalusi

Un artíkolo de la Vikipedya, la ansiklopedya líbera
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Kalifato de Kordova, ande era avlado el Arabi Andalusi.

El Arabi Andalusi (العربية الأندلسية, al-arabiya al-andalusīya) es un lashon del Arabi ke era avlado en Al-Andalus, la rejion de la Peninsola Iberika (oy endiya, gran parte de Espanya i Portugal) ke apartenia el Mondo Islamiko entre los syeklos VIII i XV. Oy endiya, malorozamente es una lingua morta diskues de ke los moros eran kitados de la Peninsola Iberika enel syeklo XV, i estos arivaron alas rejiones del Magreb, el kualo izo ke pedrieran el su propio lashon del Arabi, i diskues la Rekonkista kristiana de la penninsola, ke impozo la lingua kastilyana endemas de la relijion. Oy endiya, es ainda uzado en la musika andalusi i trusho munchos biervos en los lashones de sivdades de la Afrika del Nord komo Tetuan, Fes, Rabat, Tanjer, Nedroma, Tlemsen, Mustaganem, Sharshal i Arjel. En la Comunidad valenciana fue la lengua predominante de las regiones interiores hasta inicios del siglo XVII.

Este lashon metio munchos biervos en la lingua romanse avlada en Andalusiya, la lingua kastilyana, la lingua gayega, la lingua portugeza, la lingua katalana, en espesial el su lashon valensiano, i los lashones arabis de Maroko i Arjelia, espesialmente el Orani. Kaji todos los biervos de orijin kastilyano enel Darija yegaron por modre del arabi andalusi.

Klasifikasyon[trocar | trocar el manadero]

El áarabi andalusi apartiene ala famiya de lashones arabos oksidentales de la antikita, por el kualo no tiene disglosiya entre sus lashones bedui, sitizeno o del kampo, ni entre komo lo avlavan kristianos, musulmanos o djudios.

Oja del livro del mediko Al-Kattani Tratamiento de Hazinuras ke aparesen enel puerpo (syeklo XI).

Istorya[trocar | trocar el manadero]

El arabo andalusi era avlado en la Peninsola Iberika entre los syeklos IX i XVIII, i yego a tener unos 7 milyones de avlantes entre los syeklos XI i XII, kuando el numero empieso achikarse basho la presion de los muevos reynos kristianos en la peninsola (Rekonkista) ma las minoriyas moras ke bivian bash kontrolo kristiano lo avlaron fina la ekspulsion de los moros al empesijo del syeklo XVII.

Komo en munchas otras rejiones ande el Arabi es avlado, el lashon andalusi no era usado para eskritura, ya ke el arabi klasiko es uzado para tekstos i literatura.

Los primeros enshemplos del arabi andalusi son de entre los syeklos X i XI, en tekstos kurtos i poeziya en arabi klasiko (Muasha), i diskues, enel syeklo XI en poeziya i reflanes. El ultimo enshemplo enrejistrado del arabi andalusi es una letra eskrita enel syelo XVII en la Provinsia de Valensia, ke era la ultima rejion de la pensinola ande era avlado.

Deskripsion[trocar | trocar el manadero]

Fonolojiya[trocar | trocar el manadero]

Vokales

Los nombres propios i los biervos emprestados alas linguas romansas (espesialmente alas de la Pensinsola Iberika) amostran ke enel arabi adnalusi el sonete de una vokal /ā/ es pronunsiada komo /ī/ o /ē/, komo por enshemplo:

Arabi klasiko al-bannā' 'el konstruktor' > arabi andalusi al-bannī' > albañil (kastilyano)
Arabi klasiko al-ŷulŷulān 'el sumsum' > arabi andalusi al-ŷulŷulīn > ajonjolí (kastilyano)
Arabi klasiko al-kirā' 'el alkiler' > arabi andalusi al-kirē' > alkiler
Arabi klasiko ya' biervo uzado para dar saludes > arabi andalusi ye' . Este biervo, es ainda uzado en la Komunidad Valensiana para dar saludes.
Konsonantes

Los linguistos diskuten muncho ensima de kualo era el sonete de < ق >. Esta letra, en arabi klasiko apresenta un sonete sodro [kˤ] o [q], ma en arabi andalusi no egzisten estos sonetes.

Por modre del kontakto kon las linguas romansas, los sonetes /p/, /g/ i /tʃ/ eran metidos ala lingua, los kualos no egzisten en otros lashones del arabi.

Referensias[trocar | trocar el manadero]

  • Kees Versteegh, et al. Encyclopedia of Arabic Language and Linguistics, BRILL, 2006.
  • El dialecto árabe andalusí y el origen del aljamiado, artikolo del Sentro de Estudios Moros de Andalusiya

Atamientos eksternos[trocar | trocar el manadero]