Ashkenazim

Un artíkolo de la Vikipedya, la ansiklopedya líbera
Djudios ashkenazis aziendo orasiones en la Esnoga durante Yom Kippur, por Maurycy Gottlieb, 1878.

Los djudios Askenazim o ashkenazis (en ivrit, אַשְׁכֲּנָזִים‎), es komo se yaman a los djudios ke tienen los sus orijines en la Evropa Sentrala i Oryentala —prinsipalmente en Almania, Polonia, Fransia, Ukraina i Rusia; rejion yamada para empesijos del syéklo X por los djudios de la Edad Media "Ashkenaz". Estos djudios dezveloparon kostumbras i leyes partikolares, las kualas les azen diferentes de los otros djudios —los sefardim i los mizrahim, sobre todu— yegando afilu a kriar una lingua propia, el idish, la kuala nasio de la meskla de los lashones almanes de las rejiones ande bivian estos djudios kon enfluensia de linguas eslavas i del ivrit. Antes del Olokósto, los ashkenazim eran mas del 90% de la povlasion djudia mondiala; ma endagora oy endia, la su kantidad relativa esta entre un 70% i un 80%[1], i en Israel la su kantidad es de un 50%.

Referensias[trocar | trocar el manadero]

  1. Can Sephardic Judaism be Reconstructed?. Elazar, Daniel J. Jerusalem Center for Public Affairs.

Ver endemas[trocar | trocar el manadero]