Avraham Itshak Kook
El sinyor haham Avraham Itshak AKoen Kook (en ivrit אברהם יצחק הכהן קוק), era un haham zionista. Nasió en Grīva, sivdad ke se topa oy endiya en Letonia, enel anyo 1865 i yegó a la Palestina del Mandato Britaniko emigró a Palestina en la anyada de 1904. Enel anyo 1921, yega a ser el primer Rabino Shefe ashkenazi del antonses "Ogar Nasional Djudio" enel Mandato Britaniko de Palestina. Era un haham konosido por su konosensia de la Gemara. Enel anyo 1924, fondó la yeshiva Merkaz ARav.
La su akseptasion del lavoro komo Rabino Shefe, una okupasion "zionista", amostra el su akódro kon los prinsipios del zionismo religiozo. Uzó este posto kon el buto de dar huérsa al zionismo relijiozo enel Djudaismo ortodokso, no solo enel Mandato Britaniko de Palestina, ma en komunitas de todo el mundo. El sinyor Kook bushkó giar la ideolojiya del zionismo relijiozo verso una tendensya mas mesiánika. Para Kook, la geulá del puevlo djudio tenía su empesijo aktualmente i los zionistas, afilu los no relijiozos, yevavan parte de esta geulá. La rekonstruksiyon de una vida djudia otonoma en Eretz Yisrael permite i anunsia el tornar de los djudios de su golá, mas adelántre el tornar a la vida relijioza fina la yegada del Mashiah. Antonses, el zionismo es ansina parte del proyekto de El Dio para la arivada de los diyas mesiánikos.
Enfluensia
[trocar | trocar el manadero]La enfluencia del rav Kook enel dezvelopamyento del zionismo relijioso tiene katro partes:
- Dio huérsa a la union al zionismo en las komunitas djudias ortodoksas (ama no entre los haredis).
- Dio oryentamiento al zionismo relijiozo lisionando la yegada del Mashiah kon el zionismo.
- Unió la tierra de Israel a la salvasion relijioza (i no sólo nasionala) del puevlo djudio.
- Desvelopó las bazas ideolójikas de la evolusion nasionalista de una parte emportante del zionismo relijiozo, anque el no yegó a ser direktamente parte de esta interpretasion.
Ovras
[trocar | trocar el manadero]Orot ("Luses")
[trocar | trocar el manadero]- Orot – Tresladado por Bezalel Naor, Jason Aronson 1993. ISBN 1-56821-017-5
- Orot ATeshuva – Tresladado por Ben-Zion Metzger, Bloch Pub. Co., 1968. ASIN B0006DXU94
- Orot AEmuna
- Orot AKodesh I,II,III
- Orot ATora
Pensamyento djudio
[trocar | trocar el manadero]- Ain Aiyah – Komentaryos de Ein Yaakov the Aggadic sections of the Talmud.
- Resh Millin – Diskusyon ensima del alefbet ebreo, la gramatika i el uzo de las nikudot
- Ma'amaré HaR'Iya I,II – ensayos i letras
- Midbar Shur – lisiones ahuéra de Eretz Yisrael
- Havosh Pe'er – ensima de los tefilin
- Eder AYakar and Ikve ATzon
Halaha
[trocar | trocar el manadero]- Be'er Eliyahu – ensima de Ilchot Dayanim
- Orach Mishpat – Shu"t de Orah Hayim
- Ezrat Cohen – Shu"t de Even AEzer
- Zivhei R'Iyah- Shu"t i Hidushim ensima de Zvahim i Avodat Beit ABehira
Otras ovras
[trocar | trocar el manadero]- Shmone Kvatzim – Republikado komo Arpile Tohar[1]
- Olat Raiya – Komentarios del Sidur
- Igrot ARaiya – Koleksion de letras del Rav Kook