Chumbero

Un artíkolo de la Vikipedya, la ansiklopedya líbera
Ir a la navegación Ir a la búsqueda
     
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Chumbero, planta espinoza venida dela Amerika azia otros kontinentes.
El chumbo, fruta del chumbero.

El chumbero (del arabo Ṣubbar) es una planta de klima desertiko de orijin amerikano, es una arvoliko ke muchigua enlas chumberas (zonas ande ay munchos chumberos) i endemas enlas kebradas de los akantilados, el su fruto es el chumbo. El su djenero sientifiko es Opuntia ficus-indica. Es una planta espinoza de tronko enraizado, los sus brazos o penkas son tambien alimento para personas (sobre todo en Amerika) i para forraja de animales komo puerkos i kavras.

Etimolojia[trocar | trocar el manadero]

El biervo de chumbero, proviene de la lingua araba; Ṣubbar o Ṣubbara.[1] En los paizes amerikanos tiene distintos nombres, por eshemplo; se diz nopal en Meksiko (ande tambien es un simbolo nasionalo) i la palavra proviene de la lingua nahuatl, en Ekvador es nombrado komo penco, enel Peru yamase tunal, en el resto de Sudamerika se diz tuna. En Espanya fue introduzido desde Amerika, ansina ayi se le konose komo chumbera i en Izlas Kanarias se le konose komo tunero.

Biolojia[trocar | trocar el manadero]

El chumbero es una planta o arvoliko de la famiya de los kaktos i del djenero opuntia ficus-indica.

Distribusion[trocar | trocar el manadero]

La planta espinoza es de orijen amerikano, asegun muchigua desde las praderas de Kanada asta la Patagonia, endemas muchigua en las izlas de la mar Karibe i del Oseano Pasifiko. El chumbero hue yevado a Espanya, lugar ande komenzo la su distribution i adaptasion al klima del Mediterraneo, del norte de Afrika y delas izlas del Oseano Atlantiko komo las Kanarias, Madeira i Azores. Endemas ay espesias de chumbero en las izlas de Hawaii, territorio ke korresponde a la Oseania.

Produksion[trocar | trocar el manadero]

Merka de chumbero en Meksiko.

Meksiko es el paiz kon mayor kultivo de chumberos para uzo de alimento i merkaduria, el Vaye de Meksiko es onde ay grandes produksiones de chumberos en Milpa Alta, Xochimilco, Tlahuac, Teotihuacan, Otumba, Axapusco, Texcoco i Acolman, endemas en Puebla, Morelos, Guerrero, Oaxaca, Querétaro, Hidalgo, Tlaxkala, Zakatekas, San Luis Potosí, Guanajuato, Aguaskalientes, Michoakan i Yukatan; el segondo paiz es el Peru, endemas kon una ancha produksion en los departamentos de Apurimac, Moquegua, Ica i Ankash, el tersero es Italia y el katreno es Espanya, siendo la izla de Sicilia la ke akapara la mayora produksion de chumberos i chumbos en el Kontinente Evropeo junto kon Andaluziya, en Espanya. El mayor produktor de chumberos en Afrika es Maroko, onde endagora tambien es parte de la kuzina marokana.

Otrunos paizes onde se produse chumbero en kultivo zon Malta, Arjelia, Portugal, Fransia, Israel, Gresia, Kipre, Ayifto, Libia, Tunesia, Mauritania, Kabo Vedre, Ekvador, Brasil, Estados Unidos, Chile i Kuba.

Uzos[trocar | trocar el manadero]

El chumbero konta kon varios uzos, el principal es para la alimentasion, endemas se uza para kurar dolensias i azer remedios o hazinas.

Alimento[trocar | trocar el manadero]

Ensalada de chumbero.

La konosensia dela planta hue endenantes de la konkista del Kontinente Amerikano, las antikas sivilizasiones amerikanas dieron al chumbero un sentido sagrado; los espanyoles konosieron el chumbero kuando estos divisaron ke era komida para los puevlos indijenos i ke azian alimentos kon las penkas i frutos. Endagora el chumbero es kultivado para el konsumo umano i para la alimentasion de alkunos animales o azer una mejora de kalidad de karne.

Hazina[trocar | trocar el manadero]

Kon la penka del chumbero se aze dolse de jalea, remedios para dolensias, alimento para abashar de peso i prevenir hazinuras komo diabetes, gordura o prevenir dolensias del korason.

Pintura[trocar | trocar el manadero]

El puevlo azteko uzo el chumbero, para la krianza de kochiniya, insekto ke sirve para pintar de kolorado o karmin las telas, proseso ke los espanyoles uzaron endemas en Espanya y ke yego azta Maroko, paiz onde se sige uzando el pintado kon kochiniya de chumbero.

Kuktura[trocar | trocar el manadero]

Glyfo de Meksiko Tenochtitlan.

Asegun la mitolojia de los aztekos, la grande Meksiko-Tenochtitlan fue fondada kon el sembol de un chumbero ensima de una chika izla del Lago de Texcoco. La planta es un sembol emportante en las kulturas mesoamerikanas, endemas de ayudo en la medesina i la kosmo-visyon propia delos puevlos aborijinalos.

En el eskudo del Meksiko, el chumbero es parte emportante de la sembolojia dela heraldika, dos animales son ensima del chumbero i abasho ay pedazo de tierra o izla.

Taxonomia[trocar | trocar el manadero]

Opuntia ficus-indica fue deskrita primero por Carlos Linneo en Species Plantarum, vol. 1, p. 468 en 1753 como Cactus ficus-indica[2] y atribuyida al djenero muevo Opuntia i publikada en The Gardeners Dictionary, ed. 8, nº2, por Philip Miller en 1768.[3][4][5]

Etimolojia

Opuntia: nombre djenériko ke proviene del grego uzado por Plinio el Viejo para una planta ke muchiguo alrededor de la sivdad de Opus en Gresia.[6]

ficus-indica: kompuesto por ficus, la chumbera, i el epíteto neológico latino indica ke siynifica "de la India", entendido komo Indias Oksidentalas (West Indies). O sea, chumbera de la India.

Sinonimia
var. decumana (Haw.) Speg.
  • Cactus decumanus Willd.
  • Opuntia decumana (Willd.) Haw.
var. gymnocarpa (F.A.C.Weber) Speg.
  • Opuntia gymnocarpa F.A.C. Weber[7]

Ver endemas[trocar | trocar el manadero]

Referensias[trocar | trocar el manadero]

Atamientos eksternos[trocar | trocar el manadero]

Commons Wikimedia Commons alberga kontenido multimedia sovre Chumbero