Dario Moreno
Dario Moreno fue un kantadero turkano de orijin sefardi, nasido komo David Arugete, el 3 de Avril de 1921 en Aydin, Smirna, Turkiya, i muerto el 1 de Disiembre de 1968 en Estambol. Ijo de un turkano i de una meksikana konosio un gran égzito en los payises de avla fransesa en la anyada de los 1960, aziendo roles en el sinema i kantando endemas en opereta i kansiones de ritmos latinos.
Biografiya
[trocar | trocar el manadero]
Dario Moreno empiesó desde mansevo kantando en los Bar Mitsvot de la komunita i en las esnogas de Esmirna. Shukur al égzito de la su voz, dempues del su servis en las huérsas armadas turkanas, fue kontratado para kantar en un tour mondial kon la orkesta de Mac Allen, lo kualo aze ke el vijitase Paris en 1948, ande desidio gravar el su primer disko, uno de boleros, kon Odéon. Dempues, komo kantadero de opereta endjunto a Luis Mariano, se une a la entreprisa Polydor i ayí kanta las kantikas de los antonses djovenes Charles Aznavour i Gilbert Bécaud. Dio el su primer konsierto enel anyo 1954, tras el kualo se konvirtio en un kantadero muy polular kon kantikas komo "Quand elle danse" (Me voy p'al pueblo), "Por favor" , "Maria Cristina veut toujours commander" (María Kristina me kere governar) en 1952, "Si tu vas à Rio" en 1958 o "Brigitte Bardot" en 1961. Endemas izo de aktor en varios filmos, en los kualos siempre izo alkun personaje eksótiko. La su kantika má konosida es "Ya Mustafa".
Durante toda la su vida estuvo muy unido a la su Turkiya kerida, ande nasió i kresió, i el destino kijió kualo el muriese en un taksi en kamino al aeropuerto de Estambol de un atako al korasón. Para antonses el tinía 47 anyos. Está entyerrado en Holon, Israel.
Enlasos eksternos
[trocar | trocar el manadero]
Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.