Edad de Oro de la Kultura djudia en Espanya

Imej de un paitan meldando la agadá de Pesah en al-Andalus; de la Agadá de Barselona, syéklo XIV.

La edad de oro de la kultura djudia en Espanya, aze referensia a la epoka en la kuala la peninsola Iberika se topava basho kontrolo musulmano i egzistia una toleransia de los djudios, por lo kualo la su kultura, relijion i ekonomiya se dezveloparon muncho.

Esta "Edad de Oro", asigun los akademikos, puede tener su empesijo en dos datas diferentes:

• Entre los anyos 711 i 718, diskués de la konkista de los Umayas.
• Enel anyo 912, basho el governo de Abd-al-Rahman III.

Esta edad yegó fina alkuna de estas datas propozadas:

• El anyo 1031, kuando sehó de egzistir el Kalifato de Kordova.
• Enel anyo 1066, data del amortamyénto de djudios en Granada.
• Enel anyo 1090, kuando arivaron los Almoravidos.
• Enel syéklo XII, kuando arivaron los Almohados.