Pesah

de Vikipedya, la ansiklopedya líbera
Saltar a: navigación, buxcar
Seder de Pesah.

Pesah (en ivrit פֶּסַח), ke sinyifika literalmente "saltar", es la fyesta djudia en la kuala se akódra i fyesta la kitada del pueblo djudio de Ayifto, asigun se melda enel livro de Shemot. El pueblo djudio konsidera la kitada de Ayifto komo el empesijo de su vida komo nasiyon.

Este es uno de los tres hagim yamados Shalosh Regalim del djudaismo, deke en la epoka del Bet Amikdash, la djente de todo Israel vijitava el Bet Amikdash i azía ofrendas.

Este hag dura syete diyas (ocho enel Galut) i durante eya esta defendido komer alimentos echos kon los sinko sereales (trigo, sevada, senteno, avena i espelta) fermentados, yamados en ivrit Hamets (חמץ) (la raíz de este biervo indika "fermentasiyon"). Antonses se kome matsá (מצה) un pan echo sin fermentarsen la masa. Asigun la tradisiyon, los djudios se kitaron de Ayifto kon poko tyémpo i no dio shans de azer fermentar el pan para el kamino, i por esto nase la kreyensya de tener defendido komer hamets.

Durante la priméra noche de la fyesta i las dos primeras noches enel Galut, aze una seudá tradisionala, yamada Leil aSéder o "Séder" (סדר), durante la kuala se melda la Agadá, la istorya de komo los djudios fueron kitados de Ayifto.

Pesah es yamada endemas Hag aAviv, "fyesta de la primavera", deke en Eretz Israel esta estasiyon tiene el su empesijo estos diyas; tambien es yamada Hag Herutenu, la "fyesta de la muestra libberasiyon" i Hag aMatsot, la "fyesta de las Matsot".

Trokamientos en la Amidá[trocar | editar código]

Desde Pesah i asta Sukkot, se troka en la Amidá meldar pidiendo a El Dio ke deshe kaer tal, i no por luvya, la kuala se pide en envierno.

Ver endemas[trocar | editar código]

Atamientos eksternos[trocar | editar código]