Esnoga Istorika Justo Sierra 71
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
La Esnoga Istorika Justo Sierra 71 o Esnoga Nidjei Israel es la esnoga ashkenazi mas antika de la Sivdad de Meksiko. Se topa en la kaleja Justo Sierra, del Sentro Istoriko dela Sivdad de Meksiko. La fragua forma parte delos numeros ofisialos 71 i 73, tiene una fachada koloniala tipika del sentro dela sivdad, en la puerta ay lavradas dos estreyas de David, uno de los simbolos prinsipalos de djudaizmo.
La esnoga Nidjei Israel es un fragua relijioza i sentro kultural dela komunidad djudia, es aperturada a todo el publiko, konta kon visitas giadas i aktividades kulturalas sin ninkuno fin lukrativo. Dempues de su restaurasion ke fino en 2009, la esnoga avre las sus puertas a la jente para kompartid el arte djudio, la su istoria i otras manifiestos kulturales i relijiozos del djudaizmo en Meksiko.[1]
Istorya
[trocar | trocar el manadero].JPG)
La esnoga fue ergida a partir del anyo 1941, los ashkenazis de Polonia, Rusia, Almania, Bulgaria, Rumania, Repuvlika Cheka i Madjaristan apoyaron la su edifikasion. El plano de la esnoga tratava de imitar las esnogas rusas, el modelo fue trayido dela Lituania.
Los djudios ke se afinkaron en las vizindades del male de La Merced, eran jente manseva ke fuyeron dela grande persekusion Nazi dela Evropa i de los primeros anyos del mundo sovyetiko, ma izieron una pronta integrasion a la sosiedad meksikana, alkunos meldaron enjenyeria industrialA, medisina i komersio, prontamente prosperaron i finansiaron la ovra de la esnoga ashkenazi por munchos anyos.
Ayi, adentro dela fragua se izieron los eventos de la komunita, komo las bodas i otras fiestas relijiosas, akodros komunitarios i parte de la edukasion inisial de las kriaturas. Al pazo de las anyadas, akaudalaron los djudios del sentros i trokaron las sus moradas azia otras muevas kolonias o males komo Polanko i Chapultepec, la esnoga de la Merced hue kedando abandonada. Se levantaron muevas esnogas ashkenazis i el edifisio relijioso se volvio una ruina.
La arkitekta Mónica Unikel hue una de las prinsipalas personas ke lavoraron en la restaurasion de la esnoga, en el anyo 2009 hueron termniados los lavoros i se avrio dita fragua al publiko para presentasiones kulturalas i para el kulto djudio en el sentro dela sivdad.
Arkitektura
[trocar | trocar el manadero]- Dosyas de la Esnoga Nidjei Israel
-
-
-
-
-
_02.jpg)
.jpg)
.jpg)
.jpg)
.jpg)
La esnoga konsta de dos fraguas, el primer edifisio fue konstruido en el periodo kolonial espanyol, es el akseso prinsipalo, la fachada es de estil barroko kon piedra de tezontle (piedra volkanika de Meksiko de kolor kolorado) en dos nivelos.
Adentro se topa un segunda fragua, es la esnoga i hue konstruida a partir de 1941, es de estil art deco en el eksterior, kon una sierta influensia de las esnogas antikas de Lituania en el interior.