Sivdad de Meksiko

de Vikipedya, la ansiklopedya líbera
Saltar a: navigación, buxcar
(i) 19° 25′ 10″ N, 99° 08′ 44″ O / 19.41944, -99.14556
Este artikolo uza la grafiya de Aki Yerushalayim para la lingua judeo-espanyola. Mersi muncho por mantener el artikolo uzando este estil.


Sivdad de Meksiko
Ciudad de México
סיבדאד דה מקסיקו

Bandeira de Sivdad de MeksikoCiudad de Méxicoסיבדאד דה מקסיקו Escudo de Sivdad de MeksikoCiudad de Méxicoסיבדאד דה מקסיקו
Mexico (city) in Mexico (zoom).svg
Paiz Flag of Mexico.svg Meksiko
Pozision 19°29′52″N 99°7′37″O
• Altura 2240 m
Superfisie 1.485 km²
Povlasion 8.851.080 ab. (2012)
• Densidad 5.862 ab./km²
Djentilisio Meshikenyo, -/a, chilango, -/a
Alkalde Miguel Mancera (PRD)
Hoja web http://www.df.gob.mx

La Sivdad de Meksiko (en kastilyano: Ciudad de México) es la kapitala i la sivdad ma emportante de Meksiko. Es fondada enel anyo 1824 kon la kreasion del Distrito Federal. Enel anyo 2010, la sivdad tenia 8.851.080 avitantes i una superfisie de 1.485 km². Es konsiderada Sivdad Global por avarkar gran importansia komo Sentro finansiero en Amerika.

Unos 3.977.663 de personas avitan la sivdad en la su area metropolitana, asiendo la Sivdad de Meshiko la mayor sivdad del paiz i la dosen del Kontinente Amerikano. La sivdad esta ubikada en el Altoplano del Vaye de Meshiko i es el prinsipal sentro ekonomiko de la rejion. En el su momento fue konsiderada komo una de las sivdades aboriginalas mas importantes del mundo prekolombino, el su sentro istoriko al enkanto de las las sivdades espayolas fundadas en el Muevo Olam. Oy endia es una sivdad moderna dividida en onze delegasiones: el sentro istoryiko y la zona mueva de Santa Fe, la kolonia Roma de estilo evropeo kon galerias, muzeyos, avenidas, teatros, kavés, livrerias.

Etimolojia[trocar | Trocar el manadero]

Glyfo de Meksiko Tenichtitlan.

En djudeoespanyol es Sivdad de Meksiko[1] es orijinalo de la lingua nauatl, la suya intepretasion del biervo Mexihco, el kualo sinyifika Lugar del dyo Mexihtli, una representasiyon de Huitzilopochtli.[2] Otra version diz ke signifika Lugar en el ombeliko de la luna.[3] Era yamada la Grande Mexihco-Tenochtitlan, la antika kapitala de los aztekos.

En kastilyano se diz Ciudad de México, el su nombre ofisial de la sivdad, otro nombre komun es Kapitala Meksikana. En otras linguas nasionalas se diz Altepetl Mexihco, en lingua nauatl; Hnini M'ondä, en lingua otomiana, Jñiñi B'ondo, en lingua mazaua; Ñuu Koyo, en lingua mishteka.

Istoria[trocar | Trocar el manadero]

Los meksikanos fundaron en el anyo de 1325 la sivdad de Meksiko-Tenochtitlan, en una isola chika al sentro del lago de Texcoco, 25 i 13 anyos mais tarde un grupo de los aztekos fundaron la sivdad de Tlatelolco en otra isola chika al noroeste.26 Ma tarde, en 1428 Tenochtitlan, Tetzcoco i Tlacopan establesieron la Tripla Alianza.

Deskues de la konkista de la Sivdad de Meksiko, Hernado Cortés afinko la su residensia en el puevlo de Coyoacán, al sud de la sivdad.

Jeografia[trocar | Trocar el manadero]

Serra del Ajusco.

La Sivdad de Meksiko esta afinkada sovre el Vaye de Meksiko, es un altopalano kaji a 2500 metros de altura sovre el nivelo de la mar, antikamente fue una isola ensima de un lago, anyos deskues se sekaron los lagos y akresento la sivdad. Al sud está Serralada de Chichinaitzin i topa kon el estado de Morelos, al nord esta la Serralada de Guadalupe I topa kon Estado de Meksiko, aleste esta la Serralada de Santa Catarina topando kon el Estado de Meksiko y al oeste esta la Serralada de las Cruces, topando kon el Estado de Meksiko. La mayor altura de la Sivdad de Meksiko es el Piko del Águila o Serro del Ajusco, elevado a 3000 metros ensima del nivelo de la mar.

El klima es templado-umido i templado subumido al nord, kaji todo el anyo ay lluvias, los rios korren del sud para los lagos de Xochimilco i lagos del oriente, kaji todos los antikos rios kedaron abasho de la sivdad, jueron akanalados por los sus tunelos para desembokar al nord enel rio de Los Remedios kon direksion al Grande Kanal de la Sivdad de Meksiko.

Governo i administrasion[trocar | Trocar el manadero]

El poder exekutivo esta konformado por el su jefe de governo de la sivdad, el governador es Miguel Mancera. La sivdad endagora es una mueva entidad, ansina desde el anyo 2016, el su nombre ofisial es Sivdad de Meksiko (antikamente Meksiko Distrito Federal) konta kon una Suprema Korte Djustisia i una Kamara Lejislativa. El Palasio del Ajuntamiento es la sede ofisial del governo de la sivdad, se topa en la Plasa Sentral o Zocalo.

Aktualmente la division administrativa queda formada por 15 delegasiones, en el anyo 2018 las delegasiones seran munsipios, tedran el su ajuntamiento i alkalde.

Organizasiyon territoriala[trocar | Trocar el manadero]

  Delegasiones Kavesa delegasionala
001 Álvaro Obregón
002 Azcapotzalco Azcapotzalco
003 Benito Juárez
004 Cuajimalpa de Morelos
005 Cuautémoc
006 Coyoacán Coyoacán
007 Magdalena Contreras
008 Miguel Hidalgo San Miguel Chapultepec
009 Milpa Alta Milpa Alta
010 Iztacalco Iztacalco
011 Iztapalapa Iztapalapa
012 Tláhuac San Pedro Tláhuac
013 Tlalpan Tlalpan
014 Xochimilco Xochimilco
015 Venustiano Carranza

Ekonomia[trocar | Trocar el manadero]

Paseyo de la Reforma.

La Sivdad de Meksiko es uno de los prinsipalos sentros finansieros del paiz, en la kapitala meksikana konsentra las ofisinas del su Banko Nasionalo de Meksiko i una koneksion kon munchas sivdades del mondo por via ayria. El Paseyo de la Reforma es la vialidad ma importante de la sivdad, ayí ay kulás o raskasyelos bankarios i de las institusiones ma importantes del paiz, el komersio esta muncho akresentado i konsentra la aktividad de la rejoin sentrala del paiz.

Santa Fe es uno de los sus muevos sentros finansieros, las ofisinas sentralas de munchas firmas internasyonales estan ayí. Tambien ay industria en las sus zonas obreras, ma kaji toda esta afinkada en la Zona Metropolitana de la Sivdad, adintro del Estado de Meksiko (estado frontietizo ke rodea kaji todo el territorio de la Sivdad de Meksiko).

Ansina, el kresimiento demografiko a kriado desigualdades ekonomikas entre los avitantes de la sivdad.

Turismo[trocar | Trocar el manadero]

El turismo es una de los prinsipalos aportes de dinero de la Sivdad, el su Sentro Istoryiko fue deklarado por la UNESCO komo patrimonio kulturalo de la Unanidad I konta kon munchos edifisios antikos del periodo kolonialo espanyol i edifisios del seklo XIX del periodo republikano o porfiriano.

Kultura[trocar | Trocar el manadero]

Sivdad de Meksiko es afamada o mentada komo la Sivdad de los Palasios, el riko patrimonio kulturalo de la sivdad atraye myles de personas todo el anyo de distantes kales del mondo. Es una de las sivdades kon ma museyos en el mondo, la kudia y el amostramiento de objetos antikos i de arte moderno es la prinsipala aktividade del sistema museyolojiko de la sivdad kapitala. Aki ay un desvelopamiento de las artes plastikas i es meka de la kultura nasionala.

Arkitektura[trocar | Trocar el manadero]

El desenyo arkitektoniko es presente ansina en las fraguas de toda la sivdad, ay restos prekolombinos de las kulturas afinkadas en el territorio komo los edifikados por los aztekos un deyos es Templo Mayor en el zokalo de la sivdad.

Muzika[trocar | Trocar el manadero]

La sivdad kunta kon el su konservatorio nasionalo de musika.

Pintura[trocar | Trocar el manadero]

Meksiko es tyra de munchos muralistos pintadores komo Diego Rivera, David Alfaro Siqueiros i Frida Kahlo, la grande kapitala del paiz a sido kuna del trabajo de grandes artistas, las sus ovras destakan komo el Sentro Kulturalo David Alfaro Siqueiros.

Una de las grandes koleksiones de pinturas esta dentro del Museyo Nazionalo del Arte, ayá en el Sentro Istoryiko de la Sivdad de Meksiko, endemas ay importantes obras de eskultura adintro del museyo.

Sivdades ermanas[trocar | Trocar el manadero]

La Sivdad de Meksiko tiene munchas sivdades ermanas:

Ver endemas[trocar | Trocar el manadero]

Referensias[trocar | Trocar el manadero]

  1. Geoview.. (en lingua djudeo-espanyola)
  2. Orijen del nombre Mexihtli.. Revista Vida Diplomática. (en lingua kastilyana)
  3. [1]

Atamientos eksternos[trocar | Trocar el manadero]

Commons-logo.svg
Wikimedia Commons alberga kontenido multimedia sovre Sivdad de Meksiko


Estados Unidos Meksikanos | Divisiones politikas Bandiera de Meksiko
Estados Aguaskalientes | Basha Kalifornia | Basha Kalifornia Sud | Kampeche | Chiapas | Chihuahua | Koahuila | Kolima | Durango | Guanajuato | Guerrero | Hidalgo | Jalisko | Meksiko | Michoakan | Morelos | Nayarit | Muevo Leon | Oaxaca | Puebla | Keretaro | Kintana Roo | San Luis Potosí | Sinaloa | Sonora | Tabasko | Tamaulipas | Tlaxcala | Verakruz | Yukatan | Zakatekas | Sivdad de Meksiko
Arias insulars Arrezife Chinchorro | Kozumel | Isola Mujeres | Isola Guadalupe | Isola Socorro | Isola Clarión | Isola Benedicto | Isolas Marias | Isola Cedros